20
Respublikamiz lalmikor dehqonchiligi ob-havo, tuproq unumdorligi va
o’simliklar dunyosi vertikal zonallik qonuniyatiga asosan o’zgarib boradi hamda
tuproq va iqlim sharoitlariga ko’ra quyidagi mintaqalarga bo’linadi;
Tekislik lalmikor mintaqa. Bu mintaqa nam bilan taminlanmagan dengiz
sathidan 200-450 metr balandlikda joylashgan. Yillik yog’ingarchiliklar miqdori
280 mm dan oshmaydi. Bu mintaqa Forish (shimoliy qismi), Yangiobod
(shimoliy va shimoliy sharqiy qismi), Nurota (shimoliy, janubiy-g’arbiy qismi),
G’uzor (g’arbiy qismi) tumanlarni o’z ichiga oladi. Bu mintaqada boshoqli don
ekinlarining bahorgi va yozgi vegetasiyasi davomida kuchli havo va tuproq
qurg’oqchiligi (garmsel) yuzaga kelishi sababli qurg’oqchilikka chidamli ekin
arpani yetishtirish maqsadga muvofiq.
Do'stlaringiz bilan baham: 
