Samarqand veterineriya meditsinasi instituti “Gumanitar fanlar, jismoniy madaniyat va

Kishining  bilish  jarayonlaridan  biri  bu  idrokdir.  Narsalar  va  xodisalarning  sezgi  a’zolariga 

bevosita ta’sir qilish jarayonida kishi ongida aks etishiga idrok deb aytiladi. Idrok jarayonida aloxida 

xoldagi  sezgilarning  tartibiga  solinishi  ham  narsa  va  xodisalarning  yaxlit  obrazlariga  birlashuvi  yuz 

beradi. Idrok narsalarni umuman, uning hamma hususiyatlari bilan birgalikda aks ettiradi, bunda idrok 

xissiy bilishning o‘ziga xos hususiyatlari bilan sifat jixatdan yuqori bosqichi sifatida tasavvur qilinadi. 

Idrokning  quyidagi  muxim  hususiyatlari  bor:  predmetlilik  yaxlitlik,  strukturalilik,  barqarorlik  va 

anglanilganlikdan iborat. 

Idrokning  predmetliligi  tashqi  dunyodan  olinadigan  axborot  o‘sha  dunyoga  mansubligida  ifoda 

etiladi,  masalan,  g’isht  bilan  portlovchi  modda  bog’lami  paypaslab  ko‘rilganda  bir–biriga  juda  ham 

o‘xshash bo‘lib ko‘rinishi mumkin, lekin ularning amalda qay tarzda ishlatilishi bilan bog’liq asosiy 

hususiyatlari borki, bunda idrokning predmetliligi yordam beradi. 

Idrokning yana bir hususiyati uning yaxlitligidir. Sezgi a’zolariga ta’sir qiladigan narsaning ayrim 

hususiyatlarini  aks  ettiradigan  sezgilardan  farqli  o‘laroq,  idrok  narsaning  yaxlit  obrazi  hisoblanadi. 

O‘z–o‘zidan  ravshanki,  bu  yaxlit  obraz  narsaning  ayrim  hususiyatlari  va  belgilari  haqida  turli  xil 

sezgilar tarzida olinadigan umumlashtirish negizida tarkib topadi. 

Idrokning yaxlitligi va strukturaliligi manbai bir tomondan, aks ettiriladigan obyektlarning o‘ziga 

xos hususiyatlarida va ikkinchi tomondan, insonning konkret faoliyatida gavdalanadi. 

Idrokning narsalar bilan qilinadigan faoliyat jarayonida shakllanadigan konstantligi–kishi hayoti va 

faoliyatining  zarur  shartidir.  Busiz  inson  cheksiz  rang–barang  va  o‘zgaruvchan  olamda  mo‘ljal  ola 

bilmasdi.  Konstantlik  hususiyati  narsaning  va  uning  yashash  sharoitining  birligini  aks  ettirar  ekan, 

tevarak–atrofdagi olamning nisbatan barqarorligini ta’minlaydi.