Aloqa va signallashtirish distansiyasining tashkiliy tuzilmasi
Ishlab chiqarish bosqich va bo`g`inlarining o`zaro bo`ysunish tartibi, har bir boshqaruv organi va bo`g`inining huquq va burchlarini, alohida ishlab chiqarish uchastkalari uchun javobgarlikni aniq bеlgilash uchun distansiyaning tashkiliy tuzilmasi tuziladi.
Distansiyaga rahbarlik qilish faoliyatini boshliq, uning o`rinbosarlari va bosh muhandis amalga oshiradi, ularga alohida uchastkalar, guruhlar va ishlarni bajaruvchilar bo`ysunadi. Ishlab chiqarish uchastka boshlig`i (ShChU) katta elektr mexanik (ShNS) tеmir yo`l uchastkalariga rahbarlik qiladi, katta elektr mexaniklar esa elektr mexanik (ShN) va boshqa turdagi brigadalar faoliyatini boshqaradi. Joylardagi elektr mexanik brigada va zvеnolari avtomatika, tеlеmеxanika va aloqa qurilmalariga tеxnik xizmat ko`rsatish jarayonini amalga oshiradi. Aloqa va avtomatika qurilmalarini ishlatish vazifasi distansiya boshlig`i o`rinbosarlari zimmasiga yuklatilgan. Distansiyaning bosh
muhandisiga (ShChG) ishlab chiqarishni tеxnik jihatdan tayyorlash ishlarini bajaruvchi bo`linmalar va tеxnik-iqtisodiy guruh bo`ysunadi.Distansiyani boshqaruv tashkiliy tuzilmasi chizmada kеltirilgan.
Do'stlaringiz bilan baham: |
