«старость и настоящее время: текущая ситуация, тенденции развития и предстоящие проблемы»

“Keksalik va hozirgi zamon: mavjud holat, rivojlanish tendensiyalari va istiqboldagi muammolar” 
mavzusidagi respublika ilmiy-amaliy konferensiya materiallari to‘plami
5
Jumladan, mahalla va nuroniylarni qo‘llab-quvvatlashga oid 10 dan ortiq qonunchilik 
hujjati (1 ta qonun, O‘zbekiston Respublikasi Prezidentining 5 ta Farmoni va Qarori, 
O‘zbekiston Respublikasi Vazirlar Mahkamasining 4 ta qarori) qabul qilindi, 16 ta 
normativ-huquqiy hujjatlar takomillashtirildi.
Mazkur chora-tadbirlarning amalga oshirilishi keksalar va faxriylarni yosh avlodni 
tarbiyalashga qaratilgan ijtimoiy faoliyatga jalb etishga, ularning ijtimoiy faolligini 
qo‘llab-quvvatlashga, mamlakat ijtimoiy-siyosiy hayotidagi ishtirokini ta’minlash 
sohasidagi davlat siyosatini amalga oshirishda keksa yoshdagi odamlar, imkoniyati 
cheklangan shaxslar va yolg‘iz keksalarning turmush sharoitlari va sifatini oshirish 
uchun qo‘shimcha shart-sharoitlar yaratish, manzilli ijtimoiy himoyani kuchaytirish 
va ularga ko‘rsatiladigan yordam turlarini kengaytirishda katta ahamiyat kasb etadi.
Ushbu o‘tkazilayotgan konferensiyaning maqsadi – keksalarning ijtimoiy faolligi, 
ularning foydalanilmagan potensialidan samarali foydalanish, ularni huquqiy, 
ijtimoiy, tibbiy, psixologik qo‘llab-quvvatlash, keksalar yoshi bilan bog‘liq jahonda 
kuzatilayotgan ijtimoiy-demografik tendensiyalar borasidagi dolzarb masalalarni 
muhokama qilish, bu borada faoliyat olib borayotgan amaliyotchi-mutaxassis hamda 
ekspertlarning fikr-mulohazalarini o‘rganish, keksalar, avlodlararo munosabatlar, 
demografiya va sotsiogerontologik yo‘nalishlarda olib borilayotgan ilmiy tadqiqotlar 
natijalari bilan tanishtirish, aholi o‘rtasida keksalarni e’zozlash, ularning hayotiy va 
kasbiy tajribalaridan samaradi foydalanishni targ‘ib qilish, mazkur masalalar bo‘yicha 
tajriba almashish, ularning natijalari asosida taklif va tavsiyalar ishlab chiqishdan 
iborat.
Umid qilamanki, “Keksalik va hozirgi zamon: mavjud holat, rivojlanish 
tendensiyalari va istiqboldagi muammolar” mavzusida respublika ilmiy-amaliy 
konferensiya yakunida bildiriladigan taklif va tavsiyalar mamlakatimizda keksalarga 
oid davlat siyosatni takomillashtirishga, uni yanada sifatiy darajaga ko‘tarishga xizmat 
qiladi.
 

---