Tema: Quwırshaq-qolǵap Reje

Tema: Quwırshaq-qolǵap


Reje:

1. 
   Quwırshaq qolǵap haqqında túsinik
   
2. 
   Quwırshaq qolǵaptıń qollanılıwı
   
3. 
   Balalar tárbiyasında quwırshaqlardıń tutqan ornı
   

Bizge belgili‚ mámleketimizde teatrdıń kópshilik túrleri xızmet kórsetip kelmekde. Teatr bul grekshe (tiyation) sózinen alınǵan bolıp tamashaxana degen mánisti bildiredi. Balalardıń súyikli teatrı bul quwırshaq teatrı. Bul teatr arqali balalar ózlerine jaqın hám tanıs bolǵan oyınshıqlardı, ayıw, qoyan, kúshik hám basqa qahramanlardı janli túrde Kóredi. Teatr balalarǵa quwanısh baǵıshlaw menen birge úlken tárbiyalıq áhmiyetke hám iye.

Mektepke shekemgi bilimlendiriw mákemelerinde úlken spektakllerdi qoyıw múmkin emes. Kishi ertek tiykarında ózleriniń oyınshıqları járdeminde qoyıwları múmkin. Bu kishi Kórinislerdiń hár biri hám balalarda úlken tásir oyatadı hám bayram erteklerine Kóterińki ruh baǵıshlaydı. Hár qanday Kórkem shıǵarmanı quwırshaq teatrı arqalı Kórsetilse, balalar ushın jánede túsinikli boladi quwırshaq qolǵap teatrın aytıp bul teatrlarǵa múrájáát etiwimiz lazım. Sebebi bunday ertekler álemi balalardıń súyikli tamashası esaplanadı.
Quwırshaq teatrı ushın eń kerekli bolǵan shirmanı tayarlap alıw kerek. Shirmanınıń uzınlıǵı 50 sm, uzınlıǵı 80 sm reyka járdeminde tayarlanadı. Reyka, shege arqalı qaǵılıp, arqa tárepine eki tárepi ashılatuǵın etip, teri arqalı birlestirip oǵan perde tigiledi hám ornatıladı. Quwırshaqlardı pap`e - mashe usılında tayarlaw múmkin. Ertek qahramanları tayar bolǵannan keyin, teksti jazıp, saxnalastırıwǵa tayarlanadi. Ertek qatnasıwshıları, personajlar, ertek teksti, baslawshı, ertekshi ata yaki apalar boladı.
Mektepke shekemgi bilimlendiriw mákemelerinde kewil ashıw saatlarında tómendegi teatr túrlerinen paydalanıdi:
1. Soya teatri;
2. Stol teatri;
3. Barmaq teatri;
4. Flanel teatri;
5. Quwırshaq qolǵap teatri.