Tema: Usınısnama, esabat
USÍNÍSNAMA
Usınıs - qanday da bir shaxstı belgili bir lawazımǵa yamasa hár túrli shólkemlerge aǵzalıqqa usınıw maqsetinde dúziletuǵın rásmiy hújjet.
Usınıs dóretiwshi shólkemler, mákeme administraciyası yaki ayırım jekke adam tárepinen beriliwi múmkin. Onda usınıs etilip atırǵan shaxstıń minezi, qánigeligi, jetiskenlikleri, usınılıp atırǵan lawazımǵa ılayıqlıǵı jazıladı. Usınıstıń zárúrli bólimleri:
Hújjettiń atı (Usınıs).
Hújjettiń mazmunı.
Usınıs beriwshi adamnıń lawazımı, ismi, ákesiniń atı, familiyası.
Qolı.
Hújjet tapsırılatuǵın sáne.
Úlgi:
Usınısnama
Gúlayım Orazımbetova Ájiniyaz atındaǵı NMPI Túrkiy tiller fakultetinde ayrıqsha bahalarǵa oqıydı. Hár jılı joqarǵı oqıw orınları arasında qaraqalpaq tili hám ádebiyatı páninen ótkeriletuǵın olimpiadalarǵa qatnasıp sıylıqlı orınlardı iyeleydi. Lingvitsitkalıq dógerek aǵzası. Inglis hám rus tillerin jaqsı ózlestirgen.
1- kurstan baslap ilimiy izertlew isleri menen shuǵıllandı. Ilimiy bayanatları menen lingvistikalıq dógereklerde, ilimiy – metodikalıq seminarlarda, joqarǵı oqıw orınları arasında hám Respublika kóleminde ótkerilgen ilimiy ánjumanlarǵa qatnastı, 2 ilimiy maqalası «Ilimi hám jámiyet» jurnalında járiyalandı.
Voleybol boyınsha institut saylandı komandası aǵzası. Ol sport jarıslarǵa úzliksiz qatnasıp bir medal hám birneshe maqtaw qaǵazlarına iye.
Minezi saldamlı, óziniń jeke kóz-qaralarına iye, pikirlerin dáliylley aladı.
Gúlayım Orazımbetova óziniń adamgershiligi hám miynetkeshligi menen jámáát arasında úlken abırayǵa eristi. Instituttaǵı jámiyetlik jumıslarǵa belsene qatnasıp kelmekte. Sol sebepli onı fakultetimiz atınan Ózbekstan Respublikası «Prezident stependiantı» tańlawına qatnasıwǵa usınıs etemen.
Fakultet dekanı: (qolı) …………………………
00.00.0000.
|
Do'stlaringiz bilan baham: |
