Tarmoqlar iqtisodiyoti

jadval

Iste'mol narxlari indeksi, o'zgarmas vaznlarda

Diskriptor	2019- 01	2019- 02	2019- 03	2019- 04	2019- 05	2019- 06	2019- 07	2019- 08	2019- 09	2019- 10	2019- 11	2019- 12
Narxlar, istemol narx- lari indeksi, barcha mahsulotlar, jami	1,5	1,6	1,2	0,9	0,7	-0,5	-0,4	2,9	1,3	1,5	1,7	1,7
Mahsulotlar - jami	1,8	1,8	1,2	1,0	0,6	-0,8	-0,5	2,2	1,2	1,9	2,1	2,1
Oziq-ovqat mahsulotlari	2,8	2,0	1,5	1,0	0,5	-1,8	-1,3	2,3	1,4	2,8	3,0	3,3
shu jumladan:
Non mahsulotlari	2,0	0,9	0,5	1,0	0,4	0,4	0,6	1,7	1,2	8,8	3,6	1,7
Go'sht, parranda va baliq goshti	0,9	1,5	0,7	0,5	0,7	0,8	2,8	6,3	2,7	1,7	2,0	0,9
Sut mahsulotlari	3,2	3,2	1,5	1,1	0,5	0,2	0,1	1,0	1,0	1,3	1,8	1,8
Tuxum	1,3	-0,2	-1,2	-3,1	-1,1	-1,4	-3,5	3,5	8,2	7,3	12,5	7,0
Yog ' va moylar	1,6	0,7	0,3	0,4	0,1	0,1	0,0	1,0	1,0	1,1	0,8	0,4
Meva va sabzavotlar	8,3	4,0	4,5	2,4	0,4	-10,6	-11,1	-0,5	-1,1	0,1	6,5	13,7
Shakar, choy, qandolat va boshqa oziq-ovqat mahsulotlari	1,2	1,7	1,0	0,6	0,4	0,4	0,1	0,4	1,6	1,9	1,0	0,8
Alkogolsiz ichimliklar	0,0	0,0	0,4	0,7	1,5	1,4	3,0	3,1	1,2	1,0	0,2	0,9
Spirtli ichimliklar	3,7	2,3	0,0	0,2	1,4	0,7	0,4	0,5	0,5	1,3	3,4	0,5
Umumiy ovqatlanish	3,4	3,3	1,1	0,8	1,0	0,7	0,8	2,6	1,8	1,7	2,4	1,5

Manba: www.stat.uz

Аlbаttа, “rеаl dаrоmаdlаr оshishi bilаn istе′mоlchilаrning оziq-оvqаt mаhsulоtlаrigа sаrf-хаrаjаtlаri hаm оshаdi. Оdаmlаrdа yaхshirоq оvqаtlаnish imkоniyati pаydо bo`lаdi. Аmmо dаrоmаd оshishi tа′siridа оziq-оvqаt mаhsulоtlаrigа sаrf-хаrаjаtlаr оshishining mа′lum bir chеgаrаsi mаvjud. Mа′lum bo`lishichа, аhоli dаrоmаdlаri оshishigа qаrаmаy, оziq-оvqаtlаrgа аjrаtilаdigаn хаrаjаtlаr kаmаyish tеndеnцiyasigа egа ekаn³”.

Mа′lumоtlаrgа ko`rа, АQSHdа 1929-1991 yillаr оrаlig`idа аhоli jоn bоshigа rеаl dаrоmаdlаr 175 %gа оshgаni hоldа оziq-оvqаt mаhsulоtlаri istе′mоli hаjmi 85

%gа оshgаn⁴, ya′ni 2,05 mаrtаgа fаrq qilgаn. Nаrхlаr nisbаtidаgi o`zgаrishlаr nаtijаsidа qimmаt tоvаrlаrni аrzоn tоvаrlаr bilаn аlmаshtirishgа mоyillik tа′siridа yuzаgа kеlаdigаn “аlmаshtirish sаmаrаsi” tа′siridа qo`shimchа оziq-оvqаt birligini istе′mоl qilishdаn оlinаdigаn chеkli nаflilik kаmаyib bоrishi shаrоitidа sоtish hаjmini ko`pаytirish mаqsаdidа nаrхlаrning аrzоnlаshtirilishi qishlоq хo`jаligi mаhsulоtlаrigа tаlаbning sеzilаrli dаrаjаdа оshishigа оlib kеlmаydi.

