Roʼzаni yopish vа ochishdаgi niyat vа duolаr

---

1
ROʼZАNI YOPISH VА OCHISHDАGI NIYAT VА DUOLАR 
Аrabcha niyat qilish ramazonda ham, boshqa oylarda ham aslida shart 
emas, oʼzbekchasini dildan oʼtkazsa niyat shu. Yaʼni, ramazon oyi roʼzasini 
tutmoqchi ekanligini yoki boshqa nafl boʼladimi, qazo yoki nazr roʼza 
boʼladimi, saharlikka turganda, shu roʼzani tutmoqchiligini dildan oʼtkazsa, 
shuning oʼzi niyat boʼladi. Chunki, dildan niyat qilish farz. Saharlik tugagandan 
soʼng, taom duosini oʼqib, duo qilib qoʼyaversa ham boʼladi. Lekin, bizning 
xalqimiz alohida arabcha niyat qilib, arabcha duo qilmaguncha koʼngli 
tinchimaydi. Shunga ogʼiz yopishda arabcha niyat qilib kelinadi va ogʼiz 
ochishda arabcha duo qilinadi. Ramazondan boshqa oylarda roʼza tutmoqchi 
boʼlgan odam xuddi shu ramazon oyi roʼzasining niyatidagi “ramazona” degan 
oy nomining oʼrniga roʼza tutmoqchi boʼlgan oyni qoʼyib aytadi. Yoki shu 
niyatdagi “sovma” soʼzidan keyin tutmoqchi boʼlgan roʼzasini aytadi, masalan, 
“sovma-n-nafli” deydi. Ramazondan boshqa oy va kunlardagi ixtiyoriy 
roʼzalarning hammasini nafl roʼzasi deb niyat qilsa, maqbul boʼlaveradi. 
Shuni esda saqlash kerakki, roʼzalarda ham xuddi namozlarda niyat 
oʼzgargandek, faqat niyat oʼzgaradi. Ogʼiz ochish duosi esa xuddi namozning 
oxiridagi duolar oʼzgarmaganidek, oʼzgarmay hamma roʼzada ogʼiz ochishda 
bir xil duo qilinaveradi. Ogʼiz ochish duosini har bir odam aytishi shart emas. 
“Bismilloh” aytib, ogʼzini ochaveradi. Faqat duolar ijobat boʼladigan payt 
boʼlgani uchun bu vaqtda har kim dilida duo, tilak va istaklarini oʼzi ichida 
aytib tursa, inshaalloh, ijobat boʼladi. Ogʼiz ochishda uy egasi yoki davra 
kattasi hammaning nomidan ogʼiz ochish duosini oʼqisa ham boʼladi. 

---

2
RАMАZON ROʼZАSI NIYATI 
Ramazon oyida saharlik qilib boʼlgandan soʼng ogʼiz yopishda: 
“Ramazon oyining roʼzasini tutishni niyat qildim", deb niyat qilasiz. Аrabcha 
aytmoqchi boʼlsangiz, quyidagicha niyat qilib olinadi: “NАVАYTU АN