Sayt xaritasi O’zbekiston respublikasi
Download 23.77 Kb.
|
Hujjat
|
Sayt xaritasi O’ZBEKISTON RESPUBLIKASI ICHKI ISHLAR VAZIRLIGI Xalq xizmatida AsosiyYangiliklarTerrorizm va ekstremizmga qarshi kurash 25 Fevral 2022 1748 Xalqaro terrorizm va ekstremizmga qarshi kurashishning o‘zbek modeli 2022-2026 yillarga mo‘ljallangan yangi O‘zbekistonning taraqqiyot strategiyasida VI yo‘nalish umumbashariy muammolarga milliy manfaatlardan kelib chiqqan holda yechim topishga bag‘ishlangan. Unda terrorizm va ekstremizmga qarshi kurashishning samarali mexanizmlarini shakllantirishdan ko‘zlangan maqsadlar belgilab berilgan. Terrorizm va ekstremizm muammosi global ijtimoiy hodisa sifatida dunyoning barcha davlatlarini qamrab olgan. O‘zbekiston ham jahon hamjamiyatining ajralmas qismi sifatida bundan mustasno emas. So‘nggi yillarda yangi O‘zbekistonning terrorizm va ekstremizmga qarshi harakatlari Markaziy Osiyoning boshqa davlatlari uchun o‘ziga xos namuna bo‘lib xizmat qildi. Rasmiy maʼlumotlarga ko‘ra, 2017 yilga nisbatan 2018 yilda O‘zbekistonda terrorizm va ekstremizm bilan bog‘liq jinoyatlar soni 65 foizga kamaydi. Yoshlarning huquqiy va diniy bilimini oshirish orqali ekstremistik targ‘ibotga, radikallashuvga qarshi kurashishning o‘zbek modeli muvaffaqiyat qozondi. Huquqiy va diniy bilimlarini oshirish vositasida yoshlar o‘rtasida ekstremistik tashviqotga qarshi turishga asoslangan mazkur model samarali bo‘lib chiqdi. O‘zbekistonda terrorizmga qarshi kurashishning o‘zbek modeli, avvalambor, huquqiy va siyosiy madaniyatni, maʼnaviy va diniy maʼrifatni oshirish orqali odamlar ongi, birinchi navbatda, yoshlar ongini oshirish uchun kurash sifatida tushuniladi. Ijtimoiy reabilitatsiya, ekstremistik g‘oyalar taʼsiri ostida bo‘lgan va o‘z xatolarini anglaganlarning normal hayotga qaytishi bo‘yicha olib borilayotgan tizimli ishlar ham ijobiy natijalarni bermoqda. Mamlakatda yangi – terrorologiya fani shakllanmoqda, ushbu global hodisalar tahliliga bag‘ishlangan qator monografiyalar, risolalar va maqolalar nashr etilmoqda, dissertatsiyalar himoya qilinmoqda. Ularda o‘zbek modelining mazmun-mohiyati, mazkur makon va zamon tanlamas illatga qarshi kurashishda davlat organlari va jamoatchilik tajribasi har tomonlama ko‘rib chiqilgan. Bu boradagi milliy va xalqaro saʼy-harakatlarni birlashtirish orqali samarali profilaktik chora-tadbirlarni belgilash, terrorizm va ekstremizmning oldini olish, ularni moliyalashtirish manbalari va kanallariga barham berish davlat siyosatining muhim yo‘nalishi hisoblanadi. Shu maqsadda O‘zbekiston Respublikasi Prezidentining 2021 yil 1 iyuldagi farmoni bilan 2021-2026 yillarga mo‘ljallangan ekstremizm va terrorizmga qarshi kurashish bo‘yicha O‘zbekiston Respublikasi Milliy strategiyasi va uni amalga oshirish bo‘yicha «Yo‘l xaritasi» tasdiqlanib, yo‘nalishlari belgilandi. Xalqaro terrorizm va ekstremizm kabi global hodisalarga qarshi ziyolilar, olimlar, diniy taʼlimot mutaxassislarining kurashi faollashgani jaholatga qarshi maʼrifat bilan javob qaytarishning muhimligini tasdiqlaydi. 2020 yilda Global terrorizm indeksi (Global Terrorism Index) bo‘yicha tadqiqotlar 135 ta davlatni qamrab oldi. Unga ko‘ra, O‘zbekiston ro‘yxatning 134-pog‘onasini egalladi va bir necha yillardan buyon terrorizm xavfi past bo‘lgan yetakchi davlatlar qatoridan joy oldi. Mamlakatimiz bunday natijaga davlat organlari va fuqarolik jamiyati institutlarining muvofiqlashtirilgan faoliyati, aholi o‘rtasida tizimli profilaktika ishlarini olib borish orqali erishmoqda. Shuningdek, BMT mojaro zonalaridan ayollar va bolalarni o‘z vataniga qaytarish bo‘yicha o‘zbek modelini ham yuqori baholadi. TERRORIZMGA QARSHI KURASH TO‘G‘RISIDA UMUMIY QOIDALAR 1-modda. Ushbu Qonunning maqsadi va asosiy vazifalari Ushbu Qonunning maqsadi terrorizmga qarshi kurash sohasidagi munosabatlarni tartibga solishdan iborat. Ushbu Qonunning asosiy vazifalari shaxs, jamiyat va davlatning terrorizmdan xavfsizligini ta’minlash, davlatning suverenitetini va hududiy yaxlitligini himoya qilish, fuqarolar tinchligi va milliy totuvlikni saqlashdan iborat. 2-modda. Asosiy tushunchalar Ushbu Qonunda quyidagi asosiy tushunchalar qo‘llaniladi: Garovga ushlab turilgan shaxs — qo‘lga olingan yoki ushlab turilgan shaxsni ozod etish shartlari sifatida davlat hokimiyati va boshqaruv organlarini, xalqaro tashkilotlarni, shuningdek ayrim shaxslarni biron-bir harakat sodir etishga yoki bunday harakat sodir etishdan tiyilishga majbur qilish maqsadida terrorchilar tomonidan qo‘lga olingan yoki ushlab turilgan jismoniy shaxs; Terrorizm — siyosiy, diniy, mafkuraviy va boshqa maqsadlarga erishish uchun shaxsning hayoti, sog‘lig‘iga xavf tug‘diruvchi, mol-mulk va boshqa moddiy obyektlarning yo‘q qilinishi (shikastlantirilishi) xavfini keltirib chiqaruvchi hamda davlatni, xalqaro tashkilotni, jismoniy yoki yuridik shaxsni biron-bir harakatlar sodir etishga yoki sodir