1. Óz betinshe jumısınıń máqseti, wazıypası hám orınlaw tártibi
«Menedjment» páni boyınsha orınlanatuǵın óz betinshe jumısı hám onı qorǵaw oqıw
processiniń zárúr bólegi esaplanadı.
Óz betinshe jumısınıń máqseti- student tárepinen teoriyalıq bilimler tolıq
ózlestirilgennen soń, onıń usı pán boyınsha ǵárezsiz islew qábiyleti, ilimiy izleniw
jumıslarına baǵdarlaw, tábiyat hám jámiyet ortasındaǵı baylanıslılıq máseleleri boyınsha
baslamanı rawajlandırıw.
Óz betinshe jumısnıń wazıypası - «Menedjment» páninen studentler bilimdi jánede
tereńlestiriw, kárxana, kompaniya hám firmalardı basqarıwda strategiyalar islep shıǵıw,
túrli ekonomikalıq tarmaqlarında marketing izertlewlerdi alıp barıw hámde oyshıllıq
penen islep shıǵılǵan strategiyalar menen joqarı nátiyjelilikke erisiw jolların izlep
tabıwdan ibarat.
Óz betinshe jumısı orınlanıp bolǵanınan soń, onıń birinshi variantı kafedraǵa
tapsırıladı hám onı ilimiy basshı tárepinen tekserip, kórip shıǵılǵanınan soń oǵan tiyisli
dúzetiwler kiritiledi. Tiyisli ózgertiriwler hám dúzetiwlerden soń óz betinshe jumısı
túplenedi hám kafedraǵa qorǵawdan 20 kún aldın tapsırıladı.
2. Óz betinshe jumısı temasın tańlaw
Studentler óz betinshe jumıs temasın tańlawda kafedra tárepinen islep shıǵılǵan óz
betinshe jumısları temaları bankten ózleri qızıǵatuǵın temanı tańlap aladı hám onı
kafedrada dizimnen ótkeredi. Kafedra razılıǵı menen studentler tárepinen tanlanǵan
temalarda ózgeriwide múmkin, hátteki óz betinshe jumısları temaları bankide
kórsetilmegen basqa bir temanı tańlawları, onı keńeytirilgen yamasa qısqartırılǵan tárizde
ózgertiriwleri múmkin.
Studentler tárepinen tańlanǵan óz betinshe jumısı teması ózleri jasap atırǵan
aymaqlarda, Namangan wálayatında jumıs alıp barıp atırǵan tarmaqlar, kárxanalar,
akcionerlik jámiyetleri, sırt el kárxanalar yamasa juwapkershiligi sheklengen jámiyteler
mısalında, olardın ekonomikalıq kórsetkishler, strategiyalıq rejelerin analizlewlerge
tiykarlanıp orınlanadı.
Do'stlaringiz bilan baham: |