Reja: Muruntov oltin koni Muruntov Karyerdagi asosiy ishlab chiqarish

Reja:
1. Muruntov oltin koni
2.Muruntov Karyerdagi asosiy ishlab chiqarish
3.Karyerning amal qilish muddati

Muruntov oltin koni - Markaziy Qizilqumning Muruntov ruda maydoni mintakasidagi kon. Navoiy shahridan 180 km shim.da, Zarafshon shahridan 40 km sharqda, Tomditovning jan. etagida joylashgan. Ruda zaxiralarining koʻlami, rudani qazib olish texnologik sharoitlarining qulayligi, ishlab chiqarilayotgan mahsulot sifatining yuqoriligi va boshqa xususiyatlariga koʻra dunyodagi noyob konlar sirasiga kiradi. Markaziy Osiyo, xususan, Markaziy Qizilqum va Nurota togʻlarida, oltin rudalari mavjudligi miloddan avvalgi 6—5-asrlardan maʼlum boʻlgan. Oʻlkada oltin konlarini izlash boʻyicha dastlabki maxsus tadqiqot ishlari I.V.Mushketov, G.D.Romanovskiy, G.D.Obruchev va boshqa tomonidan amalga oshirilgan. Markaziy Qizilqumda oltin konlari boʻlishi mumkinligini geolog olimlar A.Ye.Fersman va D.I.Shcherbakovlar 20-asrning 30-yillaridagi geologik tadqiqotlari asosida bashorat qilganlar. 1930-yillarda Tomditovning jan. etaklarida oltin zarralari boʻlgan bir necha kvars va kvarsdala shpati tomirlari aniqlandi, 1934-yilda Besapan qishlogʻi yaqinida oltin mineraliza-siyasi zonasi belgilandi. Shundan ke-yin Besapan, Oltintov, Taxtatov manzillarida, Tomditovning jan. yon bagridagi kremniyli slanetslarda keng koʻlamda oltin qidiruv va razvedka ishlari olib borildi. 1951—53 yillarda Muruntov oltin koniHamroboyev Oʻzbekistonning gʻarbiy hududida oltinni koʻpincha margi-mush bilan uzviy bogʻliq holda uchrashi qonuniyatini aniqladi. Shu asosda 1954—56 yillarda Oʻzbekistonning gʻarbiy qismida 2 xil oltin konlari borligi: birida oltin margimush kolchedani (arsenopirit minerali) bilan, ikkinchisida juda siyrak xrlda kvars tomirlarida uchrashi maʼlum boʻldi.1958-yil oltinmargimush bogʻliqligi asosida Muruntov yonida margimushga boy boʻlgan anomaliya maydonlari belgilandi. Oʻsha yili margimushning yuqori konsentratsiyasi mavjud boʻlgan anomaliyalardan biri — Muruntov rudali maydonida olib borilgan izlanishlardan keyin bu ruda maydoni oʻta istiqbolli deb baholandi. Mazkur ruda maydonida 1959—62 yillarda olib borilgan batafsil qidiruv ishlari natijasida konning asosiy hududi belgilandi va oltinga boy uchastkalarining oʻlchamlari juda yirikligi aniqlandi. Muruntov oltin konik.ningochilishigasalmokli hissa qoʻshgan bir guruh geolog olim va mutaxassislar (I. H. Hamroboyev, H.T.Toʻlaganov, P.V.Xromishkin, V.G.Garkovets va boshqalar) mamlakatning oliy mukofotiga sazovor boʻldilar (1966). 1965—69 yillarda Muruntov oltin konik.ning sa-noat oʻzlashtirishi ishlari bajarilib, 1969-yil 21-iyulda dastlabki mahsulot — Muruntov quyma oltini chiqarila boshlandi va bu kon nomi dunyoga mashhur boʻldi. Dunyoda eng yirik karyerlardan biri — "Muruntov" karyerining uz. 3,5 km, eni 2,7 km va chuqurligi 430 m. Karyerdan yiliga 35—37 mln. m3 hajmida togʻ jinslari qazib olinadi, shu bilan bogʻliq boʻlgan Zarafshon shahridagi oltin ishlab chiqarish kompleksi yiliga 24 mln. t rudani (2001-yil) qayta ishlaydi. Bu kompleks jahonda oltin ishlab chiqarish bilan mashhur boʻlgan eng yirik korxonalar qatorida 2-oʻrinda (Indoneziyadagi "Grosberg" korxonasidan keyin) turadi.
Muruntov oltin konik.da 1995-yildan "ZarafshonNyumont" qoʻshma korxonasi faoliyat koʻrsatib kelmoqda. Mazkur qoʻshma korxona 1995—2001-yillar mobaynida balansdan tashqari boʻlgan va juda katta hajmda yigʻilib qolgan mineralli ; jinslar agʻdarmasining 84 mln. t sini ʻ qayta ishlab 82 t sof oltin ajratib olishga erishdi.
