MAVZUNI MUSTAHKAMLASH UCHUN MASHQLAR
1-Mashq. Bosh harflarning ishlatilish sabablarini tushuntirib bering.
Tohirjon, Shuhratbek, Sayfi Saroyi, Habib Abdulayev, Xiva, Zarafshon, Mirzacho’l, Amudaryo, Norin, Chortoqsoy, Qurama, Bobotog’, Hisor, Markaziy Osiyo, Shimoliy Amerika, Janubiy Koreya, Quyosh, Merkuriy, Saturn, “Mahalla” jamg’armasi, “Matiz” avtomobili, “Turon” ishlab chiqarish birlashmasi, “Mustaqillik” ordeni, Navro’z bayrami, O’zbekiston Respublikasi ichki ishlar vazirligi, YUNESKO tashkiloti.
2-Mashq. So’zlarni bo’g’inlarga ajratib daftaringizga ko’chirib yozing.
Ma’lumot, maxsus, ta’kidlamoq, ko’ngilchan, singil, taassurot, taajjub, saodat, taxt, kelingiz, ingliz, gramm, metall, matn, trolleybus, kitobxon, jurnalist, daftar, O’zMU, XXI asr, Covid-2019, 9-“A” sinf.
3-Mashq. Ko’chirish qoidalariga zid ravishda qismlarga ajratilgan so’zlarni belgilang va ularni to’g’rilab daftaringizga ko’chirib oling.
Den-giz, ta-a-lluq-li, ke-tin-giz, o-ta-la-ri, Nam-Du, ko’n-gil, trans-port, mesh-cha, sa-o-dat, ma-‘lumot, B-MT, Er-on, a-ka-xon, u-kam, ton-ggi, sanoq-li.
Mavzu: O’zbek adabiy tili me’yorlari
(5-amaliy mashg‘ulot, 2 soat)
Rej a:
1. Me’yor tushunchasi
2. O’zbek adabiy tili me’yoriy ko’rinishlari
3. Nutq jarayonida me’yorning buzilishi va ularni tuzatish yo’llari
4. Til me’yorlarining guruhlanishi: a) umumiy me’yor; b) xususiy me’yor
5. O’zbek adabiy tili me’yorlarining ko’rinishlari
Tayanch so‘z va iboralar: me’yor, me’yoriy ko’rinishlar, kodifikatsiyalasnganlik, yozma adabiy til me’yori, og’zaki adabiy til me’yori, imlo, urg’u, talaffuz, tinish belgilari, leksik, grammatik, uslubiy, so’z turkumlarida me’yor, so’zlarning bog’lanish qonuniyatlari, boshqaruv, moslashuv, bitishuv, so’z tartibi, nutqiy kamchiliklar – og’zaki va yozma nutqdagi kamchiliklar, varvarizmlar, dialektizmlar, vulgarizmlar, jargonizmlar, orfografik va puntktuasion me’yorlar buzilishi.
Do'stlaringiz bilan baham: |
