Reja: Kompyuter tarmog‘i haqida umumiy tushunchalar

Mavzu: Tarmoq texnologiyasi va Internet xizmatlari.
Reja:
1.Kompyuter tarmog‘i haqida umumiy tushunchalar.
2.Tarmoq turlari va topologiyalari.
3.Kompyuter tarmog‘ining apparat va dasturiy ta’minoti.

Tayanch iboralar: Kompyuter tarmog‘i, lokal tarmoq, mintaqaviy tarmoq, global tarmoq, tarmoq topologiyasi, yulduzsimon topologiya ( Star Network), xalqasimon topologiya (Ring network), shinasimon topologiya (Bus network), tarmoq qurilmalari, o‘rama juft kabel (Vitaya para), koaksial kabel, optik tolali kabel

1. 
   Kompyuter tarmog‘i haqida umumiy tushunchalar.
   

Axborotni bir kompyuterdan ikkinchi kompyuterga uzatish muammosi hisoblash texnikasi paydo bo‘lgandan beri mavjuddir. Axborotlarni bunday uzatish alohida foydalanilayotgan kompyuterlarni bargalikda ishlashini tashkil qilish, bitta masalani bir necha kompyuter yordamida hal qilish imkoniyatlarini beradi. Bundan tashqari har bir kompyuterni ma’lum bir vazifani bajarishga ixtisoslashtirish va kompyuterlarning resurslaridan birgalikda foydalanish, xamda ko‘pgina boshqa muammolarni ham hal qilish mumkin bo‘ladi.
Tarmoq - kompyuterlar, terminallar va boshqa qurilmalarning ma’lumot almashishni ta’minlaydigan aloqa kanallari bilan o‘zaro bog‘langan majmui. Kompyuterlararo ma’lumotlarni almashishni ta’minlab beruvchi bunday tarmoqlar kompyuter tarmoqlari deb ataladi.
Kompyuter tarmog‘i – bu kompyuterlar o‘rtasida ma’lumot almashinuvini ta’minlaydigan kompyuter va qurilmalar to‘plami.Tarmoq axborotlarni uzatish, alohida foydalanilayotgan kompyuterlarni birgalikda ishlashini tashkil qilish, bitta masalani bir nechta kompyuter yordamida echish imkoniyatlarini beradi. Kompyuter tarmog‘i (NetWork, net – tarmoq va work - ishlash) – bu kompyuterlar o‘rtasida axborotlar almashish tizimidir. Uning asosiy maksadi foydalanuvchilarga barcha kompyuterlar resurslaridan foydalanish imkoniyatlarini ta’minlash. Kompyuter tarmoqlarini masshtabi qarab turlarga ajratish mumkin: Lokal tarmoqlar (Local Area Network, LAN), mintaqaviy tarmoqlar (Metropolitan Area Network, MAN), global tarmoqlar (WideAreaNetwork, WAN).