Muruntov oltin konik. proterozoy erasining boshlanishida hosil boʻlgan choʻkindi meta- ; morfik togʻ jinslaridan tashkil topgan toshqazigan va besapan svitalari kdtlamlaridan iborat. Ushbu katlamlarning quyi qismi yuqori darajali metamorfizmga uchragan yashil amfi-bolli va kvars-slyudali slanetslardan, kvarsit va ohaktoshlardan tuzilgan. Yuqori qismida yashil slanetslar miqdori kamayib, terrigen togʻ jinslarining miqdori ortib boradi. Konda k oltinli rudalar katlamlarning ayni shu qismida alevrolit, qumtosh va fillitsimon slanetslardan tashkil topgan terrigen togʻ jinslarining ordoviksilur davriga mansub besapan svitasi qatlamlarida namoyon boʻlgan. 1 Bevosita oltin rudasini oʻzida mujassam etgan mazkur svita katlamlarini 3 qismga boʻlish mumkin: ruda usti katlami ("yashil" besapan) — qalinligi 1600 m gacha; rudali qatlam ("aralash" besapan) — qalinligi 2000 m gacha; ruda osti katlami ("kulrang" besapan) — qalinligi 2000 m gacha. Oltin rudasi, asosan, svitaning oʻrta qismi — "aralash" besapan qatlamida joylashgan. Oltin zarralari mavjud boʻlgan ayrim kvars tomirlari svitasining ostki "kulrang" besapan va ustki — "yashil" besapan qatlamlarida ham uchraydi. Mazkur besapan svitasidagi oltin mineralizatsiyasini quyidan toshqazigan svitasiga mansub choʻkindi chegaralab turadi.
Magmatizm hosilalari tomirsimon struktura (dayka) larda joylashgan leykokrat tartibli togʻ jinslaridan iborat. Daykalar kon hududida turli tomonlarga yoʻnalgan bir necha tasmalar hosil qilgan, uzunligi. 70 m gacha. Tarkibi esa siyenitdiorit-granofirli Muruntov magmatik kompleksiga kiruvchi granitporfir, sferolit-porfir va monsonit porfirlardan tuzilgan. Muruntov oltin konik.ning jan.-sharqiy chegarasida Markaziy Osiyoda yagona boʻlgan eng chuqur burgʻi qudugʻi SG-10 yordamida yer qaʼrining 4000 m dan ortiq chuqurligida Muruntov granitoid intruzivi mavjudligi aniqlandi. Bu dalil oltin konining qosil boʻlish jarayonidagi asosiy omillaridan biridir. Mazkur intruziv massivi kaliynatriy qoʻshslyudali leykokrat va biotitli granitlardan tashkil toptan. Konning hozirgi tuzilishini yuzaga kelishida, shuningdek, ruda tarqalishi va joylashishida muhim ahamiyatga ega strukturalar quyidagilardir: 1) oʻq chizigʻi Muruntov oltin konik.dan janubrokda oʻtuvchi Toshqazigan antiklinalining shim. qanotini shakllantiruvchi Muruntov antiklinali va jan. sinklinal; 2) Muruntov "juft" yer yorigʻini tashkil qilgan jan. va strukturali yer yoriqlari, kenglik yoʻnalishida joylashgan, vertikal yoki ancha tik jan. ogʻish xrlatiga ega, ruda tarqalishi va joylashishida asosiy ahamiyatga ega; 3) shim.-gʻarbga 60—70° burchak ostida ogʻib yotuvchi shim-sharqiy yoʻnalishdagi yer yoriqlari. Tik joylashgan rudali zonalar oltinga eng boy boʻlib, oʻzaro parallel joylashgan kvars tomirlaridan va kvarsli, kvarssulfidli, kvars-turmalinli va karbonatli tomirchalardan iborat. Qiya yotuvchi ruda zonalarida oltin miqdori kam. Ruda tarkibi oltin, pirit, arsenopirit.xalkopirit, galenit, sfalerit, molibdenit, sheyelitdan, noruda minerallar esa kvars, dala shpati, biotit, turmalin, akti-nolit, muskovit, kalsit kabilardan tashkil topgan. Oltin yirik va oʻrta donali kvars tomiri va tomirchalarida bir kancha sulfidli minerallar, sof vismut va kumush sulfasollari bilan birgalikda uchraydi. Muruntov oltin konik. rudalarining asosiy qismi (85% gacha) sheyelit-oltinkarbonatkaliy shpati-kvars minerallarining paragenetik assotsiatsiyasini tashkil etadi. Assotsiatsiyada boʻlgan oltinning probasi 830 dan 980 gacha oʻzgaradi va bu oltinning tarkibida qoʻshimcha 3,84 — 9,36 % kumush ham uchraydi. Ikkinchi darajali boʻlgan minerallar assotsiatsiyasi (kondagi oltin rudalarining 5 % ini tashkil qiladi) — bu oltin-arsenopirit-kvars minerallari assotsiatsiyasi. Muruntov oltin konik. rudalarining kimyoviy tarkibi turlicha boʻlib, oʻrtacha 1,0 — 29,0 g/t oltin, 0,8 — 7,2 g/t kumush, 0,003 — 0,6% volfram oksidi, 0,07 — 2,19% oltingugurt, 0,03 — 1,73% margimush va boshqa noyob elementlar kam miqdorda bor.
Kon rudasidagi 50—60% oltin zarralarining kattaligi 0,01—0,02 mm boʻlib, ularni faqat mikroskopda koʻrish mumkin. Bu oʻta mayda dispersli ruda tarkibidan oltin zarralarini ajratib olishda maxsus faol kimyoviy moddalardan foydalaniladi. Bunday hollarda oltin ajratib olish texnologik jarayonida atrof muhitga zarar yetkazmaslik maqsadida bir qancha maxsus uskunalar va moslamalar qoʻllaniladi va zarur texnologik tadbirlar bajariladi. Soʻnggi yillarda Muruntov oltin konini qoʻshimcha oʻrganish maqsadida 20 dan ortiq ishlab chiqarish tashkilotlari tomonidan muassasalari bilan xamkorlikda bir necha dasturlar amalga oshirilmoqda.


