Strukturalashgan ma’lumotlar bazasini shakllantirishda produktsion bilimlar bazasini ishlab chiqish algoritmlari

FOYDALANILGAN ADABIYOTLAR RO‘YXATI 29

KIRISH

Dissertatsiya mavzusining asoslanishi va uning dolzarbligi. Jahon miqyosidagi murakkab jarayonlarni va mamlakatimiz bosib o‘tgan taraqqiyot natijalarini chuqur tahlil qilgan holda keyingi yillarda “Inson qadri uchun” tamoyili asosida xalqimizning farovonligini yanada oshirish, iqtisodiyot tarmoqlarini transformatsiya qilish va tadbirkorlikni jadal rivojlantirish, inson huquqlari va manfaatlarini so‘zsiz ta’minlash hamda faol fuqarolik jamiyatini shakllantirishga qaratilgan islohotlarning ustuvor yo‘nalishlarini belgilash maqsadida va keng jamoatchilik muhokamasi natijasida “Harakatlar strategiyasidan — Taraqqiyot strategiyasi sari” tamoyiliga asosan ishlab chiqilgan yettita ustuvor yo‘nalishdan iborat 2022 — 2026-yillarga mo‘ljallangan Yangi O‘zbekistonning taraqqiyot va uni “Inson qadrini ulug‘lash va faol mahalla yili”da amalga oshirishga oid davlat dasturi tasdiqlangan [1].
O‘zbekiston Respublikasi Prezidentining 28. 01. 2022 yildagi PF-60-sonli “2022 — 2026 yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi Farmonining Mamlakatimiz xavfsizligi va mudofaa salohiyatini kuchaytirish, ochiq, pragmatik va faol tashqi siyosat olib borishga bag‘ishlangan VII yo‘nalishidagi bir nechta bandlarida AKT sohasida axborot xavfsizligini taʼminlashga qaratilgan vazifalarni yechish hamda Vazirlar Mahkamasining «Butunjahon internet tarmog‘ida axborot xavfsizligini yanada takomillashtirish chora-tadbirlari to‘g‘risida” 2018 yil 5 sentyabrdagi 707-son qarori hamda mazkur faoliyatga tegishli boshqa meʼyoriy-huquqiy hujjatlarda belgilangan vazifalarni amalga oshirishda ushbu dissertatsiya tadqiqoti muayyan darajada xizmat qiladi.
Ilmiy tadqiqot ishining obyekti va predmetining belgilanishi. Ushbu ilmiy tadqiqot ishining obyekti ishlab chiqarish bilimlari bazasini yaratish sharoitida tuzilgan ma’lumotlar bazasini shakllantirish algoritmlarini ishlab chiqishdir. Ishlab chiqarish bilimlari bazasi deganda ishlab chiqarish muhitida qarorlar qabul qilishni qo‘llab-quvvatlash va operatsion samaradorlikni oshirish uchun foydalaniladigan tashkil etilgan ma’lumotlar va tajribalar ombori tushuniladi. Tadqiqot predmeti ishlab chiqarish bilimlari bazasini ishlab chiqish va uni tuzilgan ma’lumotlar bazasiga integratsiyalash jarayonida qo‘llaniladigan usul va usullardir.