Тема. Grafikalıq maǵlıwmatlar menen islew texnologiyası. План

Тема. Grafikalıq maǵlıwmatlar menen islew texnologiyası.
План:

1. 
   Grafikalıq maǵlıwmatlar menen islew texnologiyası.
   
2. 
   Noqatlı grafika túsinigi. Fraktal grafika túsinigi. Vektorlı grafika túsinigi.
   
3. 
   Grafikalıq maǵlıwmatlardı kiritiw, redaktorlaw hám shıǵarıwdıń programmalıq quralları: Paint, 3DS-MAX, CorelDraw, Photoshop hám t.b. Súwretlerge islew beriw.
   

Tayanısh túsinikler:
Grafikalıq fayllardıń formatları; BMP faylı; WMF faylı; GIF faylı; PNG faylı; TGA faylı; JPEG faylı; TIFF faylı; PSD faylı; CDR faylı; printer; skaner, plotter.

Házirgi waqıtta ámeliyatta grafikalıq fayllardıń tómendegi túrleri keń paydalanılıp kelinbekte: BMP, WMF, GIF, PNG, TGA, JPEG, TIFF, PSD, CDR.

GIF (Graphics Interchange Format) grafikalıq formatı – tarmaqtaǵı eń keń tarqalǵan grafikalıq format, ol tarmaqta birinshi bolıp payda bolǵan. Tarmaqyaǵı reńli kórinisler hám fonlardıń kópshilik bólegi GIF formatı faylları bolıp esaplanadı.
GIF kórinisti sıǵıwǵa imkan beredi, kórinislerdiń reń palitrası 256 yaki onnan kemrek reńdi saqlaydı. Bul sıǵıw procesi sıpatqa tásir etpeydi, yaǵnıy sıǵıwdan keyin alınǵan kórinis dáslepkisine uqsas boladı. Eger kórinis 256 dan artıq reńge iye bolsa, olardıń sanı shegaralanǵan mániske shekem qısqartırıladı. Sonı aytıp ótiw kerek, reńler sanın qısqartıw basqıshında kórinis sıpatına zıyan jetkiziliwi múmkin.
GIFta baslanǵısh kórinisti sıǵıwda fayldıń ólshemin tek ǵana palitradaǵı reńler sanın 2 den 256 ǵa shekem shegaralaǵan halda kishireytiriw múmkin. Solay etip, GIF shegaralanǵan sanlı reńlerden quralǵan grafikalıq fayllardı sıǵıwda qollanılsa, júda jaqsá nátiyjelerge erisiledi. Bul grafikalıq format tarmaqta logotip, tekst, diagramma, grafik hám sızılmalardıń kórinisin inam etiwde júdá úlken imkaniyatqa iye.
GIF formatınıń eki variantı bar: GIF87a hám GIF89a. Bul islep shıǵarıwshılar Lempel, Ziv, Welch familiyalarınıń birinshi háripleri menen atalǵan LWZ sıǵıw usılın qollaydı.
GIF89a formatı GIF87a formatı standartına tuwra keledi. Bunnan tısqarı, reńniń tınıqlıǵı (transparency), qatarlar aralıq júkleniw (interlaced) hám animaciya sıyaqlı jańa imkaniyatlar menen toltırılǵan.
Reńniń tınıqlıǵı arqalı hár qanday fonǵa qoysa bolatuǵın ixtiyariy kórinisler jaratıw múmkin. GIF89a da ápiwayı animaciyanıń qollanılıwı kórinisler izbe-izligin berilgen waqıt aralıǵında ciklli qaytarıwı múmkin.
JPEG (Joint Photographic Experts Group) grafijalıq formatı (qısqartırılǵan jaǵdayı JPG) kóp reńli kórinis faylların tarmaqta isletiw ushın arnalǵan bolıp, paydalanıw dárejesi boyımsha ekinshi orında turıwshi grafikalıq format esaplanadı.
