Tabiat bilan tanishtirish metodikasi fanining predmeti, maqsadi va vazifalari. Reja

Tabiat bilan tanishtirish metodikasi fanining predmeti, maqsadi va vazifalari.
Reja:
1. Maktabgacha ta'lim tashkilotlarida tabiat bilan tanishtirish metodikasining maqsad va vazifalari.
2. Bolalarni tabiat bilan tanishtirishning metod va shakllari.
3. Jonli va jonsiz tabiat bilan tanishtirish va tabiatga ehtiyotkorona munosabatda bo‘lishga o‘rgatish.


1. Maktabgacha ta'lim tashkilotlarida tabiat bilan tanishtirish metodikasining maqsad va vazifalari.
Bolalarni har tomonlama tarbiyalashning asosi ularda ilmiy dunyo qarashni shakllantirishdan iborat. Bu vazifani amalga oshirishda tabiatshunoslikning ro`li katta.
Bolalarni tabiat bilan tanishtirishni maktabgacha yoshdan boshlamoq kerak. Shunga ko`ra murg`ak qalblarga ta`lim tarbiya berilayotgan tarbiyachilarning oldilarida eng muhim vazifalaridan biri ham bolalarning tabiat go`zalliklarini ko`ra bilishi, uni sevishi tabiatda yuz beradigan voqea-hodisalar haqida to`g`ri tushunchaga ega bo`lishi, qolaversa tabiat yaratgan boyliklardan oqilona foydalanish ruhida tarbiyalashdan iborat bo`lmog`i lozim.Tabiat bilan tanishtirish metodikasi faninig asosiy maqsadi bolalarni tabiat bilan tanishtirish orqali jonli va jonsiz tabiat haqida to`liq ma`lumot berish, maktabgacha talim tashkilotlarida va oilada bolalarni tabiat bilan tanishtirish maqsadida o`tkaziladigan metod va shakllarni o`rganishdir.
Fanning vazifasi maktabgacha talim yoshida bolalarni tabiat bilan tanishtirish jarayonida ularga ta`lim tarbiya berish vazifalarini amalga oshirish, bolalarda tabiat hodisalari, o`simlik hayvon hamda insonga bo`lgan muhabbat haqidagi tushunchalarini kengaytirish, oddiy ko`nikmalarni hosil qilish, so`z boyligini oshirish va yangi tushunchalarni hosil qilishdan iborat.
Tabiatga nisbatan - aqliy, estetik munosabatlar - bola tomonidan o‘zlashtirilayotgan bilimlarning mazmuni bilan yaqindan bog‘liqdir. Tabiat bilan tanishtirish mazmun bilan bog‘liq bo‘lgan bilim tabiatda bolalar faoliyatini va ularning o‘zini tuta bila olishi, intizomini boshqarib turadi va maqsad sari yo‘naltiradi. Tabiatga bo‘lgan munosabatni shakllantirishda bolalar idrokiga etarli darajada etib boruvchi tabiat qonunlari bo‘yicha bilim alohida o‘rin egallaydi. Tabiatga nisbatan bo‘lgan munosabatni rivojlantirish, (mashg‘ulot, ekskursiya, sayr qilish kabi hayotiy vaziyat) bolaning ma'naviy-ijobiy, ruhiy kechinmalariga asoslangan pedogogik jarayonni tashkil qilish bilan yaqindan bog‘liq.
Tarbiyachi bolada tirik jonga nisbatan achinish, uni asrab-avaylash, jonli tabiat bilan uchrashganda undan baxra olish, quvonish, hayron bo‘lish, o‘zining qilgan ishidan mag‘rurlanish, qoniqish hissini uyg‘ota bilish kerak.Bolalarga tabiat bilan muloqotda bo‘lganda o‘zi tengdoshlari va kattalar qilgan ishlarni holashni o‘rgatish muhim ahamiyatga ega.
Tabiat bilan tanishtirish tarbiyada pedagogik jarayon oldida turgan barcha vazifalar umumlashtirilgan holda echilishi talab qilinadi, Tabiat bilan tanishtirish tarbiya vazifalari bu sohada faoliyat ko‘rsatishga tayyor sharoitda amalga oshirilishi mumkin.
Tabiat bilan tanishtirish bilimlarni tanlab olishda ilmiylik prinsipi asosiy hisoblanadi. Pedagogik madaniyatning asosini bolalar tomonidan jonli va jonsiz tabiatning o‘zaro bog‘liqligi va ularning bir butunligini tushunish tashkil qiladi. Jonsiz tabiat tirik organizmning ehtiyojini qondiruvchi manba tarzida namoyon bo‘ladi.



Masalan, baliqlar suvda hayot kechirishga moslashganlar, suv ularning shakliy tuzilishi va hayot kechirish tarzini ochib beradi.
Tuzilgan dasturlarda hayot kechirish muhiti, tirik organizm yilning mavsumlariga moslashishishni o‘rganuvchi bilimlaring mavjudligini ko‘zda tutishi lozim. Organizm bir-biri bilan o‘zaro bog‘liqdir, bir organizm ikkinchi organizm hisobiga hayot kechiradi.
Hozirgi vaqtda bolalar bilan o‘tkaziladigan mashg‘ulotlarda tabiat bilan insonning bir butun ekanligini oldinga suruvchi g‘oya to‘liq holda ochib berilishi kerak. Inson jonzot sifatida yashayotgan muhit bilan chambarchas bog‘liq holda, tabiat va insonning o‘zaro harakatlari insonning atrof-muhitga va tabiatning insonga ta'sirida namoyon bo‘ladi.