Sirdaryo viloyatini innovatsion hududga aylantirish: muammo, yechim va xalqaro tajriba

Materialning tuzilishi:

1. 
   Tadqiqot mavzusining dolzarbligi;
   
2. 
   Mavzu doirasidagi tahlillar;
   
3. 
   Ilmiy asoslangan taklif va tavsiyalar;
   
4. 
   Foydalanilgan adabiyotlar roʼyxati.
   

Taqdim etilayotgan maqola va anjuman materiallarini rasmiylashtirish tartibi:

1. 
   Anjuman materiallari bir nusxada va elektron shaklda tezis koʻrinishida WORD 2007-2016 formatida Times New Roman shriftida, 14 kegl, satrlar oraligʻi 1,15 interval, sahifalar chapdan va yuqoridan 2,5 sm, pastdan va oʻngdan 2 sm qoldirilgan holda boʻlishi lozim.
   
2. 
   Birinchi qatorda, sahifaning oʻrtasida bosh va qalin harflar bilan maqolaning nomi, ikkinchi qatorda muallifning ismi-sharifi, uchinchi qatorda muallifning ish joyi, lavozimi, ilmiy darajasi va unvoni, toʻrtinchi qatordan maqola matni yoziladi.
   
3. 
   Asosiy matn satrlar oraligʻi 1,15 intervalda, satr boshi – 1 sm, satrlarni eniga toʻgʻrilash, soʻzlarni boshqa qatorga koʻchirish avtomatik tarzda boʻlishi kerak.
   
4. 
   Adabiyotlarning toʻliq roʻyxati asosiy matndan soʻng koʻrsatilishi, manba va adabiyotlarga havola (ssilka)lar asosiy matn ichida [1] koʻrinishida boʻlishi lozim.
   

Anjumanga materiallarni taqdim etish muddati.
Anjumanda qatnashish uchun talabgorlar 2023-yil 20-sentabrgacha belgilangan tartibda materiallarni va anketani quyida koʻrsatilgan elektron manzilga joʻnatishlari lozim.
Taqdim etiladigan materiallar anjumanning qaysi ilmiy yoʻnalishiga moʻljallanganligi aniq koʻrsatilishi zarur. Materialda keltirilgan maʼlumotlarning haqqoniyligi va plagiatdan holiligiga muallifning shaxsan oʻzi masʼul hisoblanadi.
Tashkiliy qoʻmita yuborilgan materiallarni tahrir qilish huquqiga ega. Anjuman mavzusiga mos boʻlmagan, tegishli talablarga javob bermaydigan, ilmiy-amaliy tavsiyaga ega boʻlmagan va kechikib topshirilgan materiallar toʻplamga kiritilmaydi va muallifga qaytarilmaydi.
Anjumanga material taqdim etish bepul.
Anjumanda qatnashgan ishtirokchilarga bepul sertifikat taqdim etiladi.