JPEG reń palitrası 16 777 216 (True Color) ǵa shekem bolǵan reńdi saqlaytuǵın kórinislerdi sıǵıw imkaniyatın beredi. Bunday sıǵıw kórinistiń sıpatı joǵalıwı (lossy compression) esabınan payda boladı.
JPEGte baslanǵısh kórinisti sıǵıwda «sıǵıw dárejesi»n júdá keń shegaralarda basqarıw múmkin. Bul formatta «sıǵıw dárejesi» kórinis sıpatınıń jamanlasıwına alıp keliwin yadta tutıw kerek, sıǵıw dárejesi qansha joqarı bolsa kórinistiń korinisi baslanǵısh kóriniske salıstırǵanda sonshelli kóp jamanlasadı. Qısqasha aytqanda, JPEG júda kóp reńlerdi, mayda reńli detallardı saqlawshı fotosúwretlerdiń sıpatlı grafikalıq fayllardı sıǵıw ushın tuwrı keledi. Bul format kóp hallarda tarmaqta sıpatlı fotosúwret hám illustraciyalardı kórsetiw ushın qolaylı bolıp esaplanadı. JPEG reńlerdiń tınıqlıǵın qollamaydı, bul bolsa onıń qollanıw tarawın qısqartıradı.
Tarmaqta keń tarqalǵan bul eki grafikalıq fayllar formatı óziniń rawajlanıwın dawam ettirmekte, yaǵnıy grafikanıń júklew procesin ańsatlastırıw maqsetinde júkleniw tamamlanıwına shekem tómen tınıqlıqta baslanǵısh kórinis variantların kórsetiw imkaniyatın beriwshi texnologiyalar islep shıǵılǵan.
JPEGte bunday maqsetlerge erisiw ushın basqıshpa-basqısh algoritm ornatılǵan {progressive JPEG). Bul algoritmge tiykarınan dáslep tómen sıfatlı kórinis, keyinshelli bolsa onıń ústine tolıq tiykarǵı kórinis júklenedi.
PNG grafikalıq formatı wеb-betlerde kórinis hám grafiklerdi jaylastırıw ushın arnawlı jaratılǵan sıǵıw formatı bolıp Deflte sıǵıw algoritminen paydalanadı. Bul format GIF уaki JPEG formatlarınıń abzallıq táreplerin ózine qamtıp alǵan.
TIFF grafikalıq formatı Aldus kompaniyası tárepinen PhotoStyler programması ushın islep shıǵılǵan bolıp «tegti súwretleytuǵın fayl» mánisin ańlatadı. Bul grafikalıq format jeterlishe quramalı bolsa da onıń strukturası maǵlıwmatlardı jazıw hám kórinisti keńeyttiriwde úlken imkaniyatqa iye. Kórinistiń cifrlı maǵlıwmatlardı ańlatıwshı barlıq informaciyalar basqa kóplegen format fayllarına uqsas onıń baslanǵısh bóliminde emes, al arnawlı bloklarda, kórinis parametrleriniń ishki belgilewlerinda saqlanadı. Onda 45 ten artıq túrli tegler bar bolıp, olardıń qollanılıwı kópǵana qosımsha funkciyalardı payda etiw imkaniyatın beredi.
PCX grafikalıq formatı Zsoft firması tárepinen islep shıǵılǵan hám Paintbrush hámde PhotoFinish programmalarında qollanıladı. Bul grafikalıq fayldıń dúzilisi ápiwayı há reńler palitra kólemi boyınsha shegaralanǵan bolıwına qaramastan jaqın waqıtqa shekem ǵalabalıq sanalıp kelingen.
BMP grafikalıq formatı Windows operacion sisteması ushın Microsoft firmasi tárepinen islep shııǵılǵan. Ol júdá ápiwayı strukturanı ańlatadı hám onsha úlken bolmaǵan piktogramma-kórinislerdiń ańlatılıwı ushın xizmet qıladı. Bul grafikalıq format interfeyslerde keń qollanıladı.