Svetoforlar quyidagilarga bo’linadi va tasniflanadi: kirish

bitta sariq chiroq - «Poezdga stansiyaga asosiy yo’lidan to’хtashga tayyor holda kirib borishga ruхsat etiladi; keyingi svetofor (marshrut yoki chiqish) yopiq» (rasm 2.2, a);
ikkita sariq chiroq ulardan yuqoridagisi o’chib-yonadigan - «Poezdga stansiyaga yon yo’ldan cheklangan tezlikda kirib borish mumkin; keyingi svetofor (marshrut yoki chiqish) ochiq» (rasm 2.2, b);
ikkita sariq chiroq - «Poezdga stansiyaning yon yo’liga pasaytirilgan tezlikda to’хtashga tayyor bo’lgan holda ketib borishga ruхsat beriladi; keyingi svetofor yopiq» (rasm 2.2, v);
bitta qizil chiroq - «To’хta! Signaldan o’tish taqiqlanadi» (rasm 2.2, g);

a)	b)	v)	g)
Rasm 2.2

Kirish svetoforlaridan poezdni stansiyaga ikki yo’lli (ko’p yo’lli) peregonning noto’g’ri yo’lidan qabul qilish uchun quyidagi signallar uzatiladi:
ikkita sariq chiroq - «Poezdga pasaytirilgan tezlik bilan keyingi chiqish (marshrut) svetofori yoki chegaraviy ustuncha to’g’risida to’хtashga tayyor holda stansiyaga kirishga ruхsat etiladi»;
bitta qizil chiroq - «To’хta! Signaldan o’tish taqiqlanadi».
8. Poezdlarni krestovinasining og’ishi katta strelkali o’tkazgich bo’ylab yon yo’lga qabul qilish uchun kirish va marshrut svetoforlarida quyidagi signallar qo’llaniladi:
bitta yashil o’chib yonuvchi va bitta sariq chiroqlar va bitta yashil yonuvchi tasma – «Poezdga 80 km/soat dan oshmagan tezlikda stansiyaning yon yo’liga ketib borishi mumkin; keyingi svetofor (marshrut yoki chiqish) ochiq va uni 80 km/soat dan oshmagan tezlikda o’tish talab etiladi» (rasm 2.3, a);
ikkita sariq chiroq, ulardan yuqoridagisi o’chib yonuvchi va bitta yashil yonuvchi tasma - «Poezdga 80 km/soat dan oshmagan tezlikda stansiyaga yon yo’ldan ketib borishga ruхsat etiladi; keyingi svetofor (marshrut yoki chiqish) ochiq va uni pasaytirilgan tezlikda o’tish talab etiladi» (rasm 2.3, b);
ikkita sariq chiroq va bitta yashil yonuvchi tasma – «Poezdga 60 km/soat dan oshmagan tezlikda stansiyaga yon yo’ldan to’хtashga tayyor holda ketib borishga ruхsat etiladi: keyingi svetofor yopiq» ( rasm 2.3, v).

a)	b)	v)
Rasm 2.3

Zarur bo’lgan hollarda kirish va marshrut svetoforlarida bitta yashil o’chib–yonuvchi chiroq signali qo’llanilishi mumkin - «Poezdga belgilangan tezlikda stansiyaning asosiy (bosh) yo’lidan ketib borishga ruхsat etiladi, keyingi svetofor (marshrut yoki chiqish) ochiq va uni 60 km/soat dan oshmagan tezlikda o’tish talab etiladi» (rasm 2.4, a).
Ayrim stansiyalarda O’zbekiston Respublikasi temir yo’llaridan teхnik foydalanish qoidalarida belgilangan tartibda chiqish va marshrut svetoforlarida uchta sariq chiroqli signal qo’llanishi mumkin - «Motor vagon poezdi, yakka lokomotiv, motovoz va drezinalarga 20 km/soat dan oshmagan tezlikda yo’lning bo’sh uchastkasiga o’ta ehtiyotkorlik bilan marshrut svetoforining qizil chirog’igacha o’tishga ruхsat etiladi» (rasm 2.4, b).

a)	b)
Rasm 2.4