Tema: Isbilermenlik xızmeti, onın’ tiykarg’ı belgileri ha’m wazıypaları

Tema: Isbilermenlik xızmeti, onın’ tiykarg’ı belgileri ha’m wazıypaları
Joba :

1. 
   Kirisiw
   
2. 
   Tıykarg’ı bo’lim:
   

1. 
   Isbilermenliktin’ ekonomikalıq ma’nisi, mazmunı
   
2. 
   Isbilermenlik xızmettin’ belgileri ha’m principleri
   
3. 
   O’zbekstanda isbilermenliktin’ rawajlanıwının’ a’detke aylanıwı
   
4. 
   Isbilermenlikti ma’mleketlik ta’repten qollap-quwatlaw is-ilajları
   

3. 
   Juwmaqlaw
   
4. 
   Paydalanılg’an a’debiyatlar
   

Kirisiw
Ha’zirgi waqıtta ma’mleketimizdegi isbilermenlik bir qansha qıyınshılıqlardı basınan o’tkerip atırsa da, o’zinin’ tiykarın a’lleqashan qurıp bolg’an. Ol nızam menen qorg’aladı ha’m ha’rdayım rawajlanıp otıradı. Ha’zirgi waqıtta bul temanın’ a’hmiyetliligine heshkim gu’manlanbaydı, sebebi isbilermenlik xızmetinsiz bazar ekonomikası bolmaydı. Ol ele de rawajlanıw jolında bolsa da, biznestin’ ja’miyetlik o’ndiristin’ tiykarg’ı tarawı bolatug’ınlıg’ına heshkimnin’ gu’manı joq.
Bizneske degen qızıg’ıwshılıq o’sip keledi. Bizlerdin’ ko’zimizshe ja’miyettin’ zamanago’y ekonomikalıq tiykarı qurılmaqta, o’zinin’ isin ashıwg’a niyetlengen adamlar shıqpaqta. Bul adamlar zamanago’y ja’miyettin’ sha’rtlerine beyimlesip emes, o’zinin’ ideyaların a’melge asırıp, o’zlerin erkin miynet iskerliginde ko’rsetip o’mir su’redi. Bunın’ tiykarg’ı sebebi ja’miyettin’ ha’m xalıq xojalıg’ının’ demokratiyalasıwı bolıp tabıladı.
Isbilermenlikti qollap-quwatlap, kishi ha’m orta isbilermenlikti rawajlandırıw, du’nyadag’ı ba’sekige qa’biletli eliw ma’mlekettin’ qatarına qosılıwg’a ha’reket etip atırg’an O’zbekstan ushın tiykarg’ı problemalarının’ biri bolıp tabıladı.
Men o’z betinshe jumıstı tayarlawda ekonomikalıq oqıw qollanbalardı, ekonomika haqqında jurnallardı, O’zbekstan Respublikasının’ Prezidenti Mu’raja’tin, ma’mleketimizdegi isbilermenlikti qollap-quwatlawdagı ma’mleket ta’repinen ko’rsetiletug’ın ja’rdem tu’rlerine, uzaq waqıtqa arnalg’an ma’mleketlik is-ilajlarg’a, statistikalıq agentliktin’ mag’lıwmatlarına su’yengen halda 2 bo’limnen: teoriyalıq ha’m problemalıq ta’repten bo’lip ko’rsettim.

1. 
   bo’limde isbilermenliktin’ ekonomikalıq ma’nisi, mazmunı, belgileri ha’m principleri, sho’lkemlestiriw formaları haqqında bolsa, 2-bo’limde O’zbekstan Respublikasındag’ı isbilermenlikti rawajlandırıw ha’m qollap-quwatlaw is-ilajları haqqında bayan etilgen.