Sud xatkeriniń málim etiwinshe, S. Perdebaev ayıplaw sheshiminde kórsetilgen mánzilde namálim orınǵa ketip qalǵan

AJÍRÍM

2020 jıl 16 may kúni Jınayat isleri boyınsha Nókis qalası sudında sudya Allambergenov Kewlimjay Turdıbaevich basshılıǵında xalıq másláhátshileri Dúysenbaev Iqlas Sársenbaevich, Qurbanbaev Saylawbay Bayjanovich qatnasıwında, Qasimov Bahadır Batirovich xatkerilginde, tárepler — Nókis qalası prokurorı aǵa járdemshisi Jalǵasbaev Aqılbek Jenisovich , advokat Qalbaeva Feruza Temirbaevich qatnasıwında ashıq sud májlisi bolıp ótti.

Sud Ózbekstan Respublikası Jınayat kodeksi (bunnan bılay ÓzR JK) 164-statyasınıń 2-bólimi “a”, “b” “v” bándleri hám 3-bólimi “v” bándi menen ayıplanıp atırǵan Perdebaev Sultan Boranbaevichtıń 528-sanlı (prokuraturada 1501-sanlı) jınayat isin kórip shıǵıp tómendegilerdi

anıqladı:

Dáslepki tergewde S.Perdebaev 2018 jıl 13 iyul kúni saat shama menen 18:30 larda birewlerdiń mal-múlkin talan-taraj etiw maqsetinde bir topar shaxslar: Z.Muradov, N.Sarsenov, A.Dawletovlar menen aldınnan til biriktirip, Nókis qalası 22-kishi rayonında jaylasqan “Brilliand” jeke menshik zergerlik dúkanına kirip, onıń satıwshısı S.Narıbaevanı xojalıq pıshaǵı járdeminde ómir ushın qáwipli bolǵan zorlıq isletiw menen qorqıtıp, onıń pulları saqlanatuǵın qutıshasınan 35 000 000 sum pulın, ulıwma bahası 17 000 000 sum bolǵan zergerlik buyımların basqınshılıq jolı menen alıwda ayıplanǵan.

Bitaq dáslepki tergew processinde S.Perdebaevtan abaylaw shárası sıpatında den sawlıǵın esapqa alǵan halda úy qamaǵı qollanılǵan.

Bul jınayıy isti sudda kórip shıǵıw 2019 jıldıń 26 avgust kúni saat 10:00 ge tayınlandı. Biraq tiyisli tártipte xabardar etilgen sud májlisine kelmedi.

Sud xatkeriniń málim etiwinshe, S. Perdebaev ayıplaw sheshiminde kórsetilgen mánzilde namálim orınǵa ketip qalǵan.

Soǵan muwapıq sud S.Perdebaevqa qarata ÓzR JPKniń 399, 400, 420, 422-statyaların qollap, jınayat isi júritiwdi toqtatıwdı, oǵan qıdırıw járiyalawdı, abaylaw sharasın ózgertirip, qamaqqa alıwdı, qıdırıw sháraların kóriw ushın ayıplaw sheshimin tastıyıqlaǵan prokurorǵa jiberiwdi lazım tabadı.

Aytılǵanlarǵa tiykarlanıp hám ÓzR JPKniń 423-statyasın qollap sud tómendegishe

ajırım qıladı:

1. 
   1963-jıl 11-martta tuwılǵan, milleti qaraqalpaq, Ózbekstan Respublikası puqarası, aldın sudlanbaǵan, Qaraqalpaqstan Respublikası Nókis qalası 22-kishi rayon 11A-jay, 3-úyinde jasawshı Perdebaev Sultan Boranbaevichke qarata qıdırıw járiyalansın.
   
2. 
   Abaylaw shárası ózgertirilip, S.Perdebaev qamaqqa alınsın hám bul haqqında Jınayat isleri boyınsha Nókis qalası sudına xabar berilsin.
   
3. 
   S.Perdebaevqa qarata ÓzR JK 164-statyası 2-bólimi “a”, “b” “v” bándleri hám 3-bólimi “v” bándi menen qozǵatılǵan jınayat isi toqtatılsın.
   
4. 
   Jınayat isi baqlaw ushın ajırım menen birgelikte ayıplaw sheshimin tastıyıqlaǵan prokurorǵa jiberilsin.
   
5. 
   Ajırımdı orınlaw Nókis qalası IIB JQB baslıǵı moynına júkletilsin.