Rossiyada yuz bergan yong‘in oqibatida uch bola halok bo‘ldi

Zilzilalar yuz bergan favqulodda vaziyatlarda aholi xavfsizligini ta’minlash uchun qanday chora-tadbirlar ko‘riladi?
Ushbu savol bilan Favqulodda vaziyatlar vazirligiga murojaat qildik.
Vazirlik matbuot xizmati ma’lumotiga ko‘ra, 2011 yil 19 iyulda Vazirlar Mahkamasi qarori bilan «Aholini zilzilalar oqibatida yuzaga keladigan (tabiiy va texnogen) vaziyatlarda harakat qilishga tayyorlash kompleks dasturi» tasdiqlangan. Unga muvofiq, ta’lim muassasalarining o‘quvchilari va talabalarini favqulodda vaziyatlarda to‘g‘ri harakatlanishga tayyorlash, qishloq va mahalla fuqarolar yig‘inlari joylarda zilzilalar yuz beradigan favqulodda vaziyatlarda qutqaruv ishlarini tashkil etish va zilzilalar ro‘y berish xavfi yuzaga kelganda aholi qanday harakat qilishi lozimligi o‘rgatilmoqda, amaliy mash­g‘ulotlar o‘tkazilmoqda. Shuning­dek, qisqa metrajli ilmiy-ommabop film­lar hamda videoroliklar yaratish, OAVda maxsus ruknlar, radioeshittirish va teleko‘rsatuvlar tashkil etish kabi vazifalar ham ado etilmoqda.
Bundan tashqari, favqulodda vaziyatlarni monitoring qilish va bashoratlash, O‘zbekiston va unga chegaradosh hududlarda kuzatilayotgan seysmik holatlarning tahlili asosida zilzilalarning muddatli prognozlarini tayyorlash hamda tegishli tadbirlarni amalga oshirishda Seysmologiya instituti bilan hamkorlik qilinmoqda. Bu chora-tadbirlardan ko‘zlangan asosiy maqsad — tabiiy ofatdan aholimizni ishonchli himoya qilishdir.