Тасдиқлайман” Чирчиқ давлат педагогика университети Илмий ишлар ва инновациялар бўйича

Тадқиқот натижаларининг жорий қилиниши. Умумтаълим мактабларида халқаро баҳолаш дастур талаблари асосида ўқув жараёнини ташкил этиш ва бошқариш технологияларини такомиллаштириш бўйича олиб борилган тадқиқот натижалари асосида:
дунё таълим маконида кузатилаётган концептуал жараёнлар (глобаллашув, трансформациялашув, интеграциялашув)ни миллий таълим тизими меъёрий талаблари билан интеграллашув даражасининг мавжуд таълим шароитдаги барқарорлигини таъминлаш асосида такомиллаштирилган таълимни ташкил этиш ва бошқаришнинг реал таълим шароитидан келиб чиқувчи педагогик имкониятлари, умумтаълим мактаб ўқувчиларининг халқаро баҳолаш дастур талаблари асосида ишлаб чиқилган ўқиш, математик, табиий фанлар ва ҳуқуқий саводхонлигини шакллантириш самарадорлигини аниқлаш мезонлари ва кўрсаткичлари, халқаро баҳолаш дастурлари асосида ўқув жараёнини ташкил этиш технологиялари бўйича таклиф ва тавсиялар халқ таълими тизимидаги умумий ўрта таълим мактаблари фаолиятига жорий этилган (Ўзбекистон Республикаси Халқ таълими вазирлиги ҳузуридаги Республика таълим марказининг 2022 йил 6 майдаги 01/11-01/10-630-сон маълумотномаси). Натижада, таълим сифатини баҳоловчи халқаро тадқиқот талаблари асосида таълимни ташкил этиш ва бошқаришнинг дидактик таъминоти такомиллаштиришга эришилган;
миллий таълим мазмуни детерминантларини ўқувчиларнинг ривожланиш векторига эргономик талаблар орқали мослаштириш асосида очиб берилган халқаро баҳолаш дастурларини ташкил этиш ва ўтказишнинг ўзига хос хусусиятлари, таълим сегментларини ўқувчиларнинг таянч компетенцияларига нисбатан прогрессив динамикасини моделлаштиришнинг универсаллик, изчиллик, нормативлик ва илмийлик тамойиллари асосида йўналтириш орқали ишлаб чиқилган ўқув жараёни мазмунини халқаро тадқиқотлар асосида такомиллаштириш модели, халқаро баҳолаш дастурлари таснифи ва тавсифи бўйича хулосалардан Таълим сифатини баҳолаш бўйича халқаро тадқиқотларни амалга ошириш миллий маркази томонидан назорат-синов материалларини тайёрлашда фойдаланилган (Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекциясининг 2022 йил 8 июндаги 01-386-сон маълумотномаси). Натижада, умумтаълим мактабларини халқаро баҳолаш дастур талаблари асосида тайёрлашнинг ўқув-услубий ва методик таъминотини такомиллаштиришга хизмат қилган;
интерфаол усуллар ва имитацион ўқитиш шаклларини таълимнинг инсонпарварлик тамойилига вариатив мослаштиришнинг дифференциал ёндашувини таъминловчи дидактик таъминот асосида такомиллаштирилган халқаро баҳолаш тадқиқотлар талабларига кўра ўқув жараёнини режалаштириш ва ташкил этиш технологиялари, локал таълим имкониятларини глобал таълим қадриятларига айлантиришда халқаро баҳолаш дастурларининг стандартлари (FrameWork)ни таълимнинг стратегик ва функционал менежмент технологияларига интеграциялаш асосида такомиллаштирилган мактаб раҳбарлари фаолият механизмлари, замонавий мактаб раҳбарлари фаолиятини такомиллаштириш усуллари, ўқув жараёнини назорат қилиш ва баҳолаш методикаси бўйича таклиф, тавсия ва хулосалардан “O’zbekiston” телерадиокомпанияси “Маданий-маърифий, бадиий эшиттиришлар” муҳарририятининг “Таълим ва тараққиёт” эшиттиришини тайёрлашда фойдаланилган (Ўзбекистон миллий телерадиокомпанияси “O’zbekiston” телерадиоканалининг 2022 йил 30 июндаги O’z/R-1-15-сон маълумотномаси). Натижада, халқаро баҳолаш

тадқиқотлари асосида миллий таълим рейтингини оширишнинг илмий ва методик таъминотини ишлаб чиқишга хизмат қилган.