Tema: Multimedia baylanis tarmaqlarin basqariw Joba

Klient túrine salıstırǵanda xızmetlerdi klassifikaciyalaw.
Klient túrine salıstırǵanda xızmetlerdi klassifikaciyalaw tómendegi xızmetler toparınan shólkemlesken:
- basqa baylanıs operatorlarına kórsetiletuǵın xızmetler (provayderlerge);
- korporativ klientlerge kórsetiletuǵın xızmet túrleri;
- individual paydalanıwshılarǵa kórsetiletuǵın xızmet túrleri.
Bul gruppalar bir birinen xızmetler nomenklaturasına hám operator infrastrukturasın rawajlandırıw dárejesine bolǵan talapǵa salıstırǵanda ajralıp turadı.
Basqa operatorlarǵa kórsetip atırǵan xızmetler nomenklaturası bir qatar ústemshiliklerge iye. Sebebi basqa operatorlar menen múnásebet yamasa resursların kótere satıw ushın “oптовый оператор” – “розничный оператор” sxeması tiykarında qurıladı yamasa maǵlıwmatlar almaslaw xızmetine alıp keletuǵın teń kúshli múnásebet tiykarında qurıladı.
Korporativ klient iri hám kishi bolıwı múmkin. Kishi korporativ klientler individual paydalanıwshılar islete alatuǵın xızmetler (bazalıq telefon, kommutatsiyalangan jalǵanıw, DSL hám basqalar ) kompleksinen paydalanıwları múmkin.

2. Tarmaq xarakteristikası koncepciyası hám xalıq aralıq shólkemler hújjetleri hám táriypler
Telekommunikaciya tarmaqların islew sapası (Network Performance) bul paydalanıwshılar arasında maǵlıwmatlar almaslawın támiyinlew qábileti bolıp tabıladı. Telekommunikaciya tarmaqlarınıń tiykarǵı xarakteristikası bul trafiklerge xızmet kórsetiw natiyjeliligi bolıp tabıladı.
Trafiklerge xızmet kórsetiw natiyjeliligi (ótkezgishlik qábileti), tarmaq obiekti sıyaqlı xizmet kórsetiw sapası hám málim bir texnikalıq jaǵdayda (jumısqa qábiletli hám qábiletli bolmaǵan kanal/liniyalarnıń muǵdarlıq múnásebeti) málim bir jedellik penen túsip atırǵan trafiklarǵa xızmet kórsetiwshi kommutaciyalaw túyinleriniń ózgesheligi bolıp tabıladı.
Kommutaciya túyininiń qábileti trafikge xizmet kórsetiwden ibarat. Ol trafiktiń isenimliligi, uzatıw sapası, iye bolǵan resursları hám múmkinshiliklerine baylanıslı.
Uzatıw sapası – bul, tayın jaǵdayda bolǵan tarmaq obiektiniń qabıl etiwshi punktinde signaldı qayta qayta tiklew beti bolıp tabıladı.
Tarmaq resursı degende kommutaciyalaw, marshrutizaciyalaw, qayta qabıllaw, tarmaq obiektinde maǵlıwmattı saqlaw, keńsepazlıq (bul túsinik ITU-T usınısında ele anıqlanbaǵan hám konkretlestirilmegen).
Isenimlilik-ulıwmalastırılǵan (jıynama ) termin bolıp, tayınlıq ózgesheligin, toqtamasdan islew ózgesheligin, remontlawǵa jaramlılıq, texnikalıq xizmet kórsetiwdi hám remontlawdı xarakteristikalawda qollanıladı.
Tayınlıq –tarmaq obiektiniń qálegen waqıt aralıqlarında (joybarlastırılǵan dáwirden tısqarı, bul dáwirde wazıypasına kóre obiektti) trafikti qayta islew hám sol zamatdan baslap berilgen waqıt intervalı dawamında toqtamasdan islew qábileti.
Biykarlaw etpesten (toqtamasdan) islew- obiekttiń, berilgen waqıt dawamında jumısqa qábiletliligin úzliksiz saqlaw qábileti.
Jumısqa jaramlılıq – tarmaq obiektiniń ózgesheligi bolıp, eskertiwge maslasqanlıq hám biykarlaw etiw sebeplerin anıqlaw hám texnikalıq xizmet kórsetiw hám remontlawdı ótkeriw jolı menen jumısqa jaramlılıq qábiletin qayta qayta tiklewden ibarat.
Xızmet operatorınıń texnikalıq xizmet kórsetiw hám remontlawdı támiyinlew ushın qurallardı támiyinlew qábileti (belgilengen ekspluataciya sharayatında hám qabıl etilgen texnikalıq xızmet qábiletinde).
Ózgesheliktiń hár birin xarakteristikalar kompleksi menen xarakteristikalanıwı múmkin (kórsetkishler, atributlar ). Mısalı, xizmet kórsetiwge tayınlıq tarqalıw ortalıǵı, apparattıń jumısqa qábiletliligi, stanciyanıń hám tarmaq túyininiń ótkizgishlik qábileti sıyaqlı xarakteristikaları menen anıqlanadı.
E.862 ITU-T (1992 y.) usınısında, texnikalıq qurallardıń biykarlaw etiwi menen baylanıslı bolǵan operatordıń hám paydalanıwshınıń ekonomikalıq joytıwların (joybarlawda, proyektlestiriwde, ekspluataciyada hám telekommunikaciya tarmaqlarǵa texnikalıq xızmet kórsetiwde) esapqa alıwǵa múmkin bolǵan jantasıwlar keltirilgen.
Tarmaq operatorı bazar sharayatında islegen halda, biykarlaw etiwler sebepli múmkin bolǵan joytıwlardı bahalaw hám óziniń texnikalıq quralların isenimliligin asırıwda ketetuǵın ǵárejetler menen olardı salıstırıwǵa qızıǵadı. Hár bir xarakteristika bir yamasa bir neshe hádiyseler, jaǵdaylar yamasa tásirinler menen baylanıslı.
Xizmet kórsetiw sapası hám tarmaqtıń jumısı xarakteristikalardı (atributlardı ) barlıq jıyındısı eki kotegoriyaga bólinedi:
- xızmetke jalǵanıw noqatında tuwrı baqlaw jolı menen anıqlanatuǵın hám waqtıniń málim bir bólegine tiyisli bolǵan (mısalı, stanciyadan dawamında keshigiwi) baslanǵısh;
- bir yamasa bir neshe baslanǵısh atributlarǵa yamasa ayırım waqıt intervalına jaqınlastırıwǵa tiykarlanǵan halda anıqlanatuǵın (mısalı, tayınlıq koefficiyenti) tuwındı.