Teoriyaliq materiallar 1-tema. Finanslıq analiz pániniń teoriyalıq tiykarları

Investiciya iskerligi. Xojalıq júritiwshi subyekt investiciya iskerliginen keletuǵın pul aǵımı haqqındaǵı maǵlıwmattı óz aldına kórsetip beredi. Investiciya iskerliginen pul aǵımı haqqındaǵı maǵlıwmat keleshekte dáramat hám pul aǵımı muǵdarın belgileytuǵın resurslar boyınsha qılınǵan qárejetler dárejesin kórsetedi. Investiciya iskerliginen alınǵan tiykarǵı pul aǵımlarına tómendegiler kiredi:

a) tiykarǵı qurallardı, materiallıq emes hám basqa uzaq múddetli aktivlerdi satıp alıwǵa pul tólemleri. Bul tólemler tájiriybe-konstruktorlıq jumıslarına ajıratılǵan investiciyalastırılǵan qárejetler, sonday-aq xojalıq sudı menen ámelge asırılǵan qurılıslar menen baylanıslı bolǵan tólemlerdi óz ishine aladı;

b) tiykarǵı qurallardı, materiallıq emes hám basqa uzaq múddetli aktivlerdi satıwdan alınǵan pul túsimi;

v) basqa subyektlerdiń akciyaları yaki qarız minnetlemelerin hám de qospa kárxanalarda qatnasıw huqıqın satıp alıwǵa tiyisli pul tólemleri, pul ekvivalentleri bolıp esaplanǵan yaki dilerlik maqsetlerine yaki sawda maqsetlerine saqlap qoyılǵan tólem hújjetleri boyınsha tólemler (vekseller sıyaqlı hújjetler boyınsha tólemler)den tısqarı;

g) basqa subyektlerdiń akciyaları hám qarız minnetlemelerin hám de qospa kárxanalarda qatnasıw huqıqın satıwdan kelgen pul túsimleri, pul ekvivalenti esaplanǵan yaki dilerlik yaki sawda maqsetleri ushın saqlanıp atırǵan veksel sıyaqlı tólem hújjetleri boyınsha túsimler buǵan kirmeydi;

d) basqa táreplerge berilgen avanslar hám kreditler (finanslıq mekemelerge berilgen avanslar hám kreditlerden tısqarı);

e) basqa táreplerge berilgen avanslar hám ssudalardıń qaytarılıwınan pul túsimleri (finanslıq mekemelerge berilgen avanslar hám kreditlerden tısqarı);

j) fyuchers hám forvard kelisimleri, opcion kelisimler hám svop kelisimler boyınsha tólemler, olar diler yaki sawda maqsetleri ushın mólsherlengen jaǵdaylar buǵan kirmeydi yaki tólemler finanslıq iskerlik sıpatında klassifikaciya etiledi.

z) hám basqalar.