«старость и настоящее время: текущая ситуация, тенденции развития и предстоящие проблемы»
Download 4.8 Mb. Pdf ko'rish
|
Конференция 13-oktyabr 2022
- Bu sahifa navigatsiya:
- KIRISH “Keksalik va hozirgi zamon: mavjud holat, rivojlanish tendensiyalari va istiqboldagi muammolar”
|
ISBN 978-9943-8745-7-2
© Oila va xotin-qizlar davlat qo‘mitasi, 2022 © «Oila va xotin-qizlar» ilmiy-tadqiqot instituti, 2022 © «Mahalla va oila nashriyoti», 2022 “Keksalik va hozirgi zamon: mavjud holat, rivojlanish tendensiyalari va istiqboldagi muammolar” mavzusidagi respublika ilmiy-amaliy konferensiya materiallari to‘plami KIRISH “Keksalik va hozirgi zamon: mavjud holat, rivojlanish tendensiyalari va istiqboldagi muammolar” mavzusidagi respublika ilmiy-amaliy konferensiya materiallari to‘plami 4 Nodira Egamberdiyeva, Oila va xotin-qizlar davlat qo‘mitasi raisi o‘rinbosari, pedagogika fanlari doktori, professor Assalomu alaykum, anjuman qatnashchilari! Barchangizga ma’lumki, mamlakatimizda olib borilayotgan ijtimoiy siyosatning asosiy maqsadlaridan biri keksa avlod vakillarini ijtimoiy qo‘llab-quvvatlash, ularning ijtimoiy faolligini oshirish, ularda sog‘lom turmush tarzini shakllantirish hisoblanadi. Keksalarni e’zozlash, ularga munosib hurmat ko‘rsatish masalasi Yangi O‘zbekistonda davlat siyosatining ustuvor yo‘nalishi sifatida qaralmoqda. Keyingi yillarda amalga oshirilgan o‘zgarishlar natijasida keksa avlod vakillarining moddiy va maishiy sharoitlari yaxshilandi, ularning jamiyatdagi nufuzi oshdi. Ijtimoiy barqarorlikni ta’minlashda nuroniy otaxon va onaxonlarimizning ulkan tajribasidan unumli foydalanib, ma’naviy muhit barqarorligida hamda yosh avlodni tarbiyalashda ularning ishtiroki ortib bormoqda. Statistik ma’lumotlarga ko‘ra, 2022-yilning boshiga kelib O‘zbekistonda aholining 60 yoshdan katta qismi, ya’ni keksalarning umumiy soni 3,103,423 nafarni tashkil etdi. Agar keksalarning umumiy aholi sonidagi ulushiga e’tibor qaratiladigan bo‘lsak, bu miqdor 8,8 foizni tashkil etadi. Keksalarning 1,688,984 nafari, ya’ni 55,6 foizi esa ayollar hisobiga to‘g‘ri keladi. Keksalarni yosh toifalari bo‘yicha tahlil qiladigan bo‘lsak, ularning 42 foizini 60- 64 yosh oralig‘idagi, 26 foizini 65-69 yoshdagi, 16 foizini 70-74 yoshli toifa, 8 foizini 75-79 yoshli, 5 foizini 80-84 yoshgacha bo‘lgan hamda qolgan 2 foizini 85 yosh va undan katta bo‘lgan keksalar tashkil etadi. Xalqimizda keksalar haqida “Qarisi bor uyning – parisi bor”, “Qari kelsa oshga, yosh kelsa ishga”, “Qarilikni donolik bezar”, “Keksalar izzatda, yoshlar xizmatda”, “Qariyalar – xonadonlarimizning fayzi va farishtasi”, “Qari bilganini pari bilmas”, “Har keksada bir naql” kabi hikmatli iboralar ko‘p uchraydi. Mana shu iboralarning hayotimizda keng tarqalganligi azal-azaldan O‘zbekistonda jamiyat hayotida aholining bu yoshi ulug‘ qismi katta obro‘-e’tiborga sazovor bo‘lganligi, ijtimoiy hayotdagi ularning tutgan o‘rni naqadar salmoqli ekanligidan dalolat beradi. So‘nggi yillarda Davlatimiz rahbari boshchiligida olib borilayotgan islohotlar natijasida keksa va nuroniylarning ijtimoiy faolligini oshirish va ularni har tomonlama qo‘llab-quvvatlash maqsadida qator institutsional o‘zgarishlar amalga oshirildi. |