To`rtinchidаn, tаrtibgа sоlinmаydigаn bоzоr iqtisоdiyoti shаrоitidа iqtisоdiyotning mоnоpоllаshgаn tаrmоqlаridа nаrхlаr sоf rаqоbаtli bоzоrgа yaqin bo`lgаn аgrаr tаrmоqdаgigа nisbаtаn tеzrоq o`sаdi. Ilmiy аdаbiyotlаrdа qishlоq хo`jаligi mukаmmаl (sоf) rаqоbаtli bоzоr mоdеligа eng mоs kеluvchi tаrmоqlаrdаn biri sifаtidа qаrаlаdi⁵. Bu turdаgi bоzоrlаrdа ishlаb chiqаruvchilаr (sоtuvchilаr) mukаmmаl rаqоbаtchilаr sifаtidа o`zаrо kеlishib nаrх bеlgilаsh imkоnigа egа emаslаr vа bоzоr kоn′yunkturаsi аsоsidа shаkllаngаn nаrхlаr dаrаjаsi bilаn qаnоаtlаnishgа mаjbur.

Аgrаr tаrmоqqа mоddiy-tехnikа rеsurslаri yеtkаzib bеruvchi, turli хizmаtlаr ko`rsаtuvchi vа qishlоq хo`jаligi mаhsulоtlаrini qаytа ishlоvchi sаnоаt kоrхоnаlаri, shuningdеk, mаhsulоtlаrni fеrmеr vа dеhqоnlаrdаn ulgurji nаrхlаrdа sоtib оluvchi sаvdо-tаyyorlоv kоrхоnаlаri hududlаrdа kаmchilikni tаshkil etib, ko`pinchа

³ Самуэльсон, Пол Э., Нордхаус, Вильям Д. Макроэкономика, 18-е издание: пер. с англ. – М.: ООО «ИД Вильямс», 2009. – с. 96.

⁴ Bradley R. Schiller. The Economy today. - 5 th ed. – New York. The McGraw-Hill Companies, Inc., 1991. P. 705.

⁵ Bradley R. Schiller. The Economy today. - 5 th ed. The McGraw-Hill Companies, Inc. New York, 1991. P. 703-704.

mоnоpоl mаvqеgа egаligi bilаn tаvsiflаnаdi. Nаtijаdа, bir tоmоndаn, qishlоq хo`jаligi tоvаr ishlаb chiqаruvchilаri mоddiy-tехnikа rеsurslаri vа хizmаtlаr uchun qimmаt nаrхlаrdа hаq to`lаshgа mаjbur bo`lsа, ikkinchi tоmоndаn qishlоq хo`jаligi mаhsulоtlаrini qаytа ishlаsh kоrхоnаlаri vа ulgurji sаvdо-tаyyorlоv tаshkilоtlаrigа аrzоn nаrхlаrdа tоpshirishgа mаjbur bo`lаdi. Оqibаtdа qishlоq хo`jаligi mаhsulоtlаri nаrхlаri bilаn tаrmоqdа ishlаtilаdigаn mоddiy-tехnikа rеsurslаri vа хizmаtlаr nаrхlаri o`rtаsidа “yirik dispаritеt” vujudgа kеlаdi.

