Тақырыбы: Қош бол, құтты Әліппе! Мақсаты

Тышқан: Сен маған бір ән айтып бер.
Мысық: «Еркем-ай»әніне салып айтып береді.
Менің атым мысық-ай,
Екі көзім қысық-ай.
Тышқан аулап отырамын
Сүт-көжемді ішіп-ай.
Автор: Тышқан мысыққа рахмет айтып, бір қап тары береді, мысық дәнді тауыққа береді, мысық жұмыртқаны дүкеншіге береді, дүкенші мысыққа сағыз береді, сағызды
мысық қыздарға береді, қуанған қыздар мысыққа су береді, суды мысық ағашқа құяды, шөлі қанған ағаш мысыққа жапырақ береді. Жапырақты мысық сиырға береді,
сиыр оған қатық береді, қатықты мысық Мақта қызға берді.
Мысық: Мақта қыз, қатығың міне мен енді бұзық болмаймын, айтқаныңды тыңдаймын,- деп қатықты қызға берді.
Автор: Сөйтіп Мақта қыз қатығын, мысық құйрығын қайтарып алып, екеуі тату-тәтті өмір сүрген екен.


Жүргізуші: Балалар, айтыңдаршы, оқу не үшін керек?
Балалар: Білімді болу үшін.
Жүргізуші: Алфавит дегеніміз не?
Балалар: Әріптер қатары.
(Алфавиттегі әріптер туралы тақпақтар айтылады.)
Жаннур А – Әліппе менен басталып,
Болған соң өзім бас әріп.
Мереке, дулы жиынды
Жүремін әр кез басқарып.

Наргиза Ә - Бас әріпке інімін,

Дауыстының бірімін.
Ә дегенің - Әліппе,
Бастауы бар білімнің.

Арнұр Б – Басындамын, бал десең,

Бар боламын, бар десең.
Б әрине, басында
Тұрар бестік бағаның.

Диас Ғ – Ғанибет, ғибрат жанымда,

Ғылым да менде, ғалым да.
Керегіңді алып қал,
Ғажайып мынау шағында.

Сабина Д – Дария- дарқан, даламын,

Дарамын да данамын.
Добы да боп кетемін,
Ойынқұмар баланың.

Бақберген И – Инабат пен ибада,

Ол тұрады алдында.
Күллі адамзат сыйлаған,
Имандылық бар мұнда.

Диляра Й – Апаға қоссаң, апаймын,

Атаға қоссаң, атаймын.
Дауыстыдан кейін кеп,
Шолақ «Й» боп атандым.

М – Мен, мен деген, мен деген,

Мейірімі мол деген.
Мұрасы мол әріппін,
Малмен берер елге дем.

Н – Нардың нары – үлегі,

Нарын құмда жүреді.
Нартәуекел! – деп атам,
Нарүлекке мінеді.
Мені білген әрқашан,
Нан қадірін біледі.

Ң – Кем көре ме өзгеден,

Басталмайды сөз менен.
Ортадамын шаңғыда,
Мен шығарам шаңды да.
Соңына кеп тұра қап,
Аттырамын таңды да.

О – Отбасы, ол – Отаның,

Ошағыңмен опа көр.
Ой – отымен атаның,
Көгеріп – көктеп жатады ел.

Нурдаулет С – Сәуле болып жарық күн,

Суға да мен қарықпын.
Сөз саптайтын серке боп,
Тай тұяқтай әріппін.