Спорт машғулотининг назарий асослари

Ҳаракат техникасини чуқур ўрганиш босқичи

Асосий вазифа - ҳаракатни бажариш техникасини кутилган аниқликка етказиш.

Босқичдаги таълим методикаси хусусияти ҳаракат техникаси хусусиятлари ҳақидаги аниқ ва тўлиқроқ маълумотлар олишга қаратилганлиги ҳисобланди.
Шунинг учун таълимни ташкил этишда ҳаракатларни тўлалигича бажариш услубиятини қўллаган маъқул. Бу босқичда техникани қисмларга ажратиб қўллаш услуби, ҳаракатнинг қайсидир қисмини аниқроқ бажаришни аниқлаш лозим бўлганда қўлланилади. Амалда кўрсатиш усулидан ташқари расмлар, кино-лавҳа, кинограмма кабилардан кўпроқ фойдаланиш мумкин, шу-нингдек оғзаки тушинтириш услубияти ҳам яхши натижа беради. Босқичнинг охирида мусобақа усулини қўллаш мақсадга мувофиқ.


Ҳаракатларни такомиллаштириш босқичи

Асосий вазифа - турли шароитларда ҳаракат фаолиятини муътадил амалга ошириш.

Ҳаракат фаолиятини кўп марта тўлалигича такрорлаш бу босқичдаги таълим методикасининг хусусияти ҳисобланади. қайта-қайта машқ қилиш - етакчи методдир. У қуйидаги шаклларда қўлланилади:
- ҳаракатни дам олишнинг тўла ёки қисқа оралиғида кўп марта такрорлаш;
- ўшани бўлимлар билан такрорлаш;
- тана ва руҳнинг турли ҳолатларида (чарчаш, кўриш назо-ратини чекланиши ва ҳ.қ.) ҳаракатларни такрор бажариш;
-жуда кўп миқдорда «силла қўругунча» такрорлаш.
Бундан ташқари, турли шароитларда кўникмани шакл-лантириш, ҳаракатларни самарали бажариш мақсадида қуйидаги методлардан фойдаланилади;
- турли машқ бажариладиган жойлар, турли снарядлар, ранг-баранг об-ҳаво шароитлари каби ташқи муҳитнинг ўзгарувчан шароитларда ҳаракатларни бажариш;
- ҳаракатни ўргангунча ва ўргангандан кейин бошқа ҳаракатлар билан мувофиқ равишда бириктириш;
- ҳаракатларни бор куч билан, шунингдек чамалаб кўриш ва мусобақа шароитларида бажариш;
- ҳаракатларни қўшимча силтовлар ва аксинча каби шароитларда бажариш.
Ҳаракатни такомиллаштириш босқичи спортчи ўзи танлаган спорт тури билан шуғулланган барча даврда давом этаверади