Til dil kaliti

1-boshlovchi: Davramizga yanada ko’tarinki ruhda davom etishi uchun Said Ahmadning “Kelinlar qo’zg’olonidan ” olingan parchaga beramiz.
2-boshlovchi: Sahnaga 5-sinf o‘quvchilarni taklif qilamiz. Ularning “Fikrlar bekati” mushoirasi nomli ko’rinishlariga beramiz.
“Vergul”: Shoshmang, meni demang norasida, o‘rnim tengdosh bo‘laklarning orasida…
“Qo‘shtirnoqlar”: Ko‘chirma gap ketolmaydi bizdan qochib, uni doim olamiz keng quchoq ochib…
“Tire”: Dialogda mening eng ko‘p turar joyim, yana ma’no takrorlansa, men bor doim…
“So‘roq-undov”: Xushsurat, xush odobmiz, go‘yoki bir quyosh-obmiz.
Kerak paytlar birlashib, ham savol, ham javobmiz.
“Nuqta”: Fikrlarning bekati – Nuqtadirman,
Har darak gap oxirida to‘xtaydurman.
Gapim tamom, bundan bo‘lak menga ne bor,
O‘ylaymanki, so‘zim qolmas bee’tibor.
1-boshlovchi:5-sinflar ijrosidagi raqsga beramiz.( Bayram haqidagi qo’shiqqa raqs)
2-boshlovchi: (Sahna ko‘rinishi. Shoh va mulozimlari kirib keladi).
Shoh: — Menga dunyodagi eng lazzatli taomni keltiring.
(Vazirlar maslahatlashib, til go‘shtidan taom pishirib keldilar).
Shoh (tatib ko‘rib): — Bu qanday etdurkim, mazasi rohati jondur?
1- vazir: — Bir qoshiq qonimdan keching, olampanoh! Bu — til go‘shtidan pishirilgan taom.
Shoh: — Borakallo, aqlingizga tasanno! Endi meng‘a eng achchiq narsadan tayyorlangan taom keltiring.
(Bu gal ham unga til go‘shtidan yemak keltirdilar).
Shoh: — Bu taom nedan iborat?
2- vazir: — Ey, aqli bokaram zot! Bu gal ham til go‘shtidan taom tayyorladik. Zero, dunyoda achchiq so‘z, shafqatsiz tildan-da achchiqroq narsa bo‘lmas, deb fikr etdik, olampanoh.
Shoh: — Ofarin, ofarin! Haqiqatan, dunyoda tildan-da shirin, tildan-da achchiq narsaning o‘zi bo‘lmas.
1-boshlovchi: Inson shunday oliy bir mavjudotki, unga aql-idrok, fahm-u farosat bilan birga so`zlay olish qobilyati ham berilgan.
2-boshlovchi: Ha, so`zning qudrati buyuk. U butun jahonni qo`lda tutmoqqa qodir. So`zdan qimmatliroq, undan ulug`roq kuch yo`q dunyoda.
YULDUZ USMONOVA VATAN QO’SHIG’I
Yakunlash so’z navbatini maktabimizning direktori Rahimov Ahadxon Abdullayevichga beramiz.