Navoiydagi Muruntov koni reytingda yetakchi deb topildi. Konda o'tgan yili 56,7 tonna oltin qazib olingan. Uning zaxirasi 4,3 mln. tonna (150 mln. unsiya) deb baholanmoqda. AQShning Karlin, Rossiyaning Olimpiada oltin konlari esa keyingi o'rinlarni band qildi.Muruntov kon majmuasining uzunligi 3 km, eni 2,5 km va chuqurligi qariyb 600 m. O‘tgan yili “Muruntov”da taxminan 56,7 tonna oltin qazib olingan. dunyodagi eng yirik oltin konlaridan biri hisoblangan “Muruntov” konining chuqurligi hozirda 640 metrdan ortiq. Kelajakda bu ko‘rsatkich 1 000 metrgacha yetishi kutilmoqda. Sovet Ittifoqi davrida kon-metallurgiya sanoatining jadal rivojlanishi yuz berdi. Katta konlar, shu jumladan Qizilqum cho‘lining janubi-g‘arbida joylashgan dunyodagi eng yirik oltin konlaridan biri - Muruntov ochildi. Shu yerning o‘zida 1958 yilda nafaqat Markaziy Osiyoda, balki butun dunyoda oltin ishlab chiqarish va qazib olishda etakchi o‘rinlarni egallagan Novoiy kon-metallurgiya kombinati tashkil etildi.



