Tijorat banklari faoliyati samaradorligi va bank foydasi

Mavzu: "Tijorat banklari faoliyati samaradorligi va bank foydasi"

1. 
   KIRISH
   
2. 
   Asosiy qism.
   

1. Tijorat banklari faoliyati tahlili va uning turlari.
2. Tijorat banki majburiyatlari samaradorligi.
3. Tijorat banki aktivlaridan samarali foydalanish va bank xarajatlari.
4. Tijorat banklarining moliyaviy natijalar shakllanishi va bank foydasi.
III. XULOSA

3. 
   Foydalanilgan adabiyotlar ro'yxati.
   

KIRISH
Bozor munosabatlari sharoitida xo`jalik yurituvchi subyektlar yuqori foyda olishga intiladi. Bizga ma’lumki, barcha daromadlardan barcha xarajatlarni ayirish orqali foydaga erishiladi. Foyda ko’rsatkichini yaxshilanishi bir qator iqtisodiy ko’rsatkichlarga o’z ijobiy ta’sirini ko’rsatib, ichki rezerv va imkoniyatlardan samarali foydalanayotganligini ko’rsatadi. Shuningdek foyda ko’rsatkichini yaxshilanishi bank xodimlarini farovonligini va bank imidjini oshirishga yordam beradi. Bank muassasalarining ish prinsipi ko’proq daromad olish hamda kamroq xarajatlar qilib, moliyaviy natija yakunida maksimal foyda olish hisoblanadi. Bozor munosabatlari sharoitida bank tizimini erkinlashtirish munosabati bilan bu sohada ham raqobatchilik muxiti mavjud bo’lib, har bir bank muassasasi o’z imkoniyatlaridan kelib chiqib raqobatga kirishadi.
Bugungi kunda bank muassasalarida raqobatchilik muxiti takomillashgan. Buni yaqqol isboti sifatida banklarda berilayotgan kreditlarni foiz stavkalarini ushlab turgan holatda, mijozlarga qo’shimcha xizmat turlarini taklif qilish orqali kreditlarni joylashtirish amalga oshirilmoqda. Bank yuqori foydaga erishishida bank daromadlarini tahlil qilish muhim ahamiyat kasb etadi. Bank muassasalarida daromadlarni tahlil o’tkazishdan asosiy maqsad, rahbariyatga qaysi bir faoliyat istiqbolliligini ko’rsatib berish hamda oqsab borayotgan sohalarni ko’rsatib berishdan iborat. Endi biz yana ham aniqroq qilib tijorat banklarining daromadlar tarkibini ko’rib chiqamiz. Har bir tijorat banklari o’z faoliyatlarini olib borishda maqsadi yuqori daromad olishga qaratilar ekan, bunday daromadlarni ko’paytirish yo’llarini tijorat banklari o’zlari mustaqil ravishda belgilaydilar.