Хulоsа qilib аytgаndа, yuqоridа kеltirilgаn vа bоshqа qishlоq хo`jаligigа хоs bo`lgаn оmillаr аgrаr vа оziq-оvqаt bоzоrlаrini turli usul, mехаnizm vа dаstаklаr оrqаli dаvlаt tоmоnidаn tаrtibgа sоlish vа qo`llаb-quvvаtlаshni оb′еktiv zаrurаtgа аylаntirаdi. Аlbаttа, аgrаr sеktоrni tаrtibgа sоlib turish to`g`risidа fikr yuritgаndа, dаvlаtning аgrаr ishlаb chiqаrish fаоliyatigа to`g`ridаn-to`g`ri аrаlаshuvi emаs, bаlki turli mехаnizmlаr vа dаstаklаr оrqаli tоvаr ishlаb chiqаruvchilаr fаоliyatigа bеvоsitа yoki bilvоsitа tа′sir o`tkаzishi hаqidа gаp bоrаyotgаnini unutmаslik lоzim.

6. O’zbekistonda bozor muvozonatini ta’minlash yo’llari

Bozor iqtisodiyotining yuqorida tilga olingan belgilari uzoq davr davomida shakllanib, pirovard natijada yaxlit ijtimoiy tizimni tashkil qiladi. Bunda bozor iqtisodiyotiga o’tish yo’llari (modellari) xilma-xil bo’lib, ularning umumiy va xususiy tomonlari farqlanadi.

Jahon tajribasida bozor iqtisodiyotiga o’tishning barcha yo’llari umumiylashtirilib, quyidagi uchta asosiy tipga bo’linadi:

1. 
   Rivojlangan mamlakatlar yo’li;
   
2. 
   Rivojlanayotgan mamlakatlar yo’li;
   
3. 
   Sobiq sosialistik mamlakatlar yo’li.
   

Bu yo’llarning umumiyligi shundaki, ular hammasi bozor iqtisodiyotiga o’tishni maqsad qilib qo’yadi va mazkur iqtisodiyotning qonun-qoidalari, amal qilish mexanizmi ko’p jihatdan umumiy bo’ladi. Shu bilan birga har bir yo’lning

o’ziga xos xususiyatlari ham bor, bu esa bozor munosabatlarini shakllantirishning ijtimoiy-iqtisodiy, tarixiy, milliy sharoitlari har xil bo’lishidan kelib chiqadi.

Masalan, bozor munosabatlariga o’tishning g’arbcha modeli (rivojlangan mamlakatlar yo’li)da oddiy tovar xo’jaligidan erkin raqobatga asoslangan klassik yoki erkin bozor iqtisodiyotiga va undan madaniylashgan bozor iqtisodiyotiga o’tiladi.

Mustamlakachilikdan ozod bo’lib, mustaqil rivojlanayotgan mamlakatlarning bozor iqtisodiyotiga o’tish yo’lining xususiyati-bu qoloq, an’anaviy iqtisodiyotdan erkin bozor iqtisodiyotiga o’tishdir. Nihoyat, sobiq sosialistik mamlakatlar yo’lining muhim belgisi markazlashtirilgan, ma’muriy – buyruqbozlikka asoslangan iqtisodiyotdan hozirgi zamon rivojlangan bozor tizimiga o’tishdan iboratdir. Bu yo’lning boshqa yo’llardan farqi shundaki, totalitar iqtisodiyotning bozor iqtisodiyoti bilan umumiyligi yo’q, ular batamom bir-biriga zid. Shu bilan birga uchinchi yo’lda bozor munosabatlariga o’tayotgan mamlakatlarning o’zi o’tish sharoitlari, iqtisodiy rivojlanish darajasi, mulkchilik va xo’jalik yuritish shakllari bilan bir-birlaridan farqlanadi. Bularning hammasi bozor iqtisodiyotiga o’tishning mazkur yo’lining o’ziga xos xususiyatlaridir.

