Sud xatkeriniń málim etiwinshe, S. Perdebaev ayıplaw sheshiminde kórsetilgen mánzilde namálim orınǵa ketip qalǵan

Sud baslıǵı K.T.Allambergenov

QARAR

2020 jıl 3 sentyabr kúni Nókis qalası hákimshilik sudında sudya Allambergenov Kewlimjay Turdıbaevich basshılıǵında xalıq másláhátshileri Dúysenbaev Iqlas Sársenbaevich, Qurbanbaev Saylawbay Bayjanovich qatnasıwında, Qasimov Bahadır Batirovich xatkerilginde,ashıq sud májlisi bolıp ótti.

Sud 1991 jılda tuwılǵan, milleti qaraqalpaq, Ózbekstan Respublikası puqarası, maǵlıwmatı orta, aldın sudlanbaǵan, boydaq, jeke tártiptegi miynet iskerligi menen shuǵıllanıwshı Nókis qalası 22-kishi rayon 9B-jay 2-uyde jasawshı Sadiqov Farhad Aman ulına qarata Mámleketlik salıq inspekciyası (bunnan keyin MSI) tárepinen Ózbekstan Respublikası Hákimshilik juwapkershilik haqqındaǵı Kodeksi (bunnan keyin HJhK) 186-statyasınıń 1-bólimine tiykarlanıp qozǵatılǵan hákimshilik isi kórip shıǵıp tómendegilerdi

anıqladı:

2020-jıl 9 avgust kúni Nókis qalası MSI xizmetkerleri Nókis qalası 22-kishi rayonında jaylasqan “ARZAN SAWDA” jeke menshik sawda dúkanında baqlaw tártibinde tekseriw ótkerilgende qaǵıydabuzar F.A.Sadiqov akciz markası bolmaǵan 968 000 sumlıq 110 qutı temeki ónimlerin sawdaǵa qoyǵanlıǵı anıqlandı hám bul haqqında belgilengen tártipte dalalatnama dúzilip, kórsetilgen muǵdardaǵı ónim dáliyliy qural sıpatında alıp qoyıldı.

Sud dúzilgen dalalatnama, bayanlama, túsinik xatları hám iske baylanıslı toplanǵan basqa materiallar menen tanısıp shıǵıp, F.A.Sadiqovtıń usı is-háreketleri tastıyıǵın tapqan dep esaplaydı.

Sud F.A.Sadiqovtıń is-háreketleri etil spirtli, alkogollı ónim hám temeki ónimin nızamsız ráwishte islep shıǵarıw yáki mámilege kiritiwdi kórsetetuǵın ÓzR HjhK 186¹-statyası menen tuwrı belgilengen dep esaplaydı.

Sud joqarıdaǵılardı esapqa alıp hám ÓzR HJhK 309-311-statyaların qollap

qarar etedi:

1. 
   Qaǵıydabuzar Sadiqov Farhad Aman ulı ÓzR HJhK 186¹-statyası menen ayıplı dep tabılsın ham oǵan sol statyaǵa tiykarlanıp bazalıq esaplaw muǵdarınıń eliw esesi muǵdarında, yaǵnıy 11 150 000 (on bir million bir júz eliw mıń) sum járiyma salınsın
   
2. 
   Dáliyliy material sıpatında alınǵan 968 000 sumlıq temeki ónimleri mámleket paydasına konfiskaciya etilsin
   

Qarardan narazı tárep 20 kún múddet ishinde apellaciya tártibinde, 1 ay múddet ishinde kassaciya tártibinde usı sud arqalı Qaraqalpaqstan Respublikası hákimshilik sudına shaǵım etiwge haqlı.