Reja: Atom va molekulalarning kvant mexanikasi

Bor nazariyasining kamchiliklari. Bor nazariyasi atom fizikasi rivojlanishiga ulkan hissa qo‘shib, kvant mexanikasining yaratilishiga muhim qadam bo‘lib xizmat qildi. U vodorod va vodorodsimon atomlarning spektrlari va spektral chiziqlarning chastotalarini hisoblashga imkon berdiyu ammo bu chiziqlarning intensivligini aniqlashda va u yoki bu o‘tishlarning ro‘y berishiga sabab nimaligini tushuntirishga ojizlik qildi. Bor nazariyasining yana bir kamchiligi shunda ediki, geliy atomining spektrini tushuntirish yo‘lida urinishlar befoyda bo‘ladi. Borning o‘zi buning sababi-nazariyaning yarmi klassik ekanligida, bir tomondan kvant postulotlari qo‘llanilsa, ikkinchi tomondan klassik fizika qonunlarining qo‘llanilishi deb tan oldi.