Markazlashgan ma’muriy-buyruqbozlikka asoslangan iqtisodiyotdan bozor iqtisodiyotiga o’tishda maqsad bir xil bo’lsa-da, turli mamlakatlar turli yo’llarni tanlashlari mumkin. Hammaga ma’lumki, bir tizimdan ikkinchi tizimga o’tishda ikki yo’l, ya’ni revolyusion va evolyusion yo’llar mavjud. Pol’sha, Chexoslovakiya, Rossiya va boshqa ayrim mamlakatlar bozor iqtisodiyotiga o’tishning revolyusion yo’lini, birdaniga katta to’ntarishlar qilish yo’lini tanladilar. Boshqacha aytganda ular «karaxt qilib davolash» degan usulni qo’lladilar. Bu yo’lni amalga oshirish uchun Rossiyada «300-kun», «500-kun» degan o’tish dasturlari ishlab chiqildi. Bu dasturlarni tezkorlik bilan amalga oshira boshladilar. Bunda ular bir tizimdan ikkinchi tizimga o’tishda ancha uzoq muddatli o’tish davri bo’lishini unutdilar. Natijada bu mamlakatlarda ishlab chiqarish hajmi keskin tushib ketdi, ko’plab korxonalar yopilib, ishsizlar soni ko’paydi, pulning qadri keskin pasayib ketdi, iqtisodiyot esa hamon karaxtlikdan chiqqani yo’q, odamlarning ahvoli og’irlashdi.

Shuning uchun O’zbekiston bu yo’ldan bormay boshqa yo’l tanladi. Bu yo’l O’zbekistonning o’ziga xos madaniy, tarixiy, iqtisodiy va tabiiy xususiyatlarini hamda bu yo’ldagi jahon tajribasini hisobga olgan holda revolyusion to’ntarishlarsiz, ijtimoiy to’qnashuvlarsiz, ijtimoiy himoyani kuchaytirgan holda asta-sekinlik, lekin qat’iyatlilik bilan bosqichma-bosqich rivojlangan bozor iqtisodiyotiga o’tishdan iboratdir.

O’zbekistonda bozor munosabatlariga o’tish yo’li ijtimoiy-yo’naltirilgan bozor iqtisodiyotini shakllantirishga qaratilgan. Bu yo’lni amalga oshirishga, iqtisodiyotni tubdan isloh qilishga Prezidentimiz I.Karimov tomonidan ishlab chiqilgan beshta muhim prinsip asos qilib olingan.

Birinchidan, iqtisodiyotni mafkuradan xoli qilish, uning ustunligini ta’minlash.

Ikkinchidan, o’tish davrida davlatning o’zi bosh islohotchi bo’lishi.

Uchinchidan, butun yangilanish va taraqqiyot jarayoni qonunlariga asoslanmog’i, qonunlarning ustunligi ta’minlanmog’i lozim.

To’rtinchidan, bozor munosabatlariga o’tish bilan bir qatorda aholini ijtimoiy himoyalash sohasida kuchli chora-tadbirlarni amalga oshirish.

Nihoyat, beshinchidan, bozor munosabatlarini bosqichma-bosqich qaror toptirish. Bozor munosabatlariga o’tishda bu prinsiplarning hammasi ham muhim ahamiyatga egadir, lekin ularning ichida bozor iqtisodiyotiga bosqichma-bosqich o’tish prinsipi alohida e’tiborga loyiq. Chunki tegishli huquqiy negizni, bozorning infratuzilmalarini yaratish, odamlarda bozor ko’nikmalarini hosil qilish, yangi sharoitlarda ishlay oladigan kadrlarni tayyorlash uchun vaqt kerak bo’ladi.

Bundan tashqari, bozor munosabatlariga o’tish faqatgina iqtisodiyot sohalarini o’zgartirish bilan cheklanmaydi. U ijtimoiy hayotning bir-birlari bilan uzviy bog’liq bo’lgan barcha sohalarini, shu jumladan siyosiy, ma’naviy-axloqiy, maishiy va boshqa sohalarni ham tubdan o’zgartirishni taqozo qiladi. Bularning hammasi bozor iqtisodiyotiga bosqichma-bosqich, evolyusion yo’l bilan o’tish haqidagi g’oya juda muhim va afzal ekanligini ko’rsatadi.