etishdan tiyilishga majbur qilishga, xalqaro munosabatlarni murakkablashtirishga, davlatning suverenitetini, hududiy yaxlitligini buzishga, xavfsizligiga putur yetkazishga, qurolli mojarolar chiqarishni ko‘zlab ig‘vogarliklar qilishga, aholini qo‘rqitishga, ijtimoiy-siyosiy vaziyatni beqarorlashtirishga qaratilgan, O‘zbekiston Respublikasining Jinoyat kodeksida javobgarlik nazarda tutilgan zo‘rlik, zo‘rlik ishlatish bilan qo‘rqitish yoki boshqa jinoiy qilmishlar; LexUZ sharhi O‘zbekiston Respublikasi Jinoyat kodeksining 155-moddasiga qarang. Oldingi tahrirga qarang. Terrorizmni moliyalashtirish — terrorchilik tashkilotining mavjud bo‘lishini, faoliyat ko‘rsatishini, moliyalashtirilishini, terrorchilik faoliyatida ishtirok etish uchun xorijga chiqib ketishni yoki O‘zbekiston Respublikasi hududi orqali harakatlanishni ta’minlashga, terrorchilik harakatini tayyorlash va sodir etishga, terrorchilik tashkilotlariga yoxud terrorchilik faoliyatiga ko‘maklashayotgan yoki bunday faoliyatda ishtirok etayotgan shaxslarga bevosita yoki bilvosita har qanday mablag‘-vositalarni, resurslarni berishga yoki yig‘ishga, boshqa xizmatlar ko‘rsatishga qaratilgan faoliyat; (2-modda O‘zbekiston Respublikasining 2016-yil 25-apreldagi O‘RQ-405-sonli Qonuniga asosan to‘rtinchi xatboshi bilan to‘ldirilgan — O‘R QHT, 2016-y., 17-son, 173-modda) Oldingi tahrirga qarang. Terrorchi — terrorchilik faoliyatini amalga oshirishda ishtirok etayotgan, shuningdek terrorchilik faoliyatida ishtirok etish uchun xorijga chiqib ketishni yoxud O‘zbekiston Respublikasi hududi orqali harakatlanishni amalga oshirgan shaxs; (2-moddaning beshinchi xatboshisi O‘zbekiston Respublikasining 2016-yil 25-apreldagi O‘RQ-405-sonli Qonuni tahririda — O‘R QHT, 2016-y., 17-son, 173-modda) Terrorchilik guruhi — oldindan til biriktirib terrorchilik harakatini sodir etgan, bunday harakatga tayyorgarlik ko‘rgan yoki uni sodir etishga suiqasd qilgan shaxslar guruhi; Terrorchilik tashkiloti — ikki yoki undan ortiq shaxsning yoki terrorchilik guruhlarining terrorchilik faoliyatini amalga oshirish uchun barqaror birlashuvi; Terrorchilikka qarshi operatsiya — terrorchilik harakatiga chek qo‘yish va uning oqibatlarini minimallashtirish, shuningdek jismoniy shaxslarning xavfsizligini ta’minlash hamda terrorchilarni zararsizlantirishga qaratilgan, kelishilgan va o‘zaro bog‘liq maxsus tadbirlar majmui; Terrorchilikka qarshi operatsiya o‘tkaziladigan zona — joyning yoki akvatoriyaning alohida uchastkalari, havo bo‘shlig‘i, transport vositalari, binolar, imoratlar, inshootlar, xonalar hamda terrorchilikka qarshi operatsiya o‘tkaziladigan doiradagi ularga tutash hududlar; Terrorchilik faoliyati — terrorchilik harakatini uyushtirish, rejalashtirish, tayyorlash va amalga oshirishdan, terrorchilik harakatiga undashdan, terrorchilik tashkilotini tuzishdan, terrorchilarni yollash, tayyorlash va qurollantirishdan, ularni moliyalashtirish va moddiy-texnika jihatidan ta’minlashdan iborat bo‘lgan faoliyat; Oldingi tahrirga qarang. Terrorchilik harakati — garovda ushlab turish uchun shaxslarni qo‘lga olish yoki ushlab turish, davlat yoki jamoat arbobining, aholining milliy, etnik, diniy, boshqa guruhlari, chet el davlatlari va xalqaro tashkilotlar vakillarining hayotiga tajovuz qilish, davlat yoki jamoat ahamiyatiga molik obyektlarni shu jumladan kontinental shelfda joylashgan statsionar platformalarni bosib olish, shikastlantirish, yo‘q qilish, portlatishlar, o‘t qo‘yishlar, portlatish qurilmalarini, radioaktiv, biologik, portlovchi, kimyoviy, boshqa zaharlovchi moddalarni ishlatish yoki ishlatish bilan qo‘rqitish, yer usti, suv va havo transporti vositalarini qo‘lga olish, olib qochish, shikastlantirish, yo‘q qilish, aholi gavjum joylarda va ommaviy tadbirlar o‘tkazilayotganda vahima ko‘tarish va tartibsizliklar keltirib chiqarish, aholi hayotiga, sog‘lig‘iga, jismoniy yoki yuridik shaxslar mol-mulkiga avariyalar, texnogen xususiyatli halokatlar sodir etish yo‘li bilan zarar yetkazish yoki xavf tug‘dirish, tahdidni har qanday vositalar va usullar bilan yoyish tarzida terrorchilik tusidagi jinoyatlarni, O‘zbekiston Respublikasi qonunchiligida va xalqaro huquqning umum e’tirof etilgan normalarida belgilangan terrorchilik tusidagi boshqa harakatlarni sodir etish; (2-moddaning o‘n birinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Xalqaro terrorizm — bir davlat hududi doirasidan tashqariga chiqadigan terrorizm. Oldingi tahrirga qarang. 