Тасдиқлайман” Гулистон давлат университети

9-бўлим. Талабаларнинг одоб-ахлоққа оид мажбуриятлари


А) Университет ҳудудига:
- талаба йигитлар (белгиланган формада) оқ кўйлакда, классик услубдаги шим-костюм, галстукда ва тўқ рангдаги пойафзалда келишлари лозим;
- талаба қизлар (белгиланган формада) оқ блузкаларда, тиззани ёпиб турадиган юбка ва костюм, тўқ рангдаги пойафзалда келишлари лозим;
- талаба йигитларнинг ташқи қиёфаси озода, покиза, сочи тартибга солинган ва соқоли олинган бўлиши лозим;
- талаба қизларга ёрқин пардоз(макияж) қилишга йўл қўйилмайди;
- талабалар диний ибодат либосида, спорт кийими ва пойафзалида келиши, уларнинг одамлар диққатини тортадиган, хусусан, танани шаффоф кўрсатиб турадиган, елка, кўкрак ва қорин, тиззадан юқори қисмлари очиқ қоладиган ҳамда хаддан зиёд тор кийимда, шунингдек наушниклар, металл занжирлар ва бошқа тақинчоқлар, пирсингда, соқолини ўстирган ҳолда, рўмолини жағидан боғлаган тарзда келиши ва шу ҳолатда юриши мумкин эмас;
- ҳудудга киришда талабалик гувоҳномасини кўрсатиб кириш;
- ҳудудни ифлослантирмаслик ва чиқиндиларни фақат жойлардаги урналарга ташлаш;
- устозлар билан дуч келганда салом бериш;
- ўқув машғулотлари вақтида ҳудудда сабабсиз юрмаслик;
- университет мулки (кўчар ва кўчмас мулки, ўсимлик ва ҳайвонот дунёси ва ҳоказолар) га эҳтиёткорона муносабатда бўлиш;
- кийиниш ва ўзаро суҳбат одобларига риоя қилиш;
- мутасаддиларнинг рухсатисиз турли реклама воситаларини очмаслик;
- маиший тинчликка риоя килиш;
- университетга ўзлари билан инсон ҳаёти ёки соғлигига зарар етказиш мумкин бўлган ҳар қандай воситалар, буюмлар, шу жумладан ўткир-санчилувчи, кесувчи предметларни олиб кирмаслик ва олиб юрмаслик;
- наркотик ва психотроп моддалар, алкоголь ва тамаки маҳсулотлар истеъмол қилиниши ҳамда тарқатилишига қарши курашиш, Ўзбекистон Республикаси қонунчилигига мувофиқ юқоридаги ҳолатлар ҳақида тегишли ташкилотларга ўз вақтида хабар бермаслик жавобгарликка сабаб бўлиши алоҳида қайд этилади.
Б) аудиторияда:
- устки кийимда (плаш, пальто, куртка кабилар) юришлари мумкин эмас;
- уяли алоқа воситаларини ўчириб қўйиш;
- дарс вақтида гаплашмаслик;
- жиҳозларга маданий муносабатда бўлиш, парталарга ёзмаслик;
- коғоз ва бошқа кераксиз нарсаларни қолдириб кетмаслик;
- овқатланмаслик, сақич чайнамаслик.