Техник топшириқ 28 варақда

4.3.2.4. Маълумотлар базасини бошқариш тизимига қўйиладиган талаблар

Тизимга юклатилган барча вазифаларнинг тўлақонли бажарилишига эришиш учун, маълумотлар базасини бошқариш тизими қуйидаги талабларга жавоб бериши лозим:

• 
  маълумотларни реляцион тартибда сақлаш ва SQL тилидаги сўровлар асосида ишлай олиши;
  
• 
  "мижоз-сервер" архитектурасига мос келиши;
  
• 
  турли операцион тизимлар ва техник воситаларда ишлайдиган версияларга эга бўлиши;
  
• 
  интероперабеллик (бошқа архитектурадаги тизимлар билан ҳамкорликда ишлай олиши).
  
• 
  кўп оқимлилик (многопоточность);
  
• 
  ишончлиликни таъминлаш воситаларига эга бўлиш: транзакциялар журналини юритиш, тизим ишини тўхтатмай туриб, маълумотлардан резерв нусха олиш ва қайта тиклаш имконияти;
  
• 
  маълумотлар бутунлигини таъминлаш воситаларига эга бўлиш;
  
• 
  сўровларни оптималлаштириш воситаларига эга бўлиш;
  
• 
  хафвсизликни таъминлашнинг ички механизмларига эга бўлиш.
  

Фойдаланиладиган маълумотлар базасини бошқариш тизими O’zDSt 1135:2007 давлат стандарти талабларига жавоб бериши лозим.

4.3.3. Лингвистик таъминотига қўйиладиган талаблар

4.3.3.1. Фойдаланиладиган дастурлаш тилига қўйиладиган талаблар

Тизимни ишлаб чиқишда бугунги кунда мижоз-сервер технологиясидаги вебиловалар ишлаб чиқишда энг кенг фойдаланиладиган дастурлаш тилларидан бирортасидан (PHP, Java ёки бошқа) фойдаланилиши лозим.
Тизимнинг қайси модулларини ишлаб чиқиш жараёнида, айнан қайси дастурлаш тилидан фойдаланиш масаласи, тизимни ишлаб чиқиш жараёнида ишнинг хусусиятларидан келиб чиққан ҳолда танланади.

4.3.3.2. Маълумотларни бошқариш тилига қўйиладиган талаблар

Маълумотларни бошқариш тили сифатида SQL сўровлар тилидан фойдаланилиши лозим.
4.3.3.3. Маълумотларни тўплаш форматларига қўйиладиган талаблар
Тизимнинг маълумотлар базасига киритиш учун тўпланадиган бошланғич маълумотлар Microsoft Word ва Microsoft Excel дастурлари форматида бўлиши лозим.