Reja: Kirish i-bob. Boshlang’ich ta’lim-tarbiya jarayonida o’quvchi shaxsini shakllantirishning nazariy asoslari

Reja:


Kirish
I-BOB. Boshlang’ich ta’lim-tarbiya jarayonida o’quvchi shaxsini shakllantirishning nazariy asoslari.
1.1. Boshlang’ich ta’lim-tarbiya jarayonida o’quvchi shaxsini shakllantirish shart-sharoitlari.
1.2. Boshlang’ich sinf o’quvchilarini shaxs sifatida shakllantirishda sinf rahbarining faoliyati.
II-BOB. Boshlang’ich ta’lim-tarbiya jarayonida o’quvchi shaxsini shakllantirish tarbiyaviy ishlarni amaliy jihatlari.
2.1. Sinf rahbarining darsdan tashqari vaqtdagi tarbiyaviy ishlarga rahbarligining xususiyatlari.
2.2. Darsdan tashqari ta’lim muassasalarining o’quvchi shaxsini shakllantirishdagi amaliy mazmun-mohiyati.
Xulosa
Foydalanilgan adabiyotlar.
Kirish
Mustaqil O’zbekistonimizda islohotlar tobora keng quloch ochmoqda. Hayotimizning barcha jabhalarida, jumladan yosh avlod ta’lim tarbiyasida ham keskin o’zgarishlar sodir bo’lmoqda. Respublikamizning ijtimoiy, iqtisodiy kamoloti yosh avlodning say harakatlariga bog’liq ekanligi hech kimga sir emas. O’sib kelayotgan yosh avlodlar va ularning kelajagi Respublikamiz kelajagi bilan chambarchas bog’liqdir. “Yoshlarimizning mustaqil fikrlaydigan, yuksak intellektual va ma’naviy salohiyatga ega bo’lib, dunyo miqyosida o’z tengdoshlariga hech qaysi sohada bo’sh kelmaydigan insonlar bo’lib kamol topishi, baxtli bo’lishi uchun davlatimiz va jamiyatimizning bor kuch va imkoniyatlarini safarbar etilishi” [3] o’quvchi - yoshlarning ta’lim-tarbiyasiga jiddiy e’tibor berilayotganliginini yorqin dalilidir. Shuning uchun yoshlar ta’lim-tarbiyasi har bir ota-onaning, o’qituvchining va jamiyatimizning Vatan oldidagi muqaddas burchlari hisoblanadi.
“Tarbiyaga yangicha, tizimli yondashuv, bolada tayanch fazilatlarni kafolatli shakllantirishda oila, maktabgacha ta’lim, umumiy ta’lim, o’rta maxsus kasb-hunar va oliy ta’lim muassasalari, mahallalarning ijtimoiy-pedagogik imkoniyatlarini to’liq yuzaga chiqarishni va ular orasida ilmiy-metodik uzviylikni yangi darajaga ko’tarishni taqozo etadi” [6]. Bu vazifalarni amalga oshirishda ta’lim sohasining zimmasiga yuklatilgandir.
Barkamol shaxsni tarbiyalash barcha davrlarda muhim ijtimoiy talablardan biri bo’lib kelgan, ammo bugungi sifat o’zgarishlar ro’y berayotgan bir davrda bu masalaning dolzarbligi yanada kuchayib talab ortib bormoqda.
Respublikamiz mustaqillikka erishgach ta’lim-tarbiya jarayoni qayta ko’rib chiqilib uni rivojlantirish uchun bir qancha yangi asoslar yuzaga keldi. Jumladan «Ta’lim to’g’risidagi» Qonun[6], «Boshlang’ich ta’lim» Konsepsiyasi [5], «Uzluksiz ma’naviy tarbiya» Konsepsiyasi[3], «Umumiy o’rta ta’lim muassasalari o’quvchilari uchun "Tarbiya" fani» Konsepsiyasi[2] ta’lim sohasini tubdan isloh qilish, uni o’tmishdan qolgan mafkuraviy qarashlar va sarqitlardan to’la xalos etish, rivojlangan demokratik davlatlar darajasida, yuksak ma’naviy va axloqiy talablarga javob beruvchi yuqori malakali kadrlar tayyorlash imkoniyatini yaratib berdi.
Islohotlar davrining eng asosiy xususiyatlaridan biri bu - jamiyatning ma’naviy jihatdan yanada yuqori pog’onaga ko’tarilishidir. Chunki o’tish davri birinchi galda jamiyatdan ma’naviy o’sishni talab etadi. Ma’naviy o’sish o’z navbatida fan-texnika, madaniyat, san’at hamda iqtisodiy rivojlanishiga asos bo’lib xizmat qiladi. O’zbekistonning ijtimoiy-pedogogik sharoitiga moslashgan ta’lim texnologiyalarini yaratish va ularni ta’lim – tarbiya amaliyotida qo’llash yo’lga qo’yilayotgan vaqtda, barkamol avlod tarbiyasi ko’p jihatdan bugungi kunda tahsil olayotgan bo’lajak pedagoglarning boshlang’ich sinf o’quvchilarni shaxs sifatida shakllantirish ishlarini tashkil etish mahoratiga bog’liqdir. Shuning uchun ham bugungi kunda bo’lajak jamiyat a’zolari-quruvchilarini, o’quvchi shaxsini tarbiyalash va unda sinf rahbarini o’rnini aniqlash masalasi o’ta dolzarb masaladir.
Qo’yilgan muammoni echish maqsadida kurs ishning mavzusini “Boshlang’ich ta’lim jarayonida o’quvchi shaxsini shakllantirish” deb belgiladik.
Kurs ishning maqsadi: Boshlang’ich ta’lim jarayonida o’quvchi shaxsini shakllantirishning pedagogik shart-sharoitlarini tahlil qilish.
Kurs ishning ob’ekti: boshlang’ich talimda o’quvchilarning talim-tarbiya jarayoni.
Kurs ishning pridmeti: o’quvchilarni shaxsini shakllantirishning shart sharoiti.
Kurs ishning vazifalari:
1. Mavzuga oid ilmiy pedagogik hamda ilmiy-metodik manbaalarni o’rganish, tahlil qilish asosida o’quvchilarda shaxsini shakllantirishning xususiyatlarini o’rganish.
2. Boshlang’ich sinf o’quvchi shaxsini shakllantirishda sinf rahbari faoliyatini mazmuni va jihatlarini ochib berish.