3-modda. Terrorizmga qarshi kurash to‘g‘risidagi qonunchilik Terrorizmga qarshi kurash to‘g‘risidagi qonunchilik ushbu Qonun va boshqa qonunchilik hujjatlaridan iboratdir. Agar O‘zbekiston Respublikasining xalqaro shartnomasida O‘zbekiston Respublikasining terrorizmga qarshi kurash to‘g‘risidagi qonunchiligida nazarda tutilganidan boshqacha qoidalar belgilangan bo‘lsa, xalqaro shartnoma qoidalari qo‘llaniladi. (3-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) 4-modda. Terrorizmga qarshi kurashning asosiy prinsiplari Terrorizmga qarshi kurashning asosiy prinsiplari quyidagilardan iborat: Qonuniylik; Shaxs huquqlari, erkinliklari va qonuniy manfaatlarining ustuvorligi; Terrorizmning oldini olish choralari ustuvorligi; Jazoning muqarrarligi; Terrorizmga qarshi kurash oshkora va nooshkora usullarining uyg‘unligi; Jalb etiladigan kuchlar va vositalar tomonidan terrorchilikka qarshi o‘tkaziladigan operatsiyaga rahbarlik qilishda yakkaboshchilik. 5-modda. Terrorchilik faoliyatining oldini olish Terrorchilik faoliyatining oldini olish davlat organlari, fuqarolarning o‘zini o‘zi boshqarish organlari hamda jamoat birlashmalari, shuningdek korxonalar, muassasalar, tashkilotlar tomonidan siyosiy, ijtimoiy-iqtisodiy, huquqiy va boshqa profilaktik choralar majmuini o‘tkazish orqali amalga oshiriladi. Quyidagilar taqiqlanadi: Terrorizmni targ‘ib qilish; Terrorchilik guruhlari va tashkilotlarini tuzish hamda ularning faoliyat ko‘rsatishi; Terrorchilik faoliyatiga daxldor yuridik shaxslarni, ularning bo‘linmalari (filiallari) va vakolatxonalarini (shu jumladan chet el va xalqaro tashkilotlarning vakolatxonalarini) akkreditatsiya qilish, ro‘yxatdan o‘tkazish va ularning faoliyat ko‘rsatishi; Terrorchilik faoliyatiga daxldor chet el fuqarolari hamda fuqaroligi bo‘lmagan shaxslarning O‘zbekiston Respublikasiga kirishi; Tayyorlanayotgan yoki sodir etilgan terrorchilik harakatlariga oid ma’lumotlar va faktlarni yashirish. 6-modda. Terrorizmga qarshi kurashni amalga oshiruvchi davlat organlariga ko‘maklashish Davlat boshqaruv organlari, mahalliy davlat hokimiyati organlari, fuqarolarning o‘zini o‘zi boshqarish organlari, jamoat birlashmalari, korxonalar, muassasalar va tashkilotlar, mansabdor shaxslar, shuningdek fuqarolar terrorizmga qarshi kurashni amalga oshiruvchi davlat organlariga ko‘maklashadilar va zarur yordam beradilar. 7-modda. O‘zbekiston Respublikasining terrorizmga qarshi kurash sohasidagi xalqaro hamkorligi Terrorizmga qarshi kurash sohasida O‘zbekiston Respublikasining chet el davlatlari bilan, ularning huquqni muhofaza qiluvchi organlari, maxsus xizmatlari hamda xalqaro tashkilotlar bilan hamkorligi O‘zbekiston Respublikasining xalqaro shartnomalariga muvofiq amalga oshiriladi. DAVLAT ORGANLARINING TERRORIZMGA QARShI KURASh SOHASIDAGI VAKOLATLARI 8-modda. Terrorizmga qarshi kurash bo‘yicha davlat organlari Terrorizmga qarshi kurashni amalga oshiruvchi davlat organlari quyidagilardan iborat: Oldingi tahrirga qarang. O‘zbekiston Respublikasi Davlat xavfsizlik xizmati; (8-modda birinchi qismi ikkinchi xatboshisi O‘zbekiston Respublikasining 2019-yil 18-fevraldagi O‘RQ-522-sonli Qonuni tahririda — O‘zbekiston Respublikasi Oliy Majlisi palatalarining Axborotnomasi, 2019-y., 2-son, 47-modda) Oldingi tahrirga qarang. O‘zbekiston Respublikasi Milliy gvardiyasi; (8-modda birinchi qismi O‘zbekiston Respublikasining 2019-yil 18-fevraldagi O‘RQ-522-sonli Qonuniga asosan uchinchi xatboshi bilan to‘ldirilgan — O‘zbekiston Respublikasi Oliy Majlisi palatalarining Axborotnomasi, 2019-y., 2-son, 47-modda) Oldingi tahrirga qarang. O‘zbekiston Respublikasi Prezidenti davlat xavfsizlik xizmati; (8-moddaning birinchi qismi O‘zbekiston Respublikasining 2019-yil 5-sentabrdagi O‘RQ-564-sonli Qonuniga asosan to‘rtinchi xatboshi bilan to‘ldirilgan — Qonun hujjatlari ma’lumotlari milliy bazasi, 05.09.2019-y., 03/19/564/3690-son) O‘zbekiston Respublikasi Ichki ishlar vazirligi; Oldingi tahrirga qarang. (8-modda birinchi qismining to‘rtinchi xatboshisi O‘zbekiston Respublikasining 2004-yil 30-apreldagi 621-II-son Qonuniga muvofiq chiqarib tashlangan — O‘zbekiston Respublikasi qonun hujjatlari to‘plami, 2004-y., 25-son, 287-modda) O‘zbekiston Respublikasi Davlat bojxona qo‘mitasi; O‘zbekiston Respublikasi Mudofaa vazirligi; O‘zbekiston Respublikasi Favqulodda vaziyatlar vazirligi; Oldingi tahrirga qarang. O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti; (8-modda birinchi qismining yettinchi xatboshisi O‘zbekiston Respublikasining 2019-yil 15-yanvardagi O‘RQ-516-sonli Qonuni tahririda — Qonun hujjatlari ma’lumotlari milliy bazasi, 16.01.2019-y., 03/19/516/2484-son) Oldingi tahrirga qarang. Terrorizmga qarshi kurashda ishtirok etayotgan davlat organlarining faoliyatini muvofiqlashtirish hamda terrorchilik faoliyatining oldini olish, uni aniqlash, unga chek qo‘yish va uning oqibatlarini minimallashtirish borasida hamkorlikda harakat qilishlarini ta’minlash O‘zbekiston Respublikasi Davlat xavfsizlik xizmati tomonidan amalga oshiriladi. (8-moddaning ikkinchi qismi O‘zbekiston Respublikasining 2019-yil 18-fevraldagi O‘RQ-522-sonli Qonuni tahririda — O‘zbekiston Respublikasi Oliy Majlisi palatalarining Axborotnomasi, 2019-y., 2-son, 47-modda) Oldingi tahrirga qarang. Oldingi tahrirga qarang. 