Тилига кириш услубий қўлланма

typedef калитли сўзи.

unsigned short int каби калит сўзларни кўп марталаб дастурда ёзилиши зерикарли ва диққатвозлик талаб қилганлиги учун С++ тилида бундай типларни typedef калитли сўзи ёрдамида псевдонимини (тахаллусини) тузиш имконияти берилган. typedef сўзи типни аниқлаш маъносини билдиради.
Псевдоним тузишда типнинг номи янги тузиладиган тип номидан фарқли бўлиши лозим. Бунда биринчи typedef калитли сўзи, кейин мавжуд тип номи, ундан сўнг эса янги ном ёзилади. Масалан:

typedef unsigned short int ushort

Бу сатрдан сўнг ushort номли янги тип ҳосил бўлади ва у қаерда unsigned short int типидаги ўзгарувчини аниқлаш лозим булса, шу жойда ишлатилади.

3.3. – листинг . typedef оператори орқали типларнинг аниқланиши

1. 
   # include < iostream. h >
   
2. 
   typedef insigned short int ushort
   
3. 
   int main()
   
4. 
   { ushort Buyi = 5;
   
5. 
   ushort Eni = 10;
   
6. 
   ushort Yuzasi = Buyi* Eni;
   
7. 
   cout << “Yuzasi:” << Yuzasi << end;
   
8. 
   }
   

НАТИЖА:
Area: 50

Белгилар.

Белгили ўзгарувчилар одатда бир байт жойни эгаллайди ва бу 256 хил белгини сақлаш учун етарлидир. Char типи қийматларини 0..255 сонлар тўпламига ёки ASCII белгилар тўпламига интерпретация қилиш мумкин.

Махсус белгилар.

С++ компилятори текстларни форматловчи бир нечта махсус белгилардан ташкил топган. (Улардан энг кўп тарқалгани 3.2. - жадвалда келтирилган). Бу белгиларни дастурда ишлатишда «тескари слеш»дан фойдаланамиз. Тескари слешдан кейин бошқарувчи белги ёзилади. Масалан, табуляция белгиини дастурга қўйиш учун қуйидагича ёзувни ёзиш керак.

Char tab =‘\t’;

Бу мисолдаги char типидаги ўзгарувчи \t қийматини қабул қилади. Махсус белгилар ахборотларни экранга, файлга ва бошқа чиқариш қурилмаларига чиқаришда форматлаш учун қўлланилади.

3.2. жадвал.

Белгилар	Қиймати
\n \t \b \” \’ \? \\	Янги сатрга ўтиш Табуляция Битта позицияга ўтиш Иккиталик қавсча Битталик қавсча Сўроқ белгиси Тескари слеш

Ўзгармаслар

Ўзгарувчилар каби ўзгармаслар ҳам маълумотларни сақлаш учун мўлжалланган хотира ячейкаларини ўзида ифодалайди. Ўзгарувчилардан фарқли равишда улар дастурни бажарилиши жараёнида қиймати ўзгармайди. Ўзгармас эълон қилиниши билан унга қиймат бериш лозим, кейинчалик бу қийматни ўзгартириб бўлмайди.

С++ тилида икки турдаги, литерал ва белгили ўзгармаслар аниқланган.