Rеja: Ta’limning shakl va mazmun mohiyati Davlat ehtiyojlariga mos holda ta’lim islohotlari. Bilim va ko'nikmalar — poydevor sifatida

Jahon tendentsiyalari asosida ta’lim texnologiyalari

Axir biz shunday jahon tendentsiyalaridan chetda qolishimiz mumkinmi? Albatta, yo'q. Bugungi kunda institutimiz mintaqaviy va xalqaro darajadagi aniq loyihalar ustida ishlayapti, yangi raqamli ta'lim platformasini yaratish, infratuzilmada zamonaviy bo'linmalar tashkil etish bo'yicha innovatsion yechimlar qabul qilmoqda. Shuningdek, ko'plab ilmiy hamda ta'limiy tadbirlarda ishtirok etyapti.

Biz yangilanishu kashfiyotlar ostonasiga juda yaqin keldik. Maqsadni belgilab olganmiz va bizdan avvalgi ustozlar o'z hayotini institutga, Vatanga bag'ishlagani singari fidoyilik talab etiladi shunda, albatta, maqsadga yetamiz.

Ko'pchilik bilmasa ham kerak: uzoq 1922 yilda Turkiston davlat universitetining gidrotexnika bo'limini ilk bora 16 nafar suv tejash bo'yicha mutaxassis bitirib chiqqan. Demak, yaqin orada biz Toshkent irrigatsiya va qishloq xo'jaligini mexanizatsiyalashtirish muhandislari institutining 100 yilligini nishonlaymiz. Ushbu shonli tarixning keyingi to'rt yili jadal rivojlanish davri bo'ldi. 2016 yilda oliy ta'lim dargohimiz qaytadan tiklandi. Institutimizda “Tempus”, “Erasmus” hamda “Erasmus+” xalqaro loyiha va tanlovlari, Yevroittifoqning “Susadisa” hamda “GIZ” loyihalari, O'zbekiston — Rossiya ta'lim forumining loyihalari to'laqonli amalga oshirilmoqda.

2022 yilda nishonlanadigan bir asrlik yubiley arafasida biz institut tarixidagi yangi yuz yillikka innovatsion yutuqlar bilan, yangi vazifalarni hal etishga qaratilgan sa'y-harakatlar bilan, yangi platformada rivojlanish va muvaffaqiyatlar bilan qadam qo'ymoqchimiz.