Muruntov karyeri
Muruntov, hozirgi kungacha maydoni jihatidan dunyodagi eng yirik va eng chuqur karyerlardan biri bo‘lib qolmoqda. Muruntovda firuza va mishyakning ulkan konlari mavjud. Ba‘zi geologlar bu erni dunyodagi eng katta oltin zaxiralariga ega konlardan biri deb atashadi va turli xil taxminlarga ko‘ra uning hajmi yiliga 5300 tonnani tashkil etadi.
Hozirgi kunda O‘zbekiston oltin zahiralari bo‘yicha dunyodagi yetakchi o‘rinn egallab kelmoqda. 2018 yilda mamlakatimizning oltin zahiralari 5,99 tonnani tashkil etib dunyoda to‘rtinchi o‘rinni egalladi. Ikki yil davomida bu ko‘rsatkichlar o‘sishda davom etmoqda.
Bugungi kunda, asosiy oltin rudalari bazalari va konlari Navoiy, Toshkent, Samarqand, Qashqadaryo, Surxondaryo viloyatlari hamda Qoraqalpog‘iston Respublikasi hududlarida joylashgan.
Bugungi kunda, Muruntov, Myutenboy, Triada, Ajibugut, Omontoytov, Ko‘kpatas, Daugyztov, Charmiton, Gujumsoy, Sarmich, Biron, Marjonbuloq, Ko‘chbuloq, Qayrog‘och, Qizilolmasoy, Kovuldi, Pirmirob, Guzaksoy va boshqa konlar ma’lum. Yer ostidan oltin qazib olish, shaxtalar orqali va er yuzasida karer hosil qilish yo‘li bilan olinadi.
“Olmaliq KMK ” va “Navoiy KMK” mamlakatimizda oltin ishlab chiqaruvchi etakchi tashkilotlar hisoblanadi.
Hozircha, O‘zbekiston zaminida qancha oltin borligini aytish qiyin, biroq yuzlab tonna deb taxmin qilinmoqda. Konlarni qidirish va oltin qazib olish ishlari hali ham davom etmoqda.
Yaqin kunlarda oltin qazib olish va qimmatli metal ishlab chiqariah sur’atini oshirish rejalashtirilmoqda. Shu maqsadlarda tog‘ metallurgiya sohasini keyinchalik rivojlantirish bo‘yicha choralar tasdiqlangan.
Bundan tashqari, investitsiya va jamg‘arish imkoniyatlarini kengaytirish maqsadida shu yilning 2-noyabrida oltin quymalari sotuvga chiqarildi. Oltin yombilar, 999,9 standartdagi va 5, 10, 20 va 50 gramm og‘irlikdagi sof oltindan tayyorlanadi.


Xulosa: Hozirgi kunda O‘zbekiston oltin zahiralari bo‘yicha dunyodagi yetakchi o‘rinn egallab kelmoqda. dunyodagi eng yirik oltin konlaridan biri - Muruntov ochildi. Shu yerning o‘zida 1958 yilda nafaqat Markaziy Osiyoda, balki butun dunyoda oltin ishlab chiqarish va qazib olishda etakchi o‘rinlarni egallagan Novoiy kon-metallurgiya kombinati tashkil etildi. oltin ajratib olish texnologik jarayonida atrof muhitga zarar yetkazmaslik maqsadida bir qancha maxsus uskunalar va moslamalar qoʻllaniladi. Muruntov, hozirgi kungacha maydoni jihatidan dunyodagi eng yirik va eng chuqur karyerlardan biri bo‘lib qolmoqda.

• 
  FOYDALANILGAN ADAGIYOTLAR VA SAYTLAR.
  
• 
  Isamuhamedov U.A. Er osti konchilik ishlari asoslari. -T.: O'zbekiston, 1998
  
• 
  Sagatov N. X. Alimxodjaev S. R. Konchilik korxonalarida ishlab chiqarishni
  tashkil qilish. T: ToshDTU, 1996
  
• 
  Misliboev I.T., Soliev B.Z. Jabborov O.I. Ma'danli konlarni er osti usulida qazib
  olish. O'quv qo'llanma. – T: Faylasuflar, 2014 y
  
• 
  INTERNET SAYTI
  

ZIYONET