9-modda. O‘zbekiston Respublikasi Davlat xavfsizlik xizmatining terrorizmga qarshi kurash sohasidagi vakolatlari (9-moddaning nomi O‘zbekiston Respublikasining 2019-yil 18-fevraldagi O‘RQ-522-sonli Qonuni tahririda — O‘zbekiston Respublikasi Oliy Majlisi palatalarining Axborotnomasi, 2019-y., 2-son, 47-modda) Oldingi tahrirga qarang. O‘zbekiston Respublikasi Davlat xavfsizlik xizmati: (9-moddaning birinchi qismi O‘zbekiston Respublikasining 2019-yil 18-fevraldagi O‘RQ-522-sonli Qonuni tahririda — O‘zbekiston Respublikasi Oliy Majlisi palatalarining Axborotnomasi, 2019-y., 2-son, 47-modda) Terrorchilik faoliyatining oldini olish, uni aniqlash va unga chek qo‘yish yo‘li bilan terrorizmga, shu jumladan xalqaro terrorizmga qarshi kurashni amalga oshiradi; Terrorchilar, terrorchilik guruhlari va terrorchilik tashkilotlari faoliyati to‘g‘risidagi axborotlarni to‘playdi hamda tahlil qiladi, ulardan kelib chiqayotgan tahdidning milliy xavfsizlikka qay darajada xavfli ekanligini baholaydi, tegishli vazirliklar, davlat qo‘mitalari va idoralarga zarur axborotlar taqdim etadi; Terrorchilarning O‘zbekiston Respublikasi hududiga kirishidan Davlat chegarasining himoya qilinishi va qo‘riqlanishini ta’minlaydi; O‘zbekiston Respublikasi Davlat chegarasi orqali qurol, o‘q-dorilar, portlovchi, radioaktiv, biologik, shuningdek kimyoviy yoki boshqa zaharlovchi moddalarning, terrorchilik harakatini sodir etish maqsadida ishlatilishi mumkin bo‘lgan predmet yoki materiallarning noqonuniy olib o‘tilishi oldini olish, uni aniqlash va unga chek qo‘yish choralarini ko‘radi; Chegara oldi mintaqasida va chegara oldi zonasida terrorchilarni, terrorchilik guruhlarini aniqlaydi, zararsizlantiradi, qarshilik ko‘rsatilgan taqdirda esa ularni yo‘q qilish choralarini ko‘radi; O‘zbekiston Respublikasining alohida muhim va kategoriyalangan obyektlarini, shuningdek O‘zbekiston Respublikasi hududidan tashqarida joylashgan davlat muassasalarini, ushbu muassasalarning xodimlari hamda ularning oila a’zolarini himoya qilishni ta’minlaydi; Oldingi tahrirga qarang. (9-moddaning birinchi qismi sakkizinchi xatboshisi O‘zbekiston Respublikasining 2019-yil 5-sentabrdagi O‘RQ-564-sonli Qonuniga asosan chiqarilgan — Qonun hujjatlari ma’lumotlari milliy bazasi, 05.09.2019-y., 03/19/564/3690-son) Xalqaro terrorizmga qarshi kurash sohasida chet el davlatlarining tegishli organlari va xalqaro tashkilotlar bilan hamkorlik qiladi; Terrorchilikka qarshi kurashuvchi bo‘linmalarning terrorchilarni, terrorchilik guruhlarini aniqlash, zararsizlantirish va yo‘q qilish hamda terrorchilik tashkilotlarini tugatish ishlari tashkil etilishini ta’minlaydi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (9-moddaning o‘ninchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Oldingi tahrirga qarang. 91-modda. O‘zbekiston Respublikasi Milliy gvardiyasining terrorizmga qarshi kurash sohasidagi vakolatlari O‘zbekiston Respublikasi Milliy gvardiyasi: Terrorizmga qarshi kurashishda, huquq tartibotni, shuningdek jamoat tartibi va xavfsizligini ta’minlashda ishtirok etadi; Terrorchilik harakatlarining oqibatlarini bartaraf etishda ishtirok etadi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (91-moddaning to‘rtinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Oldingi tahrirga qarang. 92-modda. O‘zbekiston Respublikasi Prezidenti davlat xavfsizlik xizmatining terrorizmga qarshi kurash sohasidagi vakolatlari O‘zbekiston Respublikasi Prezidenti davlat xavfsizlik xizmati: O‘zbekiston Respublikasi Prezidenti, uning oila a’zolari, shuningdek O‘zbekiston Respublikasi hududida bo‘lgan davrda qo‘riqlanishi lozim bo‘lgan chet davlatlar va hukumatlar boshliqlarining, xalqaro tashkilotlar rahbarlarining va boshqa shaxslarning xavfsizligini hamda shaxsiy daxlsizligini ta’minlaydi; Qo‘riqlanuvchi shaxslarning doimiy va vaqtinchalik tashrif buyuradigan joylari, shuningdek harakatlanish yo‘nalishlari xavfsizligini ta’minlaydi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (92-moddaning to‘rtinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) 10-modda. O‘zbekiston Respublikasi Ichki ishlar vazirligining terrorizmga qarshi kurash sohasidagi vakolatlari O‘zbekiston Respublikasi Ichki ishlar vazirligi: Terrorchilik faoliyatining oldini olish, uni aniqlash, unga chek qo‘yish hamda uning oqibatlarini minimallashtirish yo‘li bilan terrorizmga qarshi kurashni amalga oshiradi; Alohida muhim, kategoriyalangan va boshqa obyektlarning qo‘riqlanishini va xavfsizligini ta’minlaydi; Davlat hokimiyati va boshqaruvning tegishli organlariga terrorchilik faoliyatiga aloqador shaxslar, guruhlar va tashkilotlar to‘g‘risida axborot taqdim etadi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (10-moddaning beshinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Oldingi tahrirga qarang. (11-modda O‘zbekiston Respublikasining 2004-yil 30-apreldagi 621-II-son Qonuniga muvofiq chiqarib tashlangan — O‘zbekiston Respublikasi qonun