Startyor elektrodvtgatelining elektromexanik tavsifnomasi ish o`tkazishdan maqsad

2. Startyorni to`la tormozlangan holda tekshirish

Startyorlarning elektr zanjirlardagi nosozlikliklarni aniqlash uchun ularni to`la tormozlangan holda tekshiriladi. Sinov davomida startyor iste’-mol qilayotgan tok, burovchi moment va startyor qisqichlaridagi kuchlanish o`lcha-nadi. Sinov natijalarida olingan ma’lumotlar tekshirilayotgan startyorning texnik tavsifnomasidagi ko`rsatkichlar bilan solishtiriladi va startyorning elektr zanjirlarining holati haqida xulosa chiqariladi. Xususan:

- agar startyor iste’mol qilayotgan tok texnik tavsifnomada ko`rsatil-gandan katta, burovchi moment esa kichik bo`lsa, bu yakor yoki uyg’otish chulg’amlarida nosozlik borligining belgisidir ;
- agar burovchi moment va startyor iste’mol qilayotgan tok texnik tavsif-nomada ko`rsatilgandan past bo`lsa (akkumulator batareyasi to`la zaryadlangan holda) - bu startyorning ichki elektr zanjirlarida va cho`tka bilan kollektor orasida kontaktlar yaxshi emasligidan dalolat beradi ;
- agar startyor qisqichlaridagi kuchlanish texnik tavsifnomada ko`rsatilgan qiymatdan past bo`lsa - bu akkumulator sig’imining kamayganligini yoki startyorning tashqi elektr zanjirlarida kontakt yaxshi emasligini bildiradi.
532-M belgili qurilma yordamida startyorni to`la tormozlangan holda tek-shirish quyidagi tartibda amalga oshiriladi:
- startyor prizma yordamida qurilma stoliga o`rnatilib, qisuvchi moslama 1 bilan mahkamlab qo`yiladi (3.1, a-rasm).
- qurilma stolidagi maxsus uyachaga dinamometr 1 (3.2-rasm) o`rnatiladi, uning pishangi 2 startyor shesternyasi 3 ning 4-5 tishiga kiygiziladi ;
- qurilma almashlab ulagichlari quyidagi holga keltiriladi (1.1-rasm):

• 
  kuchlanish almashlab ulagichi - "12V"
  
• 
  yuklama almashlab ulagichi - "B" tekshirish
  
• 
  voltmetr almashlab ulagichi - "RN-20V"
  
• 
  ampermetr almashlab ulagichi - "2000 A"
  
• 
  "rele" qisqichidagi o`tkazgichni olib "ST/torm/" qisqichiga ulanadi.
  

- startyorni ishga tushirish tugmasini 3-5 sekundga bosib, tezlik bilan ampermetr, dinamometr va voltmetr ko`rsatkichlari yozib olinadi;
- sinov natijasida olingan ma’lumotlar hisobotdagi jadvalga yozib qo`yi-ladi;
- tajriba ma’lumotlari bilan tekshirilayotgan startyorning texnik tav-sifnomasidagi ko`rsatkichlar solishtiriladi va startyorning texnik holati haqida xulosa chiqariladi, hisobotga yozib qo`yiladi.