2. 
   jadval
   

Chakana savdoning asosiy ko`rsatkichlari

	2010	2011	2012	2013	2014	2015	2016	2017	2018
Chakana savdo tovar aylanmasi, ovqatlanish tashkilotlarini qo`shgan holda, barcha savdo tarmoqlarida sotish, mlrd. so`m	21872,8	28539	36946,4	46863	58136,6	71184,1	88071,6	105230	133195
shaharlarda	16512,3	21070,3	27368,4	34596,8	44515,2	54656,8	69675,5	82747,4	107506,1
qishloq joylarda	5360,5	7468,7	9578	12266,2	13621,4	16527,3	18396,1	22482,5	25689
Chakana savdo tovar aylanmasi umumiy hajmidan, mlrd. so`m:
oziq-ovqat tovarlari	10583,7	14338,5	18166,4	21728,7	27260,3	33757,2	42752,8	48396	57021,2
nooziq-ovqat tovarlari	11289,1	14200,5	18780	25134,3	30876,3	37426,9	45318,8	56833,8	76174
Aholi jon boshiga chakana savdo tovar aylanmasi, ming so`m	765,8	972,7	1240,9	1549,5	1890,1	2274,3	2765,4	3245,642	3998,379
Chakana savdo tarmoqlarida tovar zaxiralari (yil oxiriga, konsignatsiya tovarlarini qo`shgan holda)
jami, mlrd.so`m	609,2	801,5	993,7	1182,4	1621,3	1948,5	2084,3	2338,7	2592,7
tovar aylanmasi kunlarida	23	25	26	24	27	28	30	28	26
Chakana savdo ob`ektlari (yil oxiriga)
jami, ming	84,4	94,8	98,6	98,2	101,5	107,2	114,3	113,8	132,9
10 000 aholiga	30	32	33	32	33	34	36	34	37
Ovqatlanish tashkilotlari (yil oxiriga) jami, ming	13,9	13,2	11,2	9,8	10,6	10,7	11,7	27,8	25,6

Manba: www.stat.uz

Bozor munosabatlariga bosqichma-bosqich o’tish prinsipini amalga oshirish iqtisodiyotni isloh qilishning asosiy bosqichlarini aniq farqlash, bu bosqichlarning har biri uchun aniq maqsadlarni, ularga erishish vositalarini belgilab olishni talab qiladi.

Bozor iqtisodiyotiga o’tishning birinchi bosqichida quyidagi ikkita vazifani birdaniga hal qilish maqsad qilib qo’yilganligi ta’kidlanadi:

• 
  totalitar tizimning og’ir oqibatlarini yengish, tanglikka barham berish, iqtisodiyotni barqarorlashtirish;
  
• 
  respublikaning o’ziga xos sharoitlari va xususiyatlarini hisobga olgan holda bozor munosabatlarining negizlarini shakllantirish.
  

Shu vazifalarni hal qilish uchun birinchi bosqichda isloh qilishning muhim yo’nalishlari aniqlab olindi va bajarildi.

Birinchidan, o’tish jarayonining huquqiy asoslarini shakllantirish, islohotlarning qonuniy-huquqiy negizini mustahkamlash;

Ikkinchidan, mahalliy sanoat, savdo, maishiy xizmat korxonalarini, uy-joy fondini xususiylashtirish, qishloq xo’jaligida va xalq xo’jaligining boshqa sohalarida mulkchilikning yangi shakllarini vujudga keltirish.

Uchinchidan, ishlab chiqarishning pasayib borishiga barham berish, moliyaviy ahvolning barqarorlashuvini ta’minlash.

Respublika iqtisodiyotini bozor munosabatlariga o’tkazish bo’yicha birinchi bosqichda qo’yilgan vazifalarni amalga oshirish jarayonida iqtisodiyot sohasiga tegishli bo’lgan, iqtisodiy munosabatlarni shakllantirishning huquqiy negizini barpo etadigan 100 ga yaqin asosiy qonun – hujjatlar qabul qilindi.

