Sap aylanba qarjilar yamasa kapital = Aylanba aktivler – Qısqa múddetli minnetlemeler.
Sap aylanba qarjilar yamasa kapital kólemi kárxana tárepinen óz qarızın tólegennen keyin onıń potensial rawajlanıw qabiletin taripleydi. Sap aylanba qarjları yamasa kapitalınıń koefficiyenti tómendegishe tabıladı :
Sap aylanba = Ónim islep shıǵarıw / Sap aylanba kapital
Bul koefficiyent bir sumlıq sap aylanba kapitalına neshe pullıq ele islep shıǵarıwǵa sarplanbaǵan materiallıq rezervlar tuwrı keliwin korsetedi. Bunday maǵlıwmatlarǵa tiykarınan kárxana menedjerleri kárxana jaǵdayın rawajlandırıw boyınsha tiyisli qararlardı qabıllaydı.
Balans maǵlıwmatlarınan paydalanatuǵın sırtqı qızıǵıwshılar ushın kárxana kapitalınıń dúzilisi kórsetkishleri zárúrli áhmiyetke iye. Kapitaldıń dúzilisi kórsetkishleri kárxanaǵa uzaq múddetli qoyılmalar qoyǵan investorlar hám kreditorlardin máplerin qorǵaw dárejesin korsetedi. Olar kárxananıń uzaq múddetli qarızların tólew qábiletin sawlelndiredi.
Múlk koefficiyenti (yamasa jeke kapitaldı konsentraciyalaw koefficiyenti) tómendegishe tabıladı :
Mk = Jeke kapital / Aktivlerdiń ortasha jıllıq ma`nisi
Bul koefficiyent bir birlikke teń yamasa odan artıq bolıwı múmkin. Ol kárxana iyeleriniń kárxanaǵa qoyılǵan qarjları ulıwma summasındaǵı úlesin kórsetedi. Kárxana iyeleriniń úlesi qanshellilik kóp bolsa, sonshalıq kárxana finanslıq turaqlı, ekonomikalıq bekkem boladı hám sırtqı kreditorlarga ǵárezli bolmaydı.
Kárxananıń finanslıq ǵárezlilik (KFG) koefficiyenti tómendegishe anıqlanadı :
KFG = Qarız kapitalı / Jeke kapital
Bul koefficiyent 0, 5 ten kem bolıwı, eger kóp bolsa, 1 den aspawı kerek. Bul kárxananı sırtqı qarız beretuǵınlardan finanslıq garezligin korsetedi ham onıń ósiw dinamikası kárxananı finanslıq támiynlewde qarızǵa alınǵan qarjilar úlesinin kóbeyip baratırǵanın kórsetedi.
Do'stlaringiz bilan baham: |
