Savol: u nima? Javob

1-tur

1. O‘rta asrlarda Yaponiyada baliqlar juda ko‘p miqdorda tutilgan. Lekin transport tizimi hali yaxshi rivojlanmagan edi. Shuning uchun Yapon dengizi qirg‘oqlarida baliqni qayta ishlash uchun kerak bo‘lgan Uni tayyorlovchi ko‘plab joylar bo‘lgan.

Savol: U nima?
Javob: Tuz.
Izoh: Baliqlarni bozorga olib borishga ko‘p vaqt talab qilingan, shuning uchun baliqlarni tuzlashgan.

2. Yozuvchi Rojer Makgof bolalar uchun qiziqarli ertaklar yozib turadi. Shu sababli ota-onalar ovqatni uncha xush ko‘rmaydigan farzandlaridan ovqat yeyishni hadeb so‘rayverishni to‘xtatishlari mumkin. Chunki har bir ertak U yerga yozilgan bo‘ladi.

Savol: Ertaklar qayerga yozilgan bo‘ladi?
Javob: Tarelka (kosa) ning ichiga.
Izoh: Yuqorida aytildi, ertaklar juda qiziqarli yozilgan. Ertaklar esa tarelkaning ichki qismiga yozilgan bo‘ladi. Ertakni o‘qish uchun esa taomni oxirigacha yeyishi kerak.

3. Rim aristokratlari soatlab Unda yotishgan, shuning uchun ba’zida Uni zanjirga osib qo‘yishgan.

Savol: U deganda qaysi uy jihozi nazarda tutilgan?
Javob: Vanna.
Izoh: Vannalar bronzadan yasalgan. Zanjirga osilgan vanna tagiga olov yoqib suvni sovuyotganda isitishgan.

4. Yaqinda Buyuk Britaniyada inglizlar oxirigacha oʻqiy olmaydigan asarlar roʻyxati eʼlon qilingan. Ro‘yxatga Joan Rouling “Garri Potter va Olov Kubogi”, Jeyms Joys “Uliss”, Paulo Koeloning “Alkimyogar” asari va yana rus adabiyotining ikkita klassik asari ham kiritilgan. Bulardan birinchisi, Dostoyevskiyning “Jinoyat va Jazo” asari boʻlsa, ikkinchisi, Dostoyevskiyning zamondoshi boʻlgan yozuvchining asar edi.

Savol: Oʻsha asarni yozib bering.
Javob: “Urush va tinchlik”.
Izoh: Oramizda ham koʻpchilik “Urush va tinchlik” asarini oʻqib tugatmagan boʻlsa kerak.

5. Arablar tomonidan ishlangan bir filmda bolalarga uni quyidagicha tasvirlab berilganini ko‘rishimiz mumkin: “U oppoq qushdek yengil boʻlishi bilan birgalikda, oyoqni olov kabi yondiradi ham”.