НАТ. КУН. ЖИЗЗАХ ТОҒЛАРИ. (ШЕФ)
Зарина ва Нилуфарни Шефни одамлари сўроқ қилишаяпти. Хамма жамадонлар очилган.
Зарина- Биз сизларга пулни қайтармоқчи эдик. Кейин ҳаммаси чалкашиб кетди. Пулларни эса ҳозир қаерда Эканлигини билмайман.
Чандиқ- Кимсасиз жойдасиз ва шу ерда изсиз йўқ бўлиб кетишинглар мумкин.
Нилуфар - Малика билади пулларни. Чунки у жойлаган эди юкхонага.
Чандиқ- Малика сизнинг учинчингизми?
Нилуфар- Ҳа.
Чандиқ- У қаерда?
Нилуфар- Бизни олиб кетган жойда эди. Ўша пайтда пастга тушиб кетганди, биздан ҳафа бўлиб.
Зарина эса бир сўз ҳам демасдан ўйга толарди. Бир машина тезлик билан ортга қайтади.
Зарина- Малика энди қайтмайди, у бизни алдади.
Нилуфар- Энди бизни ўлдиришадими?
56-ЭПИЗОД
НАТ. КУН. ЖИЗЗАХ ТОҒЛАРИ. (СОЙ)
Шефни одамлари Малика қолган сой бўйига келишади. Атрофни кўздан кечиришади. Аммо Малика у жойдан аллақачон кетиб бўлган эди.
57-ЭПИЗОД
ИНТ. КУН. ЮК МАШИНАСИ
Малика бегона юк машинада ўзига ишонган ҳолатда кетиб борар эди. Чўнтагидан телфонини чиқазиб, алоқа тикланишини текшириб кўради. Юк машинаси катта йўлга чиқиши билан алоқа тикланади.
58-ЭПИЗОД
НАТ. КУН. ЖИЗЗАХ ТОҒЛАРИ. (ШЕФ)
Шефни одамлари Маликани тополмай қайтиб келишади. Вазият чигаллашгани сари Чандиқни жахли чиқади ва қизларга тазйиқ ўтқазишни бошлашади.
Чандиқ- хўш энди бу ёғи нима бўлади деб ўйлайсиз.
Нилуфар- Бизни қўйиб юборинг, пулни биз олмадик. Машинада шунчаки Тошкентга кетаётган эдик холос.
Чандиқ- Энди буни бизга қизиғи йўқ . Биз Ўша Маликани ҳам топамиз, пулни ҳам оламиз ва ўртоғингизни ҳозир сиз бораётган манзилизга ортингиздан, кўп куттирмай , жўнатиб юборамиз.. Қизларни машинага жойланг.
Зарина- Нима қилмоқчисиз?
Чандиқ- Шунчаки бахтсиз тасодифни уюштирмоқчимиз.
Нилуфар- Йўқ, илтимос бизни қўйиб юборинг илтимос қиламан. Ахир бизда эмас пулингиз.
Do'stlaringiz bilan baham: |
