Sud xatkeriniń málim etiwinshe, S. Perdebaev ayıplaw sheshiminde kórsetilgen mánzilde namálim orınǵa ketip qalǵan

Jınayat isin qozǵatıw haqqında

QARAR

2020 jıl 29 oktyabr Kegeyli rayonı

Men – Kegeyli rayonı IIB TB tergewshisi, leytenant Yaqıpbaev Uluǵbek Kamalatdinovich Qurbanov Jalalatdin Reypnazarovichke qarata Ózbekstan Respublikası Jınayat kodeksi (bunnan keyin ÓzR JK) niń 169-statyası 2-bólimi “b” hám “v” bántlerinde belgilengen jınayat isi boyınsha toplanǵan materiallar menen tanısıp shıǵıp tómendegilerdi

ANÍQLADÍM:

Kegeyli rayonı “Júzimbaǵ” APJ ındaǵı “Doslıq” awılında jasaytuǵın puqara J.Qurbanov paydalı miynet penen shuǵıllanbastan, qastan ózgeniń mal-múlkin jasırın ráwishte talaw maqsetinde bir topar shaxslar menen til biriktirip, qastan urlıq jınayatın ámelge asırǵan.

J.Qurbanov óziniń awıllasları Turdımuratov Jalǵas hám Jienbaev Nursultanlar menen jasırın ráwishte jınayıy til biriktirip, 2020 jıl 21 sentyabr kúni saat shama menen 22:30 larda Kegeyli rayonı Júzimbaǵ APJ “Qos qala” awılında jasawshı Djaliev Sársenbay Qalıbaevichke tiyisli 2016 jılı Ózbekstanda islep shıǵarılǵan “Chimgan” kompaniyasına tiyisli, bahası 4 500 000 bolǵan, CR-600 markalı mineral tógin sebiwshi awıl xojalıq texnikasın onıń úy qaptalınan urlaǵan hám J.Turdımuratovqa tiyisli bolǵan qoymaǵa jasırǵan. 2020 jıl 25 sentyabr kúni bolsa bul texnikanı urlaǵanın aytpastan Júzimbaǵ APJ “Doslıq” awılında jasawshı Oralbaev Meńlimuratqa 1 000 000 sumǵa satıp jibergen hám bul puldı ózleriniń mútájliklerine sarıplaǵan.

Bul hádiysede jınayat belgileri bar ekenligi hám bunday jaǵdayda dáslepki tergew ótkeriw májbúriyligin názerde tutıp, Ózbekstan Respublikası JPKniń 37, 321, 322-statya 2-bándi, 330-statya 1-bándi, 331-statyalarǵa tiykarlanıp,

QARAR QÍLDÍM:

1. 
   Puqara Qurbanov Jalalatdin Reypnazarovich ózgeniń mal-múlkin jasırın ráwishte talan taraj etiw halatı boyınsha ÓzR JK 169-statyasıniń 2-bólimi “b” hám “v” bándleri menen jınayat isi qozǵatılsın.
   
2. 
   Dáslepki tergewdi alıp barıwǵa kirisilsin.
   
3. 
   Qarar nusqası maǵlıwmat ushın Qaraqalpaqstan Respublikası Kegeyli rayonı prokurorına jiberilsin.