Soliq huquqi

Referat mavzu: Soliq to’lovchilarning ayrim toifalariga soliq

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI


TOSHKENT MOLIYA INSTITUTI

SIRTQI BO’LIM

“SOLIQ HUQUQI” FANIDAN

REFERAT


Mavzu: Soliq to’lovchilarning ayrim toifalariga soliq solishning o’ziga xos xususiyatlari
Bajardi: ST-70-2 guruh talabasi
Raxmanova F.

Tekshirdi: ___________________.
Toshkent – 2021
Soliq to’lovchilarning ayrim toifalariga soliq solishning o’ziga xos xususiyatlari
Reja:

1. 
   
   Soliq to’lovchilarning ayrim toifalariga soliq solishning o’ziga xos xususiyatlari
   
2. 
   
   Dehqon xo’jaliklari va bozorlarga hamda konsert-tomosha faoliyatini amalga oshiruvchi yuridik va jismoniy shaxslarga soliq solish tartibi
   
3. 
   
   Ayrim turdagi tovarlar bilan chakana savdo qilish va ayrim turdagi xizmatlarni ko‘rsatish huquqi uchun yig‘imni to’lovchilari
   

1. 
   
   Soliq to’lovchilarning ayrim toifalariga soliq solishning o’ziga xos xususiyatlari
   

To’g’ridan-to’g’ri xususiy xorijiy investitsiyalar ishtirokidagi soliq to’lovchilarga soliq solishning o’ziga xos xususiyatlari.
To’g’ridan-to’g’ri xususiy xorijiy investitsiyalarni jalb qiluvchi va qonun hujjatlarida tasdiqlanadigan ro’yxat bo’yicha mahsulot ishlab chiqarishga ixtisoslashgan yuridik shaxslar uchun ayrim soliqlar hamda boshqa majburiy to’lovlar bo’yicha imtiyozlarni qo’llashning o’ziga xos xususiyatlari nazarda tutiladi.
To’g’ridan-to’g’ri xususiy xorijiy investitsiyalar deyilganda chet davlatning fuqarolari bo’lgan jismoniy shaxslar, O’zbekiston Respublikasi hududidan tashqarida doimiy ravishda yashovchi fuqaroligi bo’lmagan shaxslar, shuningdek xorijiy nodavlat yuridik shaxslar tomonidan amalga oshiriladigan investitsiyalar tushuniladi.
Yuridik shaxslar qonun hujjatlariga muvofiq kiritilgan investitsiya hajmidan kelib chiqqan holda yuridik shaxslardan olinadigan foyda solig’ini, yuridik shaxslarning mol-mulkiga solinadigan soliqni, obodonlashtirish va ijtimoiy infratuzilmani rivojlantirish solig’ini, yagona soliq to’lovini, Respublika yo’l jamg’armasiga majburiy ajratmalarni to’lashdan muayyan muddatga ozod qilinadilar.
Imtiyozlarning qo’llanilish tartibi. Soliq kodeksining 376-moddasi ikkinchi qismida nazarda tutilgan soliqlar va boshqa majburiy to’lovlar bo’yicha imtiyozlar quyidagi hollarda qo’llaniladi: yuridik shaxslar qonun hujjatlarida belgilanadigan ortiqcha ishchi kuchlari mavjud bo’lgan mintaqalar va qishloq aholi punktlarida joylashtirilganda; chet ellik investorlar tomonidan to’g’ridan-to’g’ri xususiy xorijiy investitsiyalar O’zbekiston Respublikasining kafolati berilmagan holda amalga oshirilganda; yuridik shaxslarning ustav kapitalida xorijiy ishtirokchilarning ulushi kamida 33 foizni tashkil etganda; xorijiy investitsiyalar erkin almashtiriladigan valyuta yoki yangi zamonaviy texnologik asbob-uskuna tarzida kiritilganda; soliqlar va boshqa majburiy to’lovlar bo’yicha imtiyozlar berilganligi natijasida ularning qo’llanilishi muddati mobaynida olingan daromadlarning kamida 50 foizi yuridik shaxsni yanada rivojlantirish maqsadida qayta investitsiyalashga yo’naltirilganda.
Soliqlar va boshqa majburiy to’lovlar bo’yicha imtiyozlarni olgan to’g’ridan- to’g’ri xususiy xorijiy investitsiyalar i