hujjatlari to‘plami, 2004-y., 25-son, 287-modda) 12-modda. O‘zbekiston Respublikasi Davlat bojxona qo‘mitasining terrorizmga qarshi kurash sohasidagi vakolatlari O‘zbekiston Respublikasi Davlat bojxona qo‘mitasi: O‘zbekiston Respublikasi Davlat chegarasi orqali o‘tkazish punktlarida giyohvandlik vositalari, psixotrop va portlovchi moddalar, portlatish qurilmalari, qurol-yarog‘lar, qurollar va o‘q-dorilar, yadroviy, biologik, kimyoviy yoki boshqa turdagi yalpi qirg‘in qurollari, terrorchilik harakatlarida ishlatilishi mumkin bo‘lgan materiallar va asbob-uskunalarni noqonuniy olib o‘tishga urinishlarning oldini olish, aniqlash va ularga chek qo‘yish choralarini ko‘radi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (12-moddaning uchinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) 13-modda. O‘zbekiston Respublikasi Mudofaa vazirligining terrorizmga qarshi kurash sohasidagi vakolatlari O‘zbekiston Respublikasi Mudofaa vazirligi: O‘zbekiston Respublikasining havo bo‘shlig‘i xavfsizligini, mamlakat ma’muriy, sanoat-iqtisodiy markazlari va hududlari, muhim harbiy va boshqa obyektlarning havodan beriladigan zarbadan himoya qilinishi va qo‘riqlanishini ta’minlaydi; O‘z tasarrufidagi harbiy obyektlarning qo‘riqlanishi va mudofaa qilinishini amalga oshiradi; Terrorchilikka qarshi operatsiyalarda ishtirok etadi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (13-moddaning beshinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) 14-modda. O‘zbekiston Respublikasi Favqulodda vaziyatlar vazirligining terrorizmga qarshi kurash sohasidagi vakolatlari O‘zbekiston Respublikasi Favqulodda vaziyatlar vazirligi: Favqulodda vaziyatlardan aholini himoya qilish, terrorchilar harakat qilayotgan zonada joylashgan alohida muhim, kategoriyalangan va boshqa obyektlar barqaror ishlashini, shuningdek terrorchilik harakatlari oqibatlarini tugatish yuzasidan vazirliklar, davlat qo‘mitalari, idoralar va mahalliy davlat hokimiyati organlarining faoliyatini muvofiqlashtiradi hamda tadbirlar o‘tkazadi; Oldingi tahrirga qarang. Qonunchilikka muvofiq boshqa vakolatlarni amalga oshiradi. (14-moddaning uchinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Oldingi tahrirga qarang. Oldingi tahrirga qarang. 141-modda. O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining terrorizmga qarshi kurash sohasidagi vakolatlari (141-moddaning nomi O‘zbekiston Respublikasining 2019-yil 15-yanvardagi O‘RQ-516-sonli Qonuni tahririda — Qonun hujjatlari ma’lumotlari milliy bazasi, 16.01.2019-y., 03/19/516/2484-son) Oldingi tahrirga qarang. O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti: (141-moddaning birinchi xatboshisi O‘zbekiston Respublikasining 2019-yil 15-yanvardagi O‘RQ-516-sonli Qonuni tahririda — Qonun hujjatlari ma’lumotlari milliy bazasi, 16.01.2019-y., 03/19/516/2484-son) Terrorizmni moliyalashtirish holatlarini aniqlash va bartaraf etish maqsadida pul mablag‘lari yoki boshqa mol-mulk bilan bog‘liq operatsiyalarning monitoringini amalga oshiradi; Oldingi tahrirga qarang. Qonunchilikda belgilangan hollarda va tartibda pul mablag‘lari yoki boshqa mol-mulk bilan bog‘liq operatsiyalarni to‘xtatib turish to‘g‘risida qaror qabul qiladi; Qonunchilikka muvofiq boshqa vakolatlarni amalga oshiradi. (141-moddaning uchinchi va to‘rtinchi xatboshilari O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) TERRORChILIKKA QARShI OPERATSIYANING O‘TKAZILIShI 15-modda. Terrorchilik harakatiga chek qo‘yish Oldingi tahrirga qarang. Terrorchilik harakatiga chek qo‘yish uchun qonunchilikka muvofiq zarur choralar qo‘llaniladi, shu jumladan terrorchilikka qarshi operatsiyalar o‘tkaziladi. (15-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) 16-modda. Terrorchilikka qarshi operatsiyaga rahbarlik qilish va uni boshqarish Terrorchilikka qarshi operatsiyaga rahbarlik qilish va uni boshqarish har bir muayyan holatda terrorchilik harakati tahdidi va xavfining ko‘lamlarini inobatga olgan holda belgilanadi hamda mudofaa va xavfsizlikni ta’minlovchi tegishli tuzilmalar zimmasiga yuklanadi. Terrorizm tahdidini zararsizlantirish va tugatish uchun jalb etiladigan tuzilmalar va bo‘linmalarning sa’y-harakatlarini muvofiqlashtirish bo‘yicha zaruratga qarab shtablar tuziladi. 17-modda. Terrorchilar bilan muzokaralar olib borish Terrorchilik harakatining xususiyatiga qarab jismoniy shaxslar hayoti va sog‘lig‘ini, moddiy boyliklarni saqlash, garovda ushlab turilgan shaxslarni ozod etish, shuningdek kuch ishlatmasdan terrorchilik harakatiga chek qo‘yish imkoniyatini o‘rganish maqsadida terrorchilar bilan muzokaralar o‘tkazilishi mumkin. Terrorchilikka qarshi operatsiya o‘tkazish rahbari tomonidan maxsus vakolat berilgan shaxslar terrorchilar bilan muzokaralar olib borishiga ruxsat etiladi. Terrorchilar bilan muzokaralar olib borilishi ularni sodir etgan jinoiy qilmishlari uchun javobgarlikdan ozod etishning asosi yoki sharti bo‘lib xizmat qilishi mumkin emas. Agar terrorchilar bilan muzokaralar o‘tkazish natijasida ular terrorchilik harakatini to‘xtatishga rozi emasligi sababli muzokaralardan ko‘zlangan maqsadga erishish mumkin bo‘lmasa hamda jismoniy shaxslar hayoti va sog‘lig‘iga aniq tahdid saqlanib turgan bo‘lsa, terrorchilarni zararsizlantirish va yo‘q qilish yuzasidan zarur choralar ko‘riladi. 