So‘z boshi xalqimiz shuni yaxshi bilishi kerak: oldimizda uzoq va mashaqqatli yo‘l turibdi. Barchamiz jipslashib, tinimsiz o‘qib
Download 1.85 Mb. Pdf ko'rish
|
|
4 SO‘Z BOSHI Xalqimiz shuni yaxshi bilishi kerak: oldimizda uzoq va mashaqqatli yo‘l turibdi. Barchamiz jipslashib, tinimsiz o‘qib- o‘rgansak, ishimizni mukammal va unumli bajarsak, zamonaviy bilimlarni egallab, o‘zimizni ayamasdan oldinga intilsak, albatta, hayotimiz va jamiyatimiz o‘zgaradi. SH.Mirziyoev Ta’lim tizimi mazmuni - yoshlarni ma’lumotli qilish, taraqqiy ettirish, tarbiyalash maqsadida ma’lumot mazmunidan tanlanib, ta’lim jarayoniga olib kirilgan bilim, ko‘nikma-malaka, faoliyat usullari hamda tabiat, jamiyat va tafakkur hodisalarini emotsional baholashga doir munosabatlardir. Mamlakatda olib borilayotgan keng qamrovli iqtisodiy islohotlarni amalga oshirishda avvalambor ta’lim tizimini yanada takomillashtirish, ta’lim turlari va ularni yanada rivojlantirish eng muhim va dolzarb masalalardan hisoblanadi. O‘zbekiston Respublikasida kishilarning bilim olishiga alohida e’tibor qaratiladi. O‘zbekiston Respublikasi Konstitustiyasining 41- moddasida: har kim bilim olish huquqiga ega. Bepul umumiy ta’lim olish davlat tomonidan kafolatlanadi. Maktab ishlari davlat nazoratidadir, deb e’tirof etiladi 1 . Bugungi kunda taraqqiy etgan barcha kompaniya va firmalarda ishchi kuchi sifatini oshirishga nihoyatda katta e’tibor berilmoqda. O‘zbekiston Respublikasi davlat mustaqilligiga erishib, iqtisodiy va ijtimoiy rivojlanishning o‘ziga xos va mos yo‘lini tanlashi kadrlar tayyorlash tuzilmasi va mazmunini qayta tashkil etishni hayotiy zaruratga aylantirdi. Dunyoning rivojlangan mamlakatlarida har jihatdan rivojlangan kishini tarbiyalash muammosi hozirgi kunning asosiy talabi bo‘lib turibdi. Chunki, jamiyatda yuz berayotgan inqilobiy o‘zgarishlarni insonning o‘zini o‘zgartirmasdan amalga oshirib bo‘lmaydi. Ammo, yangi kishini tarbiyalash o‘z-o‘zidan emas, balki ijtimoiy munosabatlar yangilanishi jarayonida amalga oshadi. Bu jarayonda maktablar tizimi muhim ahamiyat kasb etadi. Axborot texnologiyalari yetakchi o‘ringa chiqib olgan hozirgi kunda rivojlangan mamlakatlarda maktablar tizimini, ta’lim mazmunini 1 O‘zbekiston Respublikasining Konstitusiyasi 5 yangilash zaruratga aylandi. Eskicha o‘qitish usullari va metodlari ma’nan eskirib, ta’limning ilg‘or pedagogik texnologiyalarga asoslangan metodlari va shakllariga ehtiyoj kuchaydi. Jumladan, joriy yilning 24 yanvar sanasida Prezidentimizning Oliy majlisga murojaatnomasida ilgari surilgan fikrlar bevosita «Qiyosiy ta’lim» bilan bog’liq. Zero, «Oliy ma’lumot olaman, o‘z ustimda ishlab, ilmli bo‘laman, degan, yuragida o‘ti bor, jo‘shqin yoshlarimizning tahsil olishi uchun hamma qulayliklarni yaratishimiz shart. Oliy ta’lim standartlari xorijiy tajriba asosida takomillashtirilishi kerak. Oliy o‘quv yurtlariga bosqichma-bosqich akademik va moliyaviy mustaqillik beriladi. Ta’limning barcha bosqichlarida xalqaro andozalarga to‘liq javob beradigan axborot texnologiyalari joriy etilishi shart» degan fikrlarida jon bor. Qadimgi ajdodlarimiz olamning murakkab tabiiy jarayonlarini o‘rganib borar ekan, insonni, uning ma’naviy - axloqiy kamolotini olamdan tashqarida emas, balki shu olamning ichida deb qaraydilar. Ularning fikricha, odam – olam ichidagi kichik olam bo‘lib, unda katta olam (olami Kubro) ning barcha xususiyatlari o‘z aksini topgandir. Bu hol olamni to‘la tasavvur qilishdan oldin odamni, inson olamini yaxshi bilishni taqozo etadi. Shu nuqtai - nazardan qaraganda, hozirgi davr rivojlangan mamlakatlarda insonni tabiatning oliy mahsuli sifatida, olamning bir parchasi deb qarashda biryoqlamalikka berilib ketish ko‘zga tashlanadi. Shuning uchun ayrim mamlakatlarda insonni faqat zamonaviy ishlab chiqarish ilmi bilan qurollantirish, axborot texnologiyalari, boshqaruv malakalarini o‘rgatishga ustivor soha sifatida qaralmoqda. Ulardagi maktablar ta’lim - tarbiyasi oldiga ham shunday vazifa qo‘yilgan bo‘lib, kichik olam (Najmiddin Kubro)ning moddiy ehtiyojlari yetakchi o‘ringa, ma’naviy ehtiyojlar keyingi o‘ringa tushib qolayotir. Demak ta’lim har doim rivojlanishda buladi. Bu rivojlanish albatta xorijiy tajribani o’rganish, amalga joriy etish orqali takomillashadi. Ushbu “Qiyosiy ta’lim” o`quv qo`llanmasi ham ta’lim jarayonining il’gor xorijiy tajribasini o‘rgatishi bilan bir qatorda jahon mamlakatlari ta’lim yo‘nalishlari, ta’lim dasturlari va texnologiyalari, iqtidorli talabalar bilan ishlash dasturi, xalqaro tashkilotlarning ta’limdagi roli haqida so`z yuritilgan bo‘lib, XXI asr xalqaro ta’lim makoni qolaversa, oqituvchilarni tayyorlashning bosqichli tizimining qiyosiy tahlili batafsil yoritilgan. 6 Download 1.85 Mb. Do'stlaringiz bilan baham: 
|