Til bayramí orazgúL : Assalawma áleykum áziz diyarım, Dańq-dáwlet, mártebeń jetsin aspanǵa

TIL BAYRAMÍ

ORAZGÚL :

Assalawma áleykum áziz diyarım,

Dańq-dáwlet, mártebeń jetsin aspanǵa,

Bálent párwazlarıń tereń qıyalıń,

Mángi baxıt, miyras bolsın jaslarǵa.
TALǴAT: Assalawma áleykum húrmetli ustazlar, assalawma aleykum mektebimiz oqıwshıları.
ORAZGÚL : Mine, búgin jáne bir ullı táriyxıy sánelerimizdiń biri biziń mektebimizde belgileniw aldında tur.
TALǴAT: Bilesiz be, Til - sóylew ushın, júrek hám kewlimiz bolsa - sol sózlerden lázzet alıw ushın berilgen.
ORAZGÚL : Mine, usı tilimiz arqalı hárbir kewilge lázzet baǵıshlayıq.
TALǴAT:

Jıraw seni báygi atınday baplaǵan,

Sheshenler dawda shıńlap seni taplaǵan,

Alpamıslar uran etip urısta,

Berdaq seni qural etip saplaǵan.
ORAZGÚL : Bayterekseń ósken góne tamırdan,

Dilwarlıǵıń qıl suwırǵan qamırdan,

Qaraqalpaqtıń kewil qusı sayrasa,

Sóz qıysını ǵaziyneńnen tabılǵan.
TALǴAT: 1-dekabr Qaraqalpaq tiliniń Mámleketlik til Biyligin alǵan kún.
ORAZGÚL : Álbette, búgindi ullı táriyxıy sáne dep aytıwımızdıń maqseti bar. Bul sózge itibar berip qaraǵan bolsańız ótkendegi ata-babalarımız mine usi biylikti alıw ushın qansha háreketler qılǵan.

Búgin, biz jaslar olardıń iygilikli islerin dawam etiw maqsetinde hárekettemiz.
TALǴAT: Endi bolsa bayram keshemizdi ashıp beriw ushın sóz mektebimizdiń OIBDO Kuandık Jalǵasbayevqa beriledi.

+++++++++++++++++++++++++++++++++++++++++++++++++__TALǴAT'>+++++++++++++++++++++++++++++++++++++++++++++++++

ORAZGÚL : Til – milletıń ǵaziynesi. Dúnyada taza til bolmaydı. Biraq taza sóylew boladı deydi danalarımız. Endigi náwbetti mektebimizdiń 11-klass oqıwshısı *****************, “Tilge itibar-elge itibar” bayanatına beremiz.

+++++++++++++++++++++++++++++++++++++++++++++++++
TALǴAT: Kewlimizdegi hár qanday jaqsı oylar, gozzal sezimlerdi biz tilimiz arqalı jetkizip beremiz.

Endigi náwbetti mektebimizdiń Qaraqalpaq tili páni oqıtıwshısı Muxammedyar …….. “Til-millettiń milliy pasportı” bayanatına.

ORAZGÚL: Ana tiline itibar hám húrmet penen qaraw, hár bir sózdiń astarında jasırınǵan tereń mazmundı túsiniw, olardan zawıqlanıw biziń - minnetimiz. Házir saxnamızǵa “ata-babalarımızdıń ásirler dawamında toplaǵan tájiriybeleri esaplanatuǵın atadan-balaǵa, zamannan-zamanǵa ótip kelgenlikten ATALAR SÓZI dep atalatuǵın” 5b-klass oqıwshıları tárepinen tayarlanıp kelingen Tilge baylanıslı naqıl-maqallarǵa beremiz.

+++++++++++++++++++++++++++++++++++++++++++++++
TALǴAT:

Góne zamannıń gúwası,

Sharxanada sóz aǵlası,

Berdaq babamnıń múńlası,

Dártiń bayan áyle duwtar.
Gúmbirlegen sazǵa baysań,

Dártlerimdi qozǵaǵaysań,

Gúńirenip nege jılaysań,

Tiliń bolsa sóyle duwtar.

Házir bolsa, 7-klass oqıwshısı /////////////////////// atqarıwındaǵı DOMBIRA SAZ ásbabında namalı qosıqqa

++++++++++++++++++++++++++++++++++++++++++++++
TALǴAT: Watan, Ana-til, bunı tilimiz arqalı júda ańsatlıq penen ayta alsaqta, onıń tereń mánisi bar.
ORAZGÚL : Mine, bunı júregi menen seze bilgen shayırlarımız óz ana-tili haqqında qosıqlar dóretken.

Náwbetti mektebimizdiń 6-klass oqıwshıları tárepinen kórkem oqıwǵa beremiz.

+++++++++++++++++++++++++++++++++++++(taqmaqlar)

TALǴAT: Húrmetli bayram keshemiz miymanları, zerigip qalmadıq pa??

Kel, Orazgúl, házir birgelikte zalda otırǵan oqıwshılar menen bir konkurs ótkersek. Konkurstıń atı: “Naqıldıń izin dawam ettiriń” degen.

ORAZGÚL : Álbette. Házir biz birgelikte til baylıǵı bolǵan naqıl-maqallar aytıp oqıwshılar bilimin sınaqtan ótkeremiz.

Konkurstıń shárti: Bir oqıwshı naqıldıń yarımın aytadı, keyingi oqıwshı naqıldıń izin dawam ettiredi.

++++++++++++++++++++++++++++++++++++++++++++++++++

TALǴAT: Endi 5-klass oqıwshıları tárepinen tayarlanıp kelingen xor qosıqqa beremiz. (Biybigúl)
ORAZGÚL : Endigi náwbetti mektebimizdiń 7-klass oqıwshıları tárepinen tayarlanıр kelingen qosıqqa. (Qaraqalpaqstan)
ORAZGÚL : Endigi náwbetti mektebimiz oqıwshıları tárepinen tayarlanǵan saxnalıq kóriniske beremiz.

=++++++++++++++++++++++++++++++++++++++++++++++++++

TALǴAT: Házir, saxnanı mektebimizdiń 9-klass oqıwshılarına qosıqqa. (Elim bar)
ORAZGÚL: Sonıń menen, mektebimizde Qaraqalpaqstan Respublikası Qaraqalpaq tiline Mámleketlik til Biyligi berilgen sánege baǵıshlanıp ótkerilip atırǵan “Til – millettiń milliy passportı” atlı bayramǵa juwmaq jasardan aldın búgingi bayram keshege belsendilik penen qatnasqan oqıwshılardı saxnaǵa shaqıramız.