18-modda. Terrorchilikka qarshi operatsiya o‘tkaziladigan zonaning chegaralari Terrorchilikka qarshi operatsiya o‘tkaziladigan zonaning chegaralari terrorchilikka qarshi operatsiya o‘tkazish rahbarlari tomonidan joyning xususiyati va sharoitlarini, shuningdek terrorchilik harakatining ko‘lamlari hamda ijtimoiy xavflilik darajasini hisobga olgan holda belgilanadi. 19-modda. Terrorchilikka qarshi operatsiya o‘tkazayotgan shaxslarning operatsiya o‘tkaziladigan zonadagi huquqlari Terrorchilikka qarshi operatsiya o‘tkaziladigan zonada mazkur operatsiyani o‘tkazayotgan shaxslar quyidagi huquqlarga ega: Zarurat bo‘lganda transport vositalari va yo‘lovchilarning ko‘cha va yo‘llarda harakatlanishini vaqtinchalik cheklash yoki taqiqlash, transport vositalarini, shu jumladan diplomatiya vakolatxonalarining, konsullik muassasalarining va fuqarolarning transport vositalarini joyning ayrim uchastkalariga va obyektlarga kiritmaslik, fuqarolarni joyning ayrim uchastkalaridan va obyektlardan chiqarib yuborish, shuningdek maxsus ruxsatnomasi bo‘lmagan transport vositalarini shatakka olib chiqarib tashlash choralarini ko‘rish; Jismoniy shaxslarning shaxsni tasdiqlovchi hujjatlarini tekshirish, bunday hujjatlar bo‘lmagan taqdirda esa ularning shaxsini aniqlash uchun ushlab turish; Huquqbuzarliklar sodir etgan yoki terrorchilikka qarshi operatsiya o‘tkazuvchi shaxslarning qonuniy talablariga to‘sqinlik qilishga qaratilgan, shuningdek terrorchilikka qarshi operatsiya o‘tkaziladigan zonaga ruxsatsiz kirish yoki kirishga urinish bilan bog‘liq harakatlar sodir etgan shaxslarni ushlash va tegishli organlarga olib borish; Agar kechiktirish jismoniy shaxslar hayoti va sog‘lig‘ini, jamiyat va davlat xavfsizligini tahdid ostiga qo‘yishi mumkin bo‘lsa, terrorchilik harakatiga chek qo‘yish, uni sodir etganlikda gumon qilinayotgan shaxslarni ta’qib etish uchun korxonalar, muassasalar va tashkilotlar hududiga hamda xonalariga, turar joy va boshqa joylarga, yer uchastkalariga, transport vositalariga sutkaning istalgan vaqtida moneliksiz kirish (oshib tushish); Terrorchilikka qarshi operatsiya o‘tkazilayotgan zonaga kirayotgan (transport bilan kirishda) hamda mazkur zonadan chiqayotgan (transport bilan chiqishda) jismoniy shaxslarni shaxsan ko‘rikdan o‘tkazish, ulardagi ashyolarni, transport vositalarini hamda bu vositalarda olib o‘tilayotgan yuklarni, shu jumladan nazorat qilishning texnik va boshqa vositalaridan foydalangan holda ko‘rikdan o‘tkazish; Jismoniy yoki yuridik shaxslarga tegishli bo‘lgan aloqa vositalaridan, shu jumladan maxsus aloqa vositalaridan, shuningdek transport vositalaridan (chet el davlatlari diplomatiya vakolatxonalari hamda boshqa muassasalarining, xalqaro tashkilotlarning aloqa va transport vositalaridan tashqari) terrorchilik harakatining oldini olish, terrorchilik harakatini sodir etgan yoki sodir etishda gumon qilinayotgan shaxslarni ta’qib qilish va ushlash, hodisa ro‘y bergan joyga yetib borish, tez tibbiy yordamga muhtoj bo‘lgan shaxslarni davolash muassasalariga olib borish uchun xizmat maqsadlarida foydalanish; Terrorchilarga nisbatan qurol va jangovar texnikaning mavjud turlarini hamda maxsus vositalarini qo‘llash. 20-modda. Ommaviy axborot vositalari bilan o‘zaro hamkorlik Terrorchilikka qarshi operatsiya o‘tkazilayotgan zonada ommaviy axborot vositalari vakillarining faoliyati joylardagi terrorchilikka qarshi operatsiya o‘tkazish rahbarlari bilan hamkorlikda amalga oshiriladi. Quyidagi axborotlar tarqatilishiga yo‘l qo‘yilmaydi: Terrorchilikka qarshi operatsiya o‘tkazishning maxsus texnikaviy usullarini hamda taktikasini ochib beradigan; Terrorchilikka qarshi operatsiya o‘tkazilishini qiyinlashtirib qo‘yadigan, jismoniy shaxslar hayoti va sog‘lig‘iga xavfni keltirib chiqaradigan; Terrorchilikni targ‘ib qilishga yoki oqlashga ko‘maklashadigan; Terrorchilikka qarshi operatsiya o‘tkazilayotganda bo‘linmalarning xodimlari to‘g‘risidagi, shuningdek uni o‘tkazishga ko‘maklashayotgan shaxslar to‘g‘risidagi. 21-modda. Terrorchilikka qarshi operatsiyaning tugatilishi Terrorchilik harakatiga chek qo‘yilgan (tugatilgan) hamda terrorchilikka qarshi operatsiya o‘tkaziladigan zonadagi jismoniy shaxslar hayoti va sog‘lig‘iga bo‘lgan xavf bartaraf etilgan taqdirda terrorchilikka qarshi operatsiya tugallangan hisoblanadi. TERRORChILIK HARAKATI OQIBATIDA YETKAZILGAN ZARARNI QOPLASh VA JABRLANGAN ShAXSLARNING IJTIMOIY REABILITATSIYASI 22-modda. Terrorchilik harakati oqibatida yetkazilgan zararni qoplash Oldingi tahrirga qarang. Terrorchilik harakati oqibatida yetkazilgan zararni qoplash qonunchilikda belgilangan tartibda amalga oshiriladi. (22-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) LexUZ sharhi Qo‘shimcha ma’lumot uchun O‘zbekiston Respublikasi Fuqarolik kodeksining 57-bobi (“Zarar yetkazishdan kelib chiqadigan majburiyatlar”) va O‘zbekiston Respublikasi Jinoyat-protsessual kodeksining beshinchi bo‘limiga (“Jinoyat natijasida yetkazilgan mulkiy ziyonni qoplash”) qarang. 23-modda. Terrorchilikka qarshi operatsiya o‘tkazish natijasida yetkazilgan zararni qoplash Oldingi tahrirga qarang. Terrorchilikka qarshi operatsiya o‘tkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zarar qonunchilikda belgilangan tartibda davlat tomonidan qoplanadi. (23-moddaning birinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) LexUZ sharhi Qo‘shimcha ma’lumot uchun O‘zbekiston Respublikasi Fuqarolik kodeksining 57-bobiga (“Zarar yetkazishdan kelib chiqadigan majburiyatlar”) va O‘zbekiston Respublikasi Vazirlar Mahkamasining 2016-yil 24-maydagi 170-sonli qarori bilan tasdiqlangan “Terrorchilikka qarshi operatsiya o‘tkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi to‘g‘risida”gi nizomga qarang. Shaxsga uning terrorchilik harakatidagi ishtirokiga chek qo‘yilishi munosabati bilan yetkazilgan zarar qoplanmaydi. 24-modda. Terrorchilik harakati oqibatida jabrlangan shaxslarning ijtimoiy reabilitatsiyasi Oldingi tahrirga qarang. Terrorchilik harakati oqibatida jabrlangan shaxslarning ijtimoiy reabilitatsiyasi ularni normal hayotiy faoliyatga qaytarish maqsadida o‘tkaziladi hamda mazkur shaxslarga huquqiy yordam berishdan, ularning ruhiy, tibbiy, kasbiy reabilitatsiyasidan, ularni ishga joylashtirishdan, zarur hollarda ularga obod turar joy va qonunchilikda nazarda tutilgan boshqa yordam berishdan iborat bo‘ladi. (24-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Terrorchilik harakati oqibatida jabrlangan shaxslarning ijtimoiy reabilitatsiyasini amalga oshirish tartibi O‘zbekiston Respublikasi Vazirlar Mahkamasi tomonidan belgilanadi. TERRORIZMGA QARShI KURAShDA IShTIROK ETAYOTGAN ShAXSLARNING HUQUQIY VA IJTIMOIY HIMOYASI 25-modda. Terrorizmga qarshi kurashda ishtirok etayotgan, huquqiy va ijtimoiy himoyalanishi zarur bo‘lgan shaxslar Terrorizmga qarshi kurashda ishtirok etayotgan shaxslar davlat himoyasidadir. Quyidagilar huquqiy va ijtimoiy himoyalanishi lozim: Terrorizmga qarshi kurashda bevosita ishtirok etayotgan harbiy xizmatchilar, davlat organlarining xodimlari va mutaxassislari; Terrorchilik faoliyatining oldini olishda, uni aniqlashda, unga chek qo‘yishda, uni tergov qilishda hamda uning oqibatlarini minimallashtirishda terrorizmga qarshi kurashni amalga oshirayotgan davlat organlariga doimiy yoki vaqtincha ko‘maklashayotgan shaxslar; Ushbu qismning ikkinchi va uchinchi xatboshilarida ko‘rsatib o‘tilgan shaxslarning oila a’zolari, agar ularning himoyalanishini ta’minlash zarurati mazkur shaxslarning terrorizmga qarshi kurashdagi ishtirokiga bog‘liq bo‘lsa. Terrorizmga qarshi kurashda bevosita ishtirok etayotgan, terrorizmga qarshi kurashga ko‘maklashayotgan shaxslarga, shuningdek ularning oila a’zolariga, basharti ularning hayoti va sog‘lig‘iga tahdid yuzaga kelgan taqdirda, iltimoslariga ko‘ra ularning tashqi qiyofasi, familiyasi, ismi va otasining ismi, shuningdek ish va yashash joylari terrorizmga qarshi kurash organlari ta’minotiga ajratiladigan mablag‘lar hisobidan o‘zgartirilishi mumkin. 26-modda. Terrorizmga qarshi kurashda ishtirok etgan shaxslar hayoti va sog‘lig‘iga yetkazilgan zararni qoplash Oldingi tahrirga qarang. Terrorizmga qarshi kurashda ishtirok etgan shaxs terrorchilikka qarshi operatsiya o‘tkazishda halok bo‘lgan taqdirda halok bo‘lgan shaxsning oila a’zolariga hamda uning qaramog‘idagi shaxslarga qonunchilikka muvofiq bir yo‘la beriladigan nafaqa to‘lanadi hamda boquvchisini yo‘qotganlik pensiyasi tayinlanadi. LexUZ sharhi Batafsil ma’lumot uchun O‘zbekiston Respublikasi “Fuqarolarning davlat pensiya ta’minoti to‘g‘risida”gi Qonunining IV bobiga (“Boquvchisini yo‘qotganlik pensiyalari”) qarang. Terrorizmga qarshi kurashda ishtirok etgan shaxs terrorchilikka qarshi operatsiya o‘tkazishda mayib bo‘lgan va bu uning mehnat layoqatini yo‘qotishiga hamda nogironlikka olib kelgan taqdirda unga bir yo‘la beriladigan nafaqa to‘lanadi hamda qonunchilikka muvofiq nogironlik pensiyasi tayinlanadi. LexUZ sharhi Batafsil ma’lumot uchun O‘zbekiston Respublikasi “Fuqarolarning davlat pensiya ta’minoti to‘g‘risida”gi Qonunining III bobiga (“Nogironlik pensiyalari”) qarang. Terrorizmga qarshi kurashda ishtirok etgan shaxs terrorchilikka qarshi operatsiya o‘tkazishda yarador bo‘lgan taqdirda bu uning mehnat layoqatini yo‘qotishiga olib kelmasa, unga qonunchilikka muvofiq bir yo‘la beriladigan nafaqa to‘lanadi. (26-moddaning birinchi, ikkinchi va uchinchi qismlari O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) LexUZ sharhi Xodimga yetkazilgan zararni qoplash O‘zbekiston Respublikasi Mehnat kodeksining 187—197-moddalari, shuningdek O‘zbekiston Respublikasi Vazirlar Mahkamasining 2005-yil 11-fevraldagi 60-son qarori bilan tasdiqlangan Xodimlarga ularning mehnat vazifalarini bajarish bilan bog‘liq holda jarohatlanishi, kasb kasalliklariga chalinishi yoki salomatlikning boshqa xil shikastlanishi tufayli yetkazilgan zararni to‘lash Qoidalari bilan tartibga solingan. 27-modda. Ko‘p yil ishlaganlikni imtiyozli hisoblash Terrorizmga qarshi kurashni bevosita amalga oshirayotgan bo‘linmalarda xizmatni o‘tayotgan harbiy xizmatchilarga hamda davlat organlarining xodimlariga pensiya tayinlashda xizmatning bir kuni ikki kunga, terrorchilikka qarshi operatsiya o‘tkazishda ishtirok etgan davrda xizmatning bir kuni uch kunga hisoblanadi. Terrorchilikka qarshi operatsiya o‘tkazishda ishtirok etishga jalb qilingan mutaxassislar va boshqa shaxslarga pensiya tayinlashda mazkur operatsiyada ishtirok etishning har bir kuni uch kunga hisoblanadi. Oldingi tahrirga qarang. Ko‘p yil ishlaganlikni imtiyozli hisoblash tartibi qonunchilik bilan belgilanadi. (27-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Oldingi tahrirga qarang. TERRORChILIK FAOLIYATIDA IShTIROK ETGANLIK HAMDA TERRORIZMGA QARShI KURASh TO‘G‘RISIDAGI QONUNChILIKNI BUZGANLIK UChUN JAVOBGARLIK (VI-bobning nomi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) 28-modda. Terrorchilik faoliyatida ishtirok etganlik uchun javobgarlik Oldingi tahrirga qarang. Terrorchilik faoliyatida ishtirok etayotgan shaxslar qonunchilikka muvofiq javobgar bo‘ladi. LexUZ sharhi O‘zbekiston Respublikasi Jinoyat kodeksining 155-moddasiga qarang. Shaxs terrorchilik faoliyatida ishtirok etishdan o‘z ixtiyori bilan qaytgan, bu haqda tegishli davlat organlariga xabar bergan hamda og‘ir oqibatlar yuzaga kelishining va terrorchilar maqsadlari amalga oshirilishining oldini olishga faol ko‘maklashgan taqdirda, qonunchilikka muvofiq javobgarlikdan ozod etilishi mumkin. (28-moddaning birinchi va ikkinchi qismlari O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) LexUZ sharhi O‘zbekiston Respublikasi Jinoyat kodeksining 26-moddasiga muvofiq shaxs jinoyatga tayyorgarlik ko‘rish harakatlarini yoki jinoyat sodir etishga bevosita qaratilgan harakatlarni oxiriga yetkazish mumkinligini anglagan holda to‘xtatsa, shuningdek jinoiy oqibat kelib chiqishi mumkinligini anglagan holda, shunday oqibat kelib chiqishining oldini olsa, jinoyat sodir etishdan ixtiyoriy qaytish deb topiladi. Jinoyat sodir etishdan ixtiyoriy qaytish javobgarlikni istisno qiladi. Jinoyatni oxiriga yetkazishdan ixtiyoriy qaytgan shaxs, agar amalda sodir etgan qilmishida boshqa jinoyat tarkibining barcha alomatlari bo‘lsa, Jinoyat kodeksi bo‘yicha javobgarlikka tortiladi. 29-modda. Terrorchilik faoliyati uchun tashkilotning javobgarligi Tashkilot sudning qarori asosida terrorchilik tashkiloti deb topiladi va tugatiladi. Terrorchilik tashkiloti deb topilgan tashkilot tugatilganda unga tegishli mol-mulk musodara etiladi hamda davlat mulkiga o‘tkaziladi. O‘zbekiston Respublikasidan tashqarida ro‘yxatga olingan xalqaro tashkilot (uning bo‘linmasi, filiali, vakolatxonasi) O‘zbekiston Respublikasining sudi tomonidan terrorchilik tashkiloti deb topilgan taqdirda O‘zbekiston Respublikasi hududida mazkur tashkilot (uning bo‘linmasi, filiali, vakolatxonasi) faoliyati taqiqlanadi va bu tashkilot (uning bo‘linmasi, filiali, vakolatxonasi) tugatiladi, unga (uning bo‘linmasiga, filialiga, vakolatxonasiga) tegishli, O‘zbekiston Respublikasi hududida bo‘lgan mol-mulk musodara etiladi va davlat mulkiga o‘tkaziladi. 30-modda. Etkazilgan zarar uchun javobgarlikdan ozod etish Terrorchilikka qarshi operatsiyada ishtirok etayotgan harbiy xizmatchilar, mutaxassislar va boshqa shaxslar bunday operatsiya o‘tkazilayotganda majburan zarar yetkazganlik uchun javobgarlikdan ozod etiladi. Oldingi tahrirga qarang. 31-modda. Terrorizmga qarshi kurash to‘g‘risidagi qonunchilikni buzganlik uchun javobgarlik Terrorizmga qarshi kurash to‘g‘risidagi qonunchilikning buzilishida aybdor shaxslar belgilangan tartibda javobgar bo‘ladilar. (31-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) O‘zbekiston Respublikasining Prezidenti I. KARIMOV Toshkent sh., 2000-yil 15-dekabr, 167-II-son (O‘zbekiston Respublikasi Oliy Majlisining Axborotnomasi, 2001-y., 1-2-son, 15-modda; O‘zbekiston Respublikasi qonun hujjatlari to‘plami, 2004-y., 25-son, 287-modda; 2015-y., 32-son, 425-modda; 2016-y., 17-son, 173-modda; Qonun hujjatlari ma’lumotlari milliy bazasi, 16.01.2019-y., 03/19/516/2484-son, 2019-y., 2-son, 47-modda, 05.09.2019-y., 03/19/564/3690-son; Qonunchilik ma’lumotlari milliy bazasi, 21.04.2021-y., 03/21/683/0375-son ) Марказ ҳақида Сайт янгиликлари Сайтда реклама RSS Топ рейтинг www.uz Download 23.77 Kb. Do'stlaringiz bilan baham: 
|