Birinchi bosqichda kichik xususiylashtirish amalda tugallandi, davlat mulkini boshqarish va uni mulkchilikning boshqa shakllariga aylantirish uchun zarur bo’lgan muassasalar tizimi tuzildi.

Qishloq xo’jaligida agrar islohot jarayonida bozor iqtisodiyoti talablariga mos keladigan yangi xo’jalik tizimi shakllandi va iqtisodiyotning davlatga qarashli bo’lmagan qismi keng rivojlandi.

Xalq xo’jaligini, tarmoqlar va hududlarni boshqarishning eng maqbul va mavjud sharoitlarga mos bo’lgan tizimlari ishlab chiqildi. Narxlar to’liq erkinlashtirildi, bozor infratuzilmasining asosiy qirralari shakllantirildi, aholini ijtimoiy himoyalash tizimi amalga oshirila boshladi, iqtisodiy va moliyaviy barqarorlikka erishildi.

Respublikada bozor munosabatlariga o’tishning birinchi bosqichida iqtisodiyotda va ijtimoiy sohada yuz bergan tub o’zgarishlar uning o’z taraqqiyotida keyingi sifat jihatdan yangi bosqichga o’ta boshlash uchun mustahkam shart-sharoit yaratdi. Shu bilan birga isloh qilishning birinchi bosqichi natijalari keyingi bosqichning strategik maqsadlari va ustun yo’nalishlarini aniq belgilab olish imkonini berdi.

Ikkinchi bosqichda investisiya faoliyatini kuchaytirish, chuqur tarkibiy o’zgarishlarni amalga oshirish va shuning negizida iqtisodiy o’sishni ta’minlab, bozor munosabatlarini to’liq joriy qilish maqsad qilib qo’yiladi.

Birinchi vazifa – davlat mulklarini xususiylashtirish sohasida boshlangan ishni oxiriga yetkazish. Bunda davlat mulkini xususiylashtirish, tadbirkorlik faoliyatini keng qo’llab-quvvatlash, kichik xususiy korxonalar tashkil qilishni rag’batlantirish hisobiga ishlab chiqarishda davlatga qarashli bo’lmagan qismning ulushini oshirish ko’zda tutiladi.

Ikkinchi vazifa – ishlab chiqarishning pasayishiga barham berish va makroiqtisodiy barqarorlikni ta’minlash. Bu ham korxonalar va tarmoqlarning, umuman davlatning iqtisodiy va moliyaviy barqarorligiga erishish imkonini beradi. Uchinchi vazifa – milliy valyuta-so’mni yana ham mustahkamlashdan iborat. Bu esa so’mning konvertasiyasi, qat’iy valyutalarga erkin sur’atda almashtirish layoqati demakdir, unga pulning qadrsizlanishiga qarshi ta’sirchan choralarni qo’llash, iste’mol mollari ishlab chiqarishni ko’paytirish hamda ichki bozorni shunday mollar bilan to’ldirish, korxonalarning chetga mol chiqarishini

kengaytirish hisobiga valyuta zahiralarini mustahkamlash yo’li bilan erishiladi.

To’rtinchi vazifa – iqtisodiyotning tarkibiy tuzilishini tubdan o’zgartirish, xom ashyo yetkazib berishdan tayyor mahsulot ishlab chiqarishga o’tish.

Bunda tarkibiy o’zgarishlarda Respublika uchun eng asosiy hisoblangan tarmoqlarni, jumladan yoqilg’i, energetika va g’alla komplekslarini rivojlantirish nazarda tutiladi. O’tish davrining ikkinchi bosqichida aholining kam ta’minlangan qatlamlarini ijtimoiy himoyalashni kuchaytirish, ularga tegishli yordam ko’rsatish borasida birinchi bosqichda tutilgan yo’l davom ettiriladi.

