Tema: Afferent nerv sistemasina ta’sir etiwshi zatlar. Sabaq o’tkeriletug‘i’n ori’n

Tema: Afferent nerv sistemasina ta’sir etiwshi zatlar.
Sabaq o’tkeriletug‘i’n ori’n: Kafedra, auditoriya.

Sabaqti’n’ materialli’q ta’miyinleniwi:

- da’rilik preparatlar toplamlari’, da’rilik zatlarg‘a annotatsiya toplamlari’

- ko’rgizbe qurallari’, tarqatpa materiallar, videofilm

1. 
   Sabaqti’n’ dawamli’li’g‘i’ -135 minut
   
2. 
   Sabaqti’n’ maqsetleri: Afferent nerv sistemasina ta’sir etiwshi da’rilik zatlardi’n’ farmakologiyali’q qa’siyetlerin o’zlestiriw. Talabalardi’ da’rilik zatlar topari’ menen tani’sti’ri’w. Tablitsa ham interaktiv wazi’ypalar menen tani’sti’ri’w ha’m analiz qi’li’w.
   

3.1. Ta’lim maqseti: Afferent nerv sistemasina ta’sir etiwshi da’rilik zatlardi’n’ farmakodinamika ha’m farmakokinetikasi’n biliw. Farmakoterapiya ha’m farmakodinamikadan wazi’ypalardi’ o’z-betinshe ori’nlaw.

3.2. Ta’rbiyali’q maqseti: A’meliy sabaq waqti’nda ko’rip shi’g‘i’lg‘an wazi’ypalar talabalarg‘a o’zinin’ bilimlerin bekkemlewge ha’m ja’nede teren’irek o’zlestiriwge mu’mkinshilik beredi. Jergilikli anesteziani’n’ tu’rine qarap preparatlardi’ duri’s tan’lawg‘a, duri’s dozalap beriwge ha’m birinshi ja’rdem ko’rsetiwge u’yretedi. O’zlerinin’ bilimin ja’nede bekkemlewge ha’m rawajlandi’ri’wg‘a qi’zi’g‘i’wshi’li’q oyatadi’.

3.3.Rawajlandi’ri’wshi’ maqset: Talabalardi’n’ pikirlew qa’bilietin rawajlandi’ri’w. Talabalardi’n’ o’z-betinshe ha’m erkin pikirlewin rawajlandi’ri’w. O’z-betinshe sheshim qabi’l etigew ha’m klinikali’q pikirlewdi u’yretiw ha’m rawajlandi’ri’w.

3. 
   Wazi’ypalari’:
   

4.1. Talaba biliwi kerek.

- Jergilikli anestetik ha’m bu’ristiriwshi zatlardi’n’ klassifikatsiyasi’n;

- Afferent nerv sistemasina ta’sir etiwshi da’rilik zatlardi’n’ farmakodinamikasi’n;

- Afferent nerv sistemasina ta’sir etiwshi da’rilik zatlardi’n’ farmakokinetikasi’n;

- Afferent nerv sistemasina ta’sir etiwshi da’rilik zatlardi’n’ qollani’li’wi’n ha’m qollani’li’wi’na qarsi’ ko’rsetpelerdi;

- Afferent nerv sistemasina ta’sir etiwshi da’rilik zatlardi’n’ keri ta’sirlerin;

4.2. Talaba islep biliwi kerek:

1. 
   Ha’r-qi’yli’ da’rilik formadag‘i’ farmakologiyali’q preparatlarg‘a retsept jazi’p biliw.
   
2. 
   Test wazi’ypalari’n duri’s ori’nlap biliw.
   
3. 
   Tema boyi’nsha da’ri toplamlari’ menen tani’si’p ham tali’qlap biliw.
   
4. 
   Situatsion ma’selelerdi ori’nlaw.
   
5. 
   Farmakoterapiya boyi’nsha berilgen wazi’ypalarg‘a preparatti’ duri’s tan’lap, retsept jazi’p beriw.
   
6. 
   Tablitsa, su’wretler boyi’nsha tu’sindirip biliw.
   
7. 
   Interaktiv usi’llardi’ ori’nlap biliw.
   

Temani’n’ motivatsiyasi’:

Xirurgik operatsiyalarda awri’w sezimin joq etiw adam o’miri ushin u’lken a’hmiyetke iye. Teri ha’m silekey qabatlardi’n’ kesellikleri en’ ko’p tarqalg‘an keselliklerden esaplanadi’. Bul keselliklerdi emlewde afferent nerv sistemasina ta’sir etiwshi da’rilik zatlar en’ tiykargi’ ori’ndi’ iyeleydi. Afferent nerv sistemasina ta’sir etiwshi da’rilik zatlardi’ klinikali’q meditsinani’n’ ha’r-tu’rli tarawlari’ (Kardiologiya, terapiya ha’m basqalar)da ken’ qollanadi’, soni’n’ ushi’n bul da’rilik zatlardi’n’ organizm ushi’n a’hmiyetin u’yreniw ha’m uli’wma a’meliyat shi’pakeri jumi’si’nda kerek boladi’.