Sport sanoati Sport industry Sport sanoati

Toshkentda “O'zbek sport sanoati – 2018” ko'rgazmasi bo'lib o'tdi

7 sentyabr kuni poytaxtimizdagi Taekvondo associaciyasining sport zalida Jismoniy tarbiya va sport vazirligi tomonidan “O'zbek sport sanoati – 2018” ko'rgazmasi tashkil qilindi.

Ko'rgazma sport jihozlari va inventarlarni xarid qilishda shaffof tizimni yaratish, mahalliy ishlab chiqaruvchilarni qo'llab quvvatlash, ular orasida eng ilg'or sifat ko'rsatkichi yuqorilarini o'rganish maqsadida tashkil etilgan bo'lib, unda 15 ta mahalliy ishlab chiqaruvchi korxona o'zlarining 90 dan ortiq turdagi mahsulotlari bilan ishtirok etishdi.

Ko'rgazma ochilishida O'zbekiston Respublikasi Jismoniy tarbiya va sport vaziri Dilmurod Nabiev so'zga chiqib, mahalliy ishlab chiqaruvchi korxona va tashkilot rahbarlariga sport jihozlarini ishlab chiqarishda, uning sifatiga alohida etibor qaratish lozimligini, sport muassasalari sport jihozlari va inventarlarni xarid qilishda avvalo shu jihatga etibor qaratilishi takidlab o'tdi.
Joriy yilda Respublikamizdagi sport inshootlari uchun Jismoniy tarbiya va sportni rivojlantirish jamg'armasi mablag'lari hisobidan 90 turdagi 30 mlrd. so'mlik sport jihozlari va inventarlarini xarid qilish rejalashtirilmoqda. Ularning barchasi mahalliy ishlab chiqaruvchi korxonalardan sotib olinib, g'oliblarni aniqlashda shaffof va adolatli tizim yo'lga qo'yiladi.
Mahalliy ishlab chiqaruvchilar, sport sohasi vakillari va barcha qiziqish bildirganlar mazkur ko'rgazmada ishtirok etishdi.