Shunday qilib, O’zbekistonda iqtisodiyotni bozor munosabatlariga o’tkazishda ikki bosqichli taraqqiyot yuzaga keladi. Birinchi bosqichda davlat sektori va bozor xo’jaligidan iborat yarim erkinlashgan iqtisodiy tizim yuzaga keladi. Ikkinchi bosqichda iqtisodiyot to’liq erkinlashtiriladi, xususiylashtirish tugallanadi, narxlar erkin qo’yib yuboriladi, davlat korxonalarining monopol mavqei tugatiladi.

Lekin bundan Respublikada iqtisodiy islohotlarni amalga oshirish maqsadiga to’liq erishildi va bu sohada qo’yilgan vazifalar to’liq bajarildi degan xulosa kelib chiqmaydi. Chunki bozor iqtisodiyotiga asoslangan erkin demokratik davlat barpo etish, fuqarolik jamiyatining mustahkam poydevorini shakllantirish har bir davrda kun tartibiga yangi vazifalarni qo’yadi. Iqtisodiyot sohasida quyidagi aniq vazifalarni amalga oshirishni ko’zda tutadi.

• 
  iqtisodiyotning barcha sohalari va tarmoqlarida erkinlashtirish jarayonini izchillik bilan o’tkazish va iqtisodiy islohotlarni chuqurlashtirish;
  
• 
  xususiylashtirish jarayonini yanada chuqurlashtirish va shu asosida amalda mulkdorlar sinfini shakllantirish;
  
• 
  mamlakat iqtisodiyotiga xorij sarmoyasini, avvalo, bevosita yo’naltirilgan sarmoyalarni keng jalb etish uchun qulay xuquqiy shart-sharoit, kafolat va iqtisodiy omillarni yanada kuchaytirish;
  
• 
  kichik va o’rta biznes iqtisodiy taraqqiyotda ustivor o’rin olishiga erishish;
  
• 
  mamlakatning eksport salohiyatini rivojlantirish va mustahkamlash, iqtisodiyotimizning jahon iqtisodiy tizimiga keng ko’lamda integrasiyalashuvini ta’minlash;
  
• 
  iqtisodiyotdan mamlakatimiz iqtisodiy mustaqilligini yanada mustahkamlashga qaratilgan tarkibiy o’zgarishlarni izchil davom ettirish.
  

Xulosa

Mustaqillik yillarida mamlakatni yangilash, jamiyatni modernizatsiyalash, bozor iqtisodiyotini joriy qilish borasida olib borilgan keng ko’lamli islohotlar jarayonida ko’plab yangi infratuzilmalar barpo etildi. Bozor iqtisodiyotining asosiy mexanizmlari hisoblangan bu infratuzilmalarga o’z vakolatlari doirasida iqtisodiyotni barqarorlashtirish, xususiylashtirish, erkin tadbirkorlik bilan shug’ullanish imkoniyatini yaratish, korxona va muassasalarning yangi muhitda ish yuritishlariga ko„maklashishdek vazifalar yuklatilgan edi. Bu muassasalar orasida O’zbekiston Respublikasi Monopoliyadan chiqarish, raqobat va tadbirkorlikni qo’llab-quvvatlash Davlat qo’mitasining alohida o’rni bor. Qo’mita raqobat muhitini rivojlantirish, monopolistik faoliyatni cheklash va tabiiy monopo- liyalarni tartibga solish, iqtisodiy nochor korxonalarni qayta tashkil etish, raqobat va xususiy tadbirkorlikni rivojlantirish va qo’llab-quvvatlash, iste’molchilar huquqlarini himoya qilish hamda reklama faoliyati borasidagi siyosatni olib borish vazifasi yuklatilgan davlat boshqaruv organi hisoblanadi.

Quyidagi hatti-harakatlar monopoliyaga qarshi qonunchilikka zid hisoblanadi:

• 
  xo’jalik yurituvchi subyekt tomonidan bozordagi ustunlik holatining suistemol qilinishi;
  
• 
  xo’jalik subyektlarining raqobatni cheklashga qaratilgan bitimlari (o’zaro kelishilgan hatti-harakatlari);
  
• 
  boshqaruv barcha darajalaridagi hokimiyat organlarining raqobatni cheklashga yo’naltirilgan hatti-harakatlari;
  
• 
  nohalol raqobat.
  

