Sud xatkeriniń málim etiwinshe, S. Perdebaev ayıplaw sheshiminde kórsetilgen mánzilde namálim orınǵa ketip qalǵan

Sudya S.D.Dáribaeva

AJÍRÍM

sud buyrıǵın biykar etiw haqqında

2020 jıl iyun ayınıń 15 kúni Qaraqalpaqstan Respublikası puqaralıq isleri boyınsha sudınıń sudyası Dáribaeva Sevara Dáryabaevna, sud binasında, qarızdar Qurbanbaev Saylawbay Bayjanovichtiń 2020 jıl 19 maydaǵı 117-sanlı qarız shártnaması boyınsha qarızdarlıqtı óndiriw haqqındaǵı sud buyrıǵına shaǵımı menen tanısıp,

ANÍQLADÍM:

2020 jıl 19 mayında qarızdar Qurbanbaev Saylawbay Bayjanovichtan óndiriwshi Dúysenbaev Iqlas Sársenbaevich, paydasına qarız shártnaması boyınsha qarızdarlıqtı óndiriw haqqında 117-sanlı sud buyrıǵı shıǵarılǵan.

Qarızdar Qurbanbaev Saylawbay Bayjanovich sud buyrıǵına qarata shaǵım menen sudqa múrajat qılıp, óndiriwshi menen óz ara tilxat tiykarında kelisilgeninde, onda qarızdı qaytarıwda hesh qanday payız tólemi belgilenbegenligi, tilxatta kórsetilgen múddet ishinde qarız summası tólep bolınǵanlıǵı hámde onı isbatlawshı guwa hám dáliyllerge iye ekenligin keltirip ótken.

Ózbekstan Respublikası Puqaralıq – processual Kodeksi 238⁹, 239¹⁰-statyalarına kóre, eger belgilengen múddette qarızdardan arız qılınǵan talapqa qarsı shaǵımlar tússe, sudya sud buyrıǵın biykar etip, bul haqqında ajırım shıǵaradı.

Bunday halatta, sud buyrıǵın biykar etip, óndiriwshige arız etken talabı boyınsha dawa islerin júritiw tártibinde múráját etiw múmkinligin túsindiriw lazım dep esaplayman.

Joqarıdaǵılarǵa tiykarlanıp, Ózbekstan Respublikası PPK 237-238, 238⁹, 238¹⁰-statyaların qollap,

AJÍRÍM QÍLAMAN:

2020 jıl 19 mayında qarızdar Qurbanbaev Saylawbay Bayjanovichtan óndiriwshi Dúysenbaev Iqlas Sársenbaevich paydasına qarız shártnaması boyınsha qarızdarlıqtı óndiriw haqwında 117-sanlı sud buyrıǵı biykar etilsin.

Óndiriwshige bul talap boyınsha dawa usınıw huqıqı túsindirilsin.

Ajırım nusqası táreplerge jiberilsin.

Ajırım ústinen shaǵım berilmeydi hám protest keltirilmeydi.