Tema: Miynet tárbiyasında xalq awızeki dóretpeleriniń ornı. Reje

Tema: Miynet tárbiyasında xalq awızeki dóretpeleriniń ornı.
Reje:
1. Xalıq awızeki dóretpesinde miynet tárbiyası.
2. Xalıq awızeki dóretpesinde ruwxıy -etikalıq tárbiya máseleleriniń sáwlelendiriliwi.
3. Xalıq maqallarında miynet tárbiyası.
4. Xalıq ráwiyatları tiykarında oqıwshılami miynetke úyretiw.


Tayanısh túsinikleri: Xalıq awızeki dóretpesi, ruwxıy -etikalıq tárbiya, maqal, ráwiyat, jumbaq, jańıltpash, dástan.

Babalarımız oylawı hám kósemi menen jaratılǵan eń áyyemgi tas jazıw hám jazıwlar, xalıq awız eki dóretpeleri úlgilerinen tartıp, búgingi kúnde kitapxanalarımız ǵáziynesinde saqlanıp atırǵan mıń- mińlaǵan qol jazbalar, olarda sáwlelengen tariyx, ádebiyat, kórkem óner, etika, filosofiya, medicina, matematika, minerologiya, ximiya, astronomiya, arxitektura tarawlarına tiyisli qımbat bahalı dóretpeler biziń ullı ruwxıy baylıǵımız bolıp tabıladı. Bunday úlken miyraslarǵa iye bolǵan xalıq dúnyada kemnen-kem tabıladı. Tariyxıy estelikler olardıń menen jaqınnan tanısar ekenbiz, olarda berilgen tereń pikir hám ideyalar, ruwxıy - etikalıq kóz-qaraslar, turmıslıq filosofiyası búgingi dáwirmizde de óz áhmiyetin joǵaltpaǵanına isenimimiz mol.

Ásirler dawamında etikalıq, ádep-ikramlılıq temasında bir qansha kitaplar, hikmetler, ibratlı ráwiyatlar jaratılgan. Áyyemgi filosoflar, oyshıllar etikalıq ádep-ikramlılıqqa júdá úlken baha berip, onı jámiyettiiń tiykarı dep ataǵan. Sol sebepli de jámiyet aǵzasınıń minez-qulqı ádep-ikramlılıǵına ayrıqsha itibar beriliwi biykarǵa emes.

Bunday miyras úlgileri menen jaqınnan tanısar ekenbiz, olarda sóz etigan tereń pikir hám ideyalar, ruwxıy-etikalıq kóz-qaraslar búgingi dáwirmizde de óz áhmiyetin joǵaltpaǵan. Mısal ushın eń áyyemgi, eń nawqıran «Avesto»ni alıp kóreyik. Onıń túpkilikli mánisin belgilep beretuǵın «Iygilikli pikir, iygilikli sóz, iygilikli ámel» degen principin alatuǵın bolsaq, ol jaǵdayda házirgi zaman ushın da ibratlı bolǵan turmıs saboqlarınıń bar ekenligin kóriw múmkin. Áne sonday pikirler, yaǵnıy iygilikli pikir, iygilikli sóz, iygilikli ámel, sóz hám jumıs birligi jámiyet ómiriniń ústin turatuǵın ideyası retinde aytıw biziń búgingi ruwxıy ideallarimiz benen qanshelli tıǵız baylanıslı, qanshelli bekkem ásirese turmıslıq tıykarǵa iye ekeni itibarlı bolıp tabıladı.