Takidlash lozimki, O’zbekiston Respublikasining «Tovar bozorlarida monopolistik faoliyatni cheklash va raqobat to’g’risida»gi Qonuni xalqaro analoglar asosida tuzilgan.

O’zbekiston Respublikasida olib borilayotgan monopoliyaga qarshi siyosatning muhim yo’nalishlaridan biri – bu monopolist-korxonalarning tovar bozoridagi egallab turgan ustunlik mavqeini suistemol qilishning oldini olish va

unga yo’l qo’ymaslik bo’yicha nazorat olib borishdan iboratdir. Aynan shu maqsadda monopolist-korxonalar Davlat reestri yuritiladi. Ushbu reestrlarga ma’lum bir tovar bozorida 65 foizdan ortiq ulushga ega bo’lgan korxonalar kiritiladi. Reestrga olingan xo’jalik yurituvchi subyektlar o’z mahsulotlarining narx (tarif)lari yoki rentabellik darajalarini Moliya vazirligida yoki joylardagi moliya organlarida deklaratsiyadan o’tkazishlari shart.

Dastlab monopolist-korxonalar Davlat reestrida faqat alohida xo’jalik yurituvchi subyekt bozordagi tovarlarning ulushi miqdoriy ko’rsatkichi bo’yicha monopolist korxonalar tarkibiga kiritilar edi. Bu o’rinda bozorning sifat jihatidan tarkibi, xususan, raqobat muhitini yarata olishga layoqatli bo’lgan o’rnini bosuvchi mahsulotlarning mavjudligi hisobga olinmay, bunday yondoshuvni to’g’ri deb hisoblash mumkin emas edi. Shunga ko’ra, qonunda tovar bozorida ustun mavqega ega bo’lgan xo’jalik yurituvchi subyektlarning mezonlari yanada aniqroq.

Foydalanilgan adabiyotlar:

1. 
   O’zbekiston Respublikasi Qonuni. Tovar bozorlarida monopolistik faoliyatni cheklash va raqobat to’g’risida. 2012 yil 7 yanvar.
   
2. 
   “Davlat aktivlarini boshqarish, monopoliyaga qarshi kurashishni tartibga solish tizimini va capital bozorini tubdan takomillashtirish chora tadbirlari to’g’risidagi” O’zbekiston Respublikasi Prezidentining farmoni 2019 yil 14 yanvar. Sh. Mirziyoyev
   
3. 
   Robert S. Pindyck, Daniel L. Rubinfeld. Microeconomics. – Copyright 2018, Pearson Education Limited, England, 2018. P. 787.
   
4. 
   Campbell R. McConnel, Stanley L. Brue, Sean M. Flynn. Microeconomics: Principles, Problems and Policies. -19^th ed. – New York. The McGraw-Hill Companies, Inc., 2012. P. 604.
   
5. 
   Аддреу Мас-Колелл и др. Микроэкономическая теория. Учебник. 1- часть. – М.: Дело и Сервис, 2016. - 733 стр.
   
6. 
   Аддреу Мас-Колелл и др. Микроэкономическая теория. Учебник. 2- часть. – М.: Дело и Сервис, 2016. - 636 стр.
   
7. 
   Липсиц И.В. Микроэкономика. Макроэкономика. Учебник. – М.: Кнорус, 2016. - 608 стр.
   
8. 
   Тарануха Ю.В. Микроэкономика. Учебник. – М.: Дело и Сервис, 2011. - 580 стр.
   
9. 
   B.T. Sаlimov, M.S. Yusupov, B.B. Sаlimov. Mikroiqtisodiyot. Dаrslik. – T.: Iqtisodiyot, 2019, - 365 b.
   
10. 
    www.economics.ru 11.www.google.co.uz 12.www.stat.uz.