Sanli texnologiyalar ministrligi

ÓZBEKSTAN RESPUBLIKASÍ
SANLI TEXNOLOGIYALAR MINISTRLIGI


MUHAMMED AL-XOREZMIY ATINDAǴÍ
TASHKENT INFORMACIYALÍQ TEXNOLOGIYALARÍ UNIVERSITETI NÓKIS FILIALÍ


Kompyuter injiniringi fakulteti
Ózbek tili hám shet tilleri kafedrası
Dásturiy injiniringi baǵdari
1-kurs 304-22 topar studenti
Qoshqarbaev Begzadtıń
Akademiyalıq jazıw páninen


ÓZ BETINSHE JUMISI


Tema: Annotaciya teksti, dúzilisi hám ózgeshelikleri


Tayarlaǵan _________________ B.Qoshqarbaev


Qabıllaǵan _________________ U.Jaksimova


Nókis –2023


Jobası:

1. 
   Kirisiw
   
   1. 
      Annotaciya teksti, dúzilisi hám ózgeshelikleri
      
2. 
   Tiykarģi bólim
   2.1. Annotaciyanı dúziwge qoyılatuǵın tiykarǵı talaplar
   2.2 Annotaciya túrleri
   
3. 
   Juwmaqlaw
   
4. 
   Paydalanilģan ádebiyatlar
   

1. 
   Annotaciya teksti, dúzilisi hám ózgeshelikleri
   

Annotaciya - kórkem, ilimiy, mеtоdikalıq shıǵarmalаrdıǹ avtorı, teması, deregi, ondа kóterilgen tiykarǵı máseleni kórsetiwge qаrаtılǵаn qısqа хаbаr bolıp tabıladı. Annotaciya óziniǹ kemsózligi, kólemi jaǵınаn júdá kishiligi menen bаyanlawdıǹ basqa túrlerinen аjırаlıp turadı. Tolıq jazılǵan annotaciya tómendegi sorawlarǵa juwap bere alıwı lazım.
Jumısta ne tuwralı sóz baradı?
Avtor qanday sorawlardı ortaǵa qoyadı?
Bul sorawlar qalay sáwlelengen?
Jumıstıǹ dúzilisi qanday?
Jumıstı qanday bahalaw múmkin?
Jazılǵan jumıs kimlerge arnalǵan? h.t.b.
«Annotaciya» degenimiz ne? Ol qay tárizde jazıladı? Annotaciyanıǹ qanday túrleri bar. Demek, bul sorawlarǵa juwap beriwge háreket eteyik;
Annotaciya (latınshadan annotatio – juwmaq shıǵarıw) yaki rezyume, qısqa juwmaq (francuzshadan resume — «qısqa, qısqartılǵan») — kitap yaki qandayda bir shıǵarmanıǹ qısqasha mazmunı. Sonday-aq annotaciya - baspa (qoljazba, monografiya, maqala yaki kitap)tıǹ qısqasha sıpatlaması bolıwı da múmkin. Annotaciya shıǵarmanıǹ baspadan shıqqan waqtı hám ornın, nominativ formasın, ózine tán ajıralıp turatuǵın táreplerin súwretleydi.
Annotaciya kitap yaki maqalanıǹ tiykarǵı temasın óz ishine aladı.
Annotaciya, ádette, ilimiy jurnallar, kitaplardıǹ basında avtor hám kirispeden keyin ushırasadı.
Ingliz tilindegi ádebiyatlarda annotaciya kóbirek, «Abstract» ataması menen ushırasadı.
Sabaq islenbesi annotaciyasında tómendegiler bolıwı múmkin:
- Sabaqtıǹ tiykarǵı maqseti;
- qaysı klass ushın arnalǵan;
- sabaq islenbesi neshe oqıwshıǵa arnalǵan:
- temanıǹ qısqasha sıpatlaması:
- oqıwshılar qanday jaǹa bilim hám kónlikpelerdi iyeleydi:
- sabaqta qanday metodlar paydalanılǵan hám basqa maǵlıwmatlar.
Annotaciya (lat. annotatio – qısqa) – qısqasha táriyp. Kitap, maqala, qoljazba mazmunın, ideyalıq-siyasiy baǵdarın hám basqa táreplerin ashıp beredi. Annotaciyanı kitaptıǹ ózinde, bibliografiyalıq kórsetkishlerde hám kutapxana kataloglarında ushıratıw múmkin. Onıǹ wazıypası oqıwshılarda kitap, maqala, qoljazba haqqında ulıwma túsinik payda etiw hám olarǵa ádebiyatlar taǹlawda járdem kórsetiw bolıp tabıladı.
Annotaciya - qandayda bir baspadan shıqqan derek tuwralı qısqa maǵlıwmat; hújjet, onıǹ bir bólegi yaki hújjetler toparınıǹ maqseti, mazmunı, forması hám basqa ózine tán ózgeshelikleri kóz qarasınan sıpatlaması.
Annotaciya baslanǵısh hújjette sóz bolatuǵın sorawǵa juwap beredi.