Sf usulida papavеrina gidroxloridni miqdoriy tahlili

§ 2. Rentgen qurilma asbob-uskunalari

1) Spektral analiz rentgen qurilmalari konstruksiyasi (jumladan rentgen fluoressent analizatorlari) spektral laboratoriya va punkt xodimlarini elektr tokidan shikastlanishlari hamda asosiy kuch chegarasiga muvofiq tarzda ruxsat etilgan darajadan oshiqcha miqdorda rentgen nurlari ta’sirida nurlanishlaridan himoya qilishni ta’minlashi lozim.

Rentgen qurilmalarni o‘rnatish, sozlash, ularni qaytadan zaryadlash va texnik| xizmat ko‘rsatish O‘zbekiston Respublikasi Vazirlar Mahkamasining 2004-yil 6-martdagi 111-sonli qaroriga asosan litsenziyaga ega bo‘lgan mutaxassislar tomonidan amalga oshiriladi.

2)Rentgen qurilmalarda insonni elektr toki ta’sirida shikastlanishidan himoya qilish toifasi GOST 12.2.007.0-75 talablari bo‘yicha 0,1 ga teng.

3). Ushbu qurilmalarni yerga ulash uchun 0,5 Om dan kam bo‘lmagan qarshilikka ega bo‘lgan alohida yerga ulanuvchi kontur qilinishi lozim.

Rentgen qurilmalarning har xil qismlari va modullariga xavfsiz ravishda kirish imkoniyatlarini ta’minlash uchun ushbu qurilmalar tegishli blokirovka qurilmalari bilan jihozlangan bo‘lishi lozim (yuqori kuchlanishdagi elektr tokini o‘chiruvchi, rentgen trubkalar ishini to‘xtatuvchi va boshq.).

4) Rentgen analizatorlarning barcha elektr toki o‘tkazuvchi qismlari tasodifan bir-biri bilan tutashib ketishidan himoya qiluvchi qobiqlar bilan o‘ralgan bo‘lishi lozim. Himoya darajasi GOST 14254-96 talablari bo‘yicha 1R20 toifada bo‘lishi lozim.

Analizatorlarning elektr kuchlanishdagi barcha metall qismlari boltli birikmalar bilan yerga ulangan bo‘lishi lozim. Yerga ulanish qisqichlarida (boltlarida) lak-bo‘yoq qatlamlari bo‘lmasligi lozim. Yerga ulangan himoya simlarining qisqichlari yonida GOST 21130-75 talablari bo‘yicha yerga ulanganlik belgisi qo‘yilishi lozim.

Yerga ulangan himoya simlari qisqichlari (boltlar) orasidagi hamda apparatning elektr kuchlanishga ega tutashishi mumkin bo‘lgan metall qismlaridagi elektr qarshiligi 0,1 Om dan oshmasligi lozim.

Analizator birlamchi elektr zanjirlari izolatsiyasining qarshiligi normal iqlim sharoitlarida 10 MOm dan kam bo‘lmasligi lozim.

Analizator birlamchi elektr zanjiri va yerga ulangan koxuj hamda qobiqlar orasidagi izolatsiya halqa va ustki to‘siqlarsiz analizator turiga bog‘liq holda va analizatordan foydalanish to‘g‘risidagi yo‘riqnomada ko‘rsatilgan kattalikdagi sinov kuchlanishlariga 1 minut davomida bardosh berishi lozim. Analizator ikkilamchi elektr zanjirlari orasidagi izolatsiya halqa va ustki to‘siqlarsiz analizatordan foydalanish to‘g‘risidagi yo‘riqnomada ko‘rsatilgan sinov elektr kuchlanishlariga bardosh berishi lozim.

5) Ulangan holdagi rentgen trubkalarida nurlanish ehtimolining oldini olish maqsadida:

kanalning ichki hajmiga kirish;

kanalning chiqish kollimatoridan detektorni olib qo‘yish;

tirgakning orqa tomonidagi (ariq orqasidagi) plastinka va kojuxlarni olib qo‘yish taqiqlanadi.

Analizator spektrometrik qurilmasida va rentgen trubkasi himoya kojuxlarida tayyorlovchi korxona chizmalariga muvofiq tarzda radiatsiyaviy xavflilik belgisi osib qo‘yilishi lozim; rentgen trubkalarning yuqori kuchlanishdagi manbalarida va detektor bloklarida elektr kuchlanish belgisi bo‘lishi lozim.

Manbaga ulangan rentgen trubkasiga trubkaga olib boruvchi yuqori kuchlanish mavjudligini ko‘rsatib turadigan yorug‘lik indikatori ulanishi lozim.

3. Rentgenradiometrik spektral qurilmalar asbob-uskunalari

1) Rentgenradiometrik spektral qurilmalar konstruksiyasi spektral laboratoriya va punktlar ishchilarini elektr toki ta’sirida shikastlanishlari, suyuq azot ta’sirida kuyishlari, asosiy kuch chegarasiga muvofiq tarzda ruxsat etilgan darajadan oshiqcha miqdorda radioaktiv nurlanishlaridan himoya qilishni ta’minlashi lozim.

3). Rentgen radiometrik qurilmalarda insonni elektr toki ta’sirida shikastlanishidan himoya qilish toifasi GOST 12.2.007.0-75 talablari bo‘yicha 01 ga teng.

Qurilma barcha bloklarini yerga ulash 1 mm2 dan kichik bo‘lmagan kesma simlar bilan ishchi xonaning yerga ulangan umumiy shinasiga (qizimaydigan yo‘g‘on sim) ulash orqali amalga oshirilishi lozim.

Rentgenradiometrik qurilmalari yuqori kuchlanishdagi elektr manbaiga ulanib turgan vaqtida uning yuqori kuchlanishdagi kabellarini ajratish taqiqlanadi.

4). Rentgenradiometrik spektral qurilmalarda nurlanish generatori sifatida foydalaniluvchi yopiq radionuklid ionlovchi nurlanish manbalari GOST 27212-87 umumiy texnik